ထိုင်းနိုင်ငံ အတွင်း ကို အလုံပိတ်ကုန်တင်ကားနဲ့ တရားမဝင် လိုက်ပါလာတဲ့ မြန်မာနိုင်ငံသား၁၆ဦး ကို ထိုင်းအာဏပိုင်တွေက ဖမ်းဆီးခဲ့တယ်လို့ ထိုင်းသတင်းတွေမှာဖေါ်ပြထားပါတယ်။

 

ဇူလိုင် ၁၀ရက် မနက် အစောပိုင်းက တာ့ခရိုင် မဲဆောက်မြို့ကလာတဲ့ ကားနှစ်စီး ကို ဖယုဟာ ခီရီ (Phayuha Khiri) ခရိုင် စစ်ဆေးရေးဂိတ်မှာ မသင်္ကာတဲ့တဲ့ အတွက် စစ်ဆေးခဲ့ရာ ကနေ ဖမ်းဆီးခံရတာ ဖြစ်တယ်လို့ သိရပါတယ်။

 

ဖမ်းဆီးခံရတဲ့ မြန်မာနိုင်ငံသား၁၆ဦးမှာ အမျိုးသား ဆယ်ဦး၊ အမျိုးသမီးခြောက်ဦး တို့ဖြစ်ပြီး၎င်းတို့နဲ့ အတူ မြန်မာနိုင်ငံသားတွေကို ခေါ်ဆောင်လာတဲ့ ထိုင်းနိုင်ငံသား လေးဦးကိုလည်း ဖမ်းဆီးမိခဲ့တယ်လို့ ဆိုပါတယ်။

 

မြန်မာနိုင်ငံသား ၁၆ဦးမှာ ကုန်ကား ပေါ် မှာ သီးသန့် ပြုလုပ်ထားတဲ့ အလုံပိတ်အခန်း အတွင်း ကနေ လိုက်ပါ လာခဲ့တာ ဖြစ်တယ်လို့ သိရပါတယ်။

 

ကားသမားဖြစ်သူ ထိုင်းနိုင်ငံသားရဲ့ ပြောကြားချက်အရ အထောက်အထားမဲ့ မြန်မာနိုင်ငံသားတွေကို မဲဆောက်မြို့ကနေ အယုဒ္ဓယခရိုင်ကို ပို့ဆောင်ပေးဖို့အတွက် ထိုင်းဘတ်ငွေ တစ်သောင်းဖြင့် အမည်မသိသူတစ်ဦးက ပို့ဆောင်ပေးရန် ငှားရမ်းတဲ့အတွက် ပို့ဆောင်ပေးရတာဖြစ်တယ်လို့ ထွက်ဆိုထားပါတယ်။

 

အဖမ်းခံရတဲ့ မြန်မာနိုင်ငံသား ၁၆ ဦးကို ထိုင်းနိုင်ငံထဲ တရားမဝင် ဝင်ရောက်မှုအတွက် ရဲစခန်းမှာ ချုပ်နှောင်ထားပြီး ဥပဒေအရ ဆက်လက်အရေးယူဆောင်ရွက်သွားမယ်လို့ ထိုင်းသတင်းဌာနတွေမှာဖေါ်ပြထားပါတယ်။

 

Photo-Bangkok Post