ထိုင်းနိုင်ငံ အတွင်း အကြောင်း အမျိုးမျိုးနဲ့ ပြစ်ဒဏ်ကျခံပြီးတဲ့ မြန်မာနိုင်ငံသား ၁၀၄ဦး ကို မတ်လ၉ရက်နေ့ က မြန်မာပြည် ကော့သောင်းဘက်သို့ ပြန်လည်လွှဲပို့ပေးခဲ့တယ်လို့ ထိုင်းနိုင်ငံ ရေကြောင်းလုံခြုံရေးကွပ်ကဲမှုဒေသရုံးရဲ့သတင်းထုတ်ပြန်ချက်အရ သိရပါတယ်။
အမျိုးသား၈၄ဦးနဲ့အမျိုးသမီး ၂၀ဦး တို့ကို ပါဝင်ကာ ရနောင်းကတစ်ဆင့်ကော့သောင်း ဘက်သို့ ရေကြောင်းဖြင့် လွှဲပို့ပေးခဲ့တယ်လို့ သိရပါတယ်။
၄င်းတို့မှာ ထိုင်းနိုင်ငံအတွင်း တရားမဝင် နယ်စပ်ဖြတ်ကျော်ဝင်ရောက်မှု၊အထောက်အထားမရှိ ဘဲ နေထိုင် မှု တို့အပါအဝင် အခြား အကြောင်းအရာတွေ ကြောင့် အဖမ်းခံရပြီး ပြစ်ဒဏ်ချမှတ်ခံရသူတွေဖြစ်တယ်လို့ သိရပါတယ်။
ထိုင်းအာဏာပိုင်တွေ အနေနဲ့ ထိုင်းနိုင်ငံအတွင်း ပြစ်ဒဏ်ကျခံပြီးတဲ့ မြန်မာနိုင်ငံသားတွေကို လစဉ် အနည်းဆုံး တစ်ကြိမ် မြန်မာ ဘက်သို့ ပြန်လွှဲပို့ပေးပြီး ယခု ၂၀၂၆ခုနှစ် အတွင်း ငါးကြိမ် လွှဲပို့ ခဲ့ရာ လူဦးရေ ၄၀၀ ခန့်ရှိပြီ ဖြစ်တယ်လို့ သိရပါတယ်။
ပြစ်ဒဏ် ကျခံပြီးလို့ မြန်မာဘက်သို့ လွှဲ ပြောင်းခံရတဲ့ သူတွေကို ၂၀၂၄ခုနှစ်က စပြီး စစ်ကော်မရှင်က စစ်မှုထမ်း ဖို့ အတင်းအဓမ္မခေါ်ဆောင် သွားသလို မိသားစု ဝင်တွေက ပိုက်ဆံသိန်းချီပေး၍ ပြန်ရွေးထုတ်ရတာလည်းရှိတယ်လို့ စစ်မှုထမ်းအတွက်ခေါ်ဆောင်ခံရပြီး ထွက်ပြေးလွတ်မြောက်လာသူတွေ ထံ မှ သိရပါတယ် ။
ပြီးခဲ့တဲ့ ၂၀၂၅ခုနှစ် တွင် ရနောင်းမှ တစ်ဆင့်ကော့သောင်း ဘက်သို့ ပြန်လွှဲပို့ခံရသူ မြန်မာနိုင်ငံသား ၂၀၀၀ကျော် ရှိတယ်လို့ သိရပါတယ်။
