ထိုင်းနိုင်ငံ အတွင်း ကို အလုံပိတ်ကားနှစ်စီး နဲ့တရားမဝင် ဝင်ရောက်လာတဲ့ မြန်မာနိုင်ငံသား ၃ဦးသေဆုံးပြီး ၇ဦး သတိလစ်မှု ဖြစ်ပွားခဲ့တယ်လို့ ထိုင်းသတင်းဌာနတွေရဲ့ဖေါ်ပြချက်အရသိရပါတယ်။
မြန်မာနိုင်ငံသား အမျိုးသား၂၁ဦးနဲ့ အမျိုးသမီး ၅ဦး စုစုပေါင်း၂၆ဦး ကိုအောက်တိုဘာ ၁၄ ရက်နေ့မှာ တာ့ခရိုင်မဲဆောက်ခရိုင် လမ်းကြောင်းကနေတစ်ဆင့် ထိုင်းနိုင်ငံကိုတရားမဝင် ဝင်ရောက်လာခဲ့တာ ဖြစ်တယ်လို့ ဆိုပါတယ်။
၎င်းတို့ကို ထိုင်းယာဉ်မောင်းတွေက မလေးရှား နိုင်ငံကို ပို့ဆောင်ဖို့အတွက် ထိုင်းနိုင်ငံစွန်ခလာခရိုင် ကို သွားရောက်စဉ် အောက်တိုဘာ၁၇ရက် မှာ ယာဉ်အတွင်း လိုက်ပါလာသူတွေ အသက်ရှုကြပ်လာတဲ့ အတွက် ကားကို ထုရိုက် ခဲ့တဲ့ အတွက်ယာဉ်မောင်းသူက ကားကိုရပ်ပေးခဲ့တယ်လို့ ဆိုပါတယ်။
ယာဉ်မောင်းတွေက ကားထဲ မှာ အသက်ရှုကြပ်ပြီး သတိမေ့မျော နေတဲ့ မြန်မာနိုင်ငံသား ၁၀ ဦး ကို သေဆုံးပြီ ထင်ကာ chumphon ပြည်နယ် lang Suan ခရိုင်ရှိ တောထဲမှာ စွန့်ပစ်ခဲ့ပြီး ကျန်၁၆ဦးကို ခေါ်ယူထွက်ပြေးခဲ့တယ်လို့ သတင်းတွေမှာဖေါ်ပြထားပါတယ်။
၎င်းစွန့်ပစ်ခံရတဲ့ မြန်မာနိုင်ငံသား ၁၀ ဦး ကို lang Suan ခရိုင်ရှိဒေသခံ တွေ က တွေ့ရှိ ပြီး ဌာနဆိုင်ရာကို အကြောင်းကြားကာ သေဆုံးလျက်တွေ့ရှိသူ ၁ဦး သတိမေ့မျော့နေသူ၂ဦးနဲ့ ဒဏ်ရာရသူ၇ဦး ကို ဆေးရုံသို့ပို့ဆောင်ပေးခဲ့ရာ ဆေးရုံ ရောက်ရှိချိန်တွင် သတိမေ့မျော့နေသူ၂ဦးပါ သေဆုံးခဲ့တဲ့ အတွက် စုစုပေါင်း ၃ဦး သေဆုံးခဲ့တယ်လို့ သိရပါတယ်။
ယခုကဲ့သို့ မြန်မာနိုင်ငံသား အလောင်းတွေ့ရှိမှု နဲ့ ပက်သက်ပြီး CCTV မှတ်တမ်းတွေအရ ထိုင်းရဲတပ်ဖွဲ့က ရှာဖွေစစ်ဆေးခဲ့ရာ အောက်တိုဘာ၁၈ရက်မှာ ဖက်ချ်ဘူရီခရိုင်မှာ ကားသမားနှစ်ဦးနဲ့ကားနှစ်စီးကို ဖမ်းမိခဲ့ပြီး လူကုန်ကူးမှုနဲ့ အမှုဖွင့်အရေးယူထားတယ်လို့ ထိုင်းသတင်းတွေမှာဖေါ်ပြထားပါတယ်။
