မြန်မာရွှေ့ပြောင်းအလုပ်သမားများအတွက် မည်သူမည်ဝါဖြစ်ကြောင်းအထောက်အထား ဖြစ်တဲ့ CI စင်တာတွေအားလုံးကို ဇူလိုင်လ ၇ ရက်ကစပြီး ပိတ်သိမ်းသွားမှာ ဖြစ်တယ်လို့ ထိုင်းအလုပ်သမားရေးဝန်ကြီးဌာနက ဇွန်လ ၂၈ ရက် မှာ ထုတ်ပြန်လိုက်ပါတယ်။
ထိုင်းနိုင်ငံ အတွင်းမှာ CI စခန်း ၈ခု ရှိပြီး ပြီးခဲ့တဲ့ ဇွန်လ ၁၉ရက်မှာတော့ နခွန်စဝမ်နှင့်ဆုန်ခါလာ ခရိုင် တို့မှ စခန်း နှစ်ခု ပိတ်သိမ်းလိုက်တယ်လို့ ကြေညာခဲ့ပြီး ယခု မှာ စီအိုင်စခန်း အားလုံးကို ပိတ်သိမ်းတယ်လို့ ထပ်မံကြေညာခဲ့ ခြင်း ဖြစ်တယ်လို့ သိရပါတယ်။
မြန်မာအစိုးရဘက်က တောင်းဆိုလာလို့ စီအိုင်စခန်း အားလုံးကို ဇူလိုင်၇ရက်မှာ အပြီးပိတ်သိမ်းရတာ ဖြစ်တယ်လို့ ထုတ်ပြန်ချက်အရသိရပါတယ်။
လောလောဆယ်မှာ CI အထောက်အထား လုပ်ဖို့ 7/11ကောင်တာများမှာ မှတ်ပုံတင်စာ
င်းသွင်းထားပြီးသူတွေ အနေနဲ့ အမြန်သွားရောက် လုပ်ကိုင် ဖို့ ထိုင်းရောက်မြန်မာလူမှုအဖွဲ့အစည်းတွေ အသိပေးထားပါတယ်။
"ဒီမနက်တော့ လာလုပ်တဲ့သူ နည်းသွားတယ် အကယ်လို CI စာအုပ်မလုပ်လိုက်ရ ရင် ဘတ်ရိုက်ထားတဲ့သက်တမ်းရှိသလောက်ပဲ နေထိုင်ခွင့်ရမှာပါ ဘတ်ရိုက်ပြီတဲ့သူက CI ကိုဆက်သွားရတယ် အကယ်လို့များ CI မပြောင်းဘူး ဘတ်ပဲရှိတယ်ဆို သက်တမ်းကုန်တာနဲ့ အထောက်ထားမဲ့တွေပြန်ဖြစ်တယ်"လို့ ထိုင်းရောက်မြန်မာနိုင်ငံသားတစ်ဦးကပြောပါတယ်။
ထိုင်းနိုင်ငံမှာ မြန်မာအလုပ်သမားတွေ တရားဝင်နေထိုင် အလုပ်လုပ်ကိုင်ခွင့်ရရှိစေဖို့ ထိုင်းအလုပ်ရှင်များက အမည်စာရင်းတင်သွင်းတဲ့ အထောက်အထားမဲ့ မြန်မာအလုပ်သမား ၉သိန်းနီးပါးရှိပြီးအဆိုပါ အလုပ်သမားတွေ ကို မည်သူမည်ဝါဖြစ်ကြောင်း သက်သေခံလက်မှတ် CI ကို စခန်း၅ခုနှင့် Mobile unit ၃ခု ကို ၂၀၂၄ခုနှစ် ဖေဖေါ်ဝါရီလ ၂၃ရက်က စတင် ဆောင်ရွက်ပေးခဲ့ပြီး ၂၀၂၄ခုနှစ် အောက်တိုဘာလ ၃၁ရက်အထိ ပြုလုပ်ပေးမယ်လို့ စကစရဲ့ အလုပ်သမားဝန်ကြီးဌာန က ထုတ်ပြန်ကြေညာခဲ့ပါတယ်။
