ထိုင်းနိုင်ငံ ပရာကျင်ဘူရီခရိုင် စက်မှုဇုံ ရှိ ဆောက်လုပ်ရေး လုပ်ငန်းခွင်တွင် မြန်မာအလုပ်သမား ၇၀၀ ကျော် လုပ်ခလစာ မရတဲ့ အတွက် ဆန္ဒပြတောင်းဆို လျက်ရှိတယ်လို့ ထိုင်းသတင်းဌာနများရဲ့ဖေါ်ပြချက်အရသိရပါတယ်။
ဩဂုတ်လ ၁၆ရက် ည ပိုင်း မှာ စတင် ဆန္ဒထုတ်ဖေါ်တာ ဖြစ်ပြီး မြန်မာအလုပ်သမားတွေရဲ့ လုပ်ခလစာ ၂လ စာ ကို အလုပ်ရှင် က မပေးတဲ့ အတွက် အခုလိုဆန္ဒ ထုတ်ဖေါ်တာ ဖြစ်တယ်လို့ သိရပါတယ်။
"မနေ့ညက ဆန္ဒထုတ်ဖေါ်တာ သူတို့ ဆောက်လုပ်ရေး ဆိုက်ထဲမှာပဲ ပြတာ သူဌေးက တရုတ်သူဌေး လုပ်စာ မရတာ ၂လ ရှိပြီ အလုပ်သမားတွေ မှာ စားသောက်ရေး အခက်ခဲ ဖြစ်တော့ဒေါသ ဖြစ်လာကြပြီး အခုလိုဆန္ဒပြပြီး လုပ်ခ တောင်းကျတာ အခုအလုပ်သမားထဲ မှာက အထောက်အထားမဲ့ တွေ လဲ ပါတော့သူဌေး ဘက်က ညစ်တာလို့ ထင်တယ် "လို့ မြန်မာအလုပ်သမားတစ်ဦးကပြောပါတယ်။
ယမန်နေ့ညက ဆန္ဒပြအလုပ်သမားတွေ ကို အလုပ်ရှင်ဖြစ်သူက ကနဦး အလုပ်သမားတဦးကို ဘတ် ၅၀၀ ပေး မယ်လို့ ပြောဆိုရာ အလုပ်သမားတွေက လက်မခံဘဲ လုပ်အားခ အားလုံး ကို အပြည့်၀ထုတ်ပေးဖို့သာ ပြောဆိုတဲ့ ညှိနှိုင်းမှု အဆင်မပြေဘဲ လက်ရှိအချိန်ထိ တောင်းဆိုလျက်ရှိတယ်လို့သိရပါတယ်။
