ထိုင်းနိုင်ငံ အတွင်းကို နယ်စပ်ဖြတ်ကျော်ကာ တရားမဝင် ဝင်ရောက်လာတဲ့ မြန်မာအလုပ်သမား ၃၉ ဦး အဖမ်းခံရတယ်လို ထိုင်းသတင်းဌာနတွေရဲ့ဖေါ်ပြချက်အရသိရပါတယ်။ 

ဖေဖေါ်ဝါရီ ၅ရက် နေ့မှာ အယုဒ္ဓယ အဝေးပြေးရဲတပ်ဖွဲ က အဝေးပြေးလမ်းမကြီးပေါ် တွင် ဘန်ကောက်ကို သွားရောက်မယ့် မြန်မာအလုပ်သမား ၃၁ဦး ကိုသယ်ဆောင်လာတဲ့ ကား၂စီးကို စစ်ဆေးဖမ်းဆီးခဲ့တယ်လို သတင်းမှာဖေါ်ပြထားပါတယ်။ 

မြန်မာအလုပ်သမား တွေ ကို ကားနှစ်စီးပေါ်မှာ ကျပ်သိပ်စွာတင်ဆောင်လာပြီး ပွဲစား ကို ကားခအဖြစ် တစ်ဦး ကို ဘတ် ၈၀၀၀ မှ၁၀၀၀၀ထိ ပေးလာရတယ်လို မြန်မာအလုပ်သမားတွေ က ထွက်ဆိုထားပါတယ်။ 

ဒါ့အပြင် ဖေဖေါ်ဝါရီ ၆ ရက် မနက် ၁နာရီ ခန့်  မှာလည်း ထိုင်း-မြန်မာ နယ်စပ် မဲဆောက်မြို တောင်ကြား လမ်း ရှိ စစ်ဆေးရေး ဂိတ်မှာ ပြောင်းဖူးစေ့ များတင်ဆောင်လာတဲ့ ကားပေါ် ခိုးဝှက် လိုက်ပါလာတဲ့ မြန်မာအလုပ်သမားအမျိုးသား ၆ ဦးနဲ့ အမျိုးသမီး ၂ဦး စုစုပေါင်း ၈ဦး ကို ထိုင်းအာဏာပိုင်တွေက ဖမ်းဆီးခဲ့တယ် လို ထိုင်းသတင်းတွေ မှာဖေါ်ပြထားပါတယ်။ 

၂၀၂၅ ခုနှစ် နှစ်ပိုင်းကစပြီး ထိုင်း-မြန်မာ နယ်စပ်မှာ ကျားဖြန်နှိမ်နှင်းရေး အတွက် စစ်ဆေးရေး တွေ အလွန် တင်းကြပ်နေချိန်တွင် ထိုင်းနိုင်ငံ အတွင်း တရားမဝင် ဝင်ရောက် လာတဲ့ မြန်မာအလုပ်သမား တွေ အဖမ်းခံရတာလည်း ဇန်နဝါရီ ၂၉ရက်မှ ဖေဖေါ်ဝါရီ ၆ရ က် အထိ နှစ်ပတ် အတွင်း အယောက် ၄၀၀ ခန့် ဖမ်းဆီးခံထားရပါတယ်။ 

 ယခု ကာလ အတွင်း အဖမ်းဆီးတွေ များတာကြောင့် မြန်မာနိုင်ငံသားတွေအနေနဲ့ ထိုင်း နိုင်ငံ အတွင်းကို နယ်စပ် ဖြတ်ကျော် ကာ တရားမဝင် လာရောက်တာ မျိုး မပြုလုပ်သေးဖို ထိုင်းရောက် မြန်မာအလုပ်သမားရေးကူညီသူတွေက သတိပေးပြောကြားထားပါတယ်။ 

Ref:Khasod