ထိုင်းနိုင်ငံ၊ အုန်းနွဲ့အုန်းယိုင်မှာ မြန်မာအလုပ်သမား အချင်းချင်းသတ်ကာ  လက်ဝတ်ရတနာပစ္စည်းတွေ လုယက် ယူဆောင်သွားခဲ့မှု အောက်တိုဘာ ၂၅ရက် ည၁၀နာရီ ခွဲ လောက်က  ဖြစ်ပွားခဲ့တယ်လို့ထိုင်းနိုင်ငံအခြေစိုက် WAG အလုပ်သမားမဟာမိတ်အဖွဲ့ ထံ က သိရပါတယ်။ 

ထိုင်းနိုင်ငံ၊ အုန်းနွဲ့အုန်းယိုင်၊ စိုင်-၅၊ အမှတ်(၄၂)မှာ နေထိုင်ပြီး ဘောပင်ထုတ်လုပ်တဲ့စက်ရုံမှာ အလုပ်လုပ်ကိုင်နေတဲ့ မသီရိမွန်(၃၀)နှစ်ကို အမည်၊ အသက်အရွယ်စုံစမ်းဆဲ မြန်မာအမျိုးသားလုပ်သားက သူမ နေထိုင်ရာအခန်းအတွင်းမှာတင် သတ်ဖြတ်ပြီး မသီရိမွန်ပိုင်ဆိုင်တဲ့ လက်ဝတ်ရတနာပစ္စည်းတွေကို ယူဆောင်ကာထွက်ပြေးသွားခဲ့တာဖြစ်တယ်လို့ သိရပါတယ်။ 

WAG အလုပ်သမားမဟာမိတ် အဖွဲ့ထံကိုတော့ အောက်တိုဘာ ၂၇ ရက် နေ့လယ် ၂ နာရီမှာ လာရောက်အကူအညီတောင်းခံခဲ့တာလို့ သိရပါတယ်။ 

လက်ရှိမှာတော့ ပြစ်မှုကျူးလွန်သူကို ဖမ်းဆီးရမိရေးအတွက် WAG အဖွဲ့က ထိုင်းနိုင်ငံတာဝန်ရှိတွေနဲ့ ပူးပေါင်းပြီး ဆက်လက်ဆောင်ရွက်လျက်ရှိတယ်လို့လည်း သိရပါတယ်။