ရန်ကုန်တိုင်းအတွင်း အထည်ချုပ်လုပ်ငန်းအပါအဝင်ဆက်စပ်လုပ်ငန်း၄မျိုးကို မြန်မာနိုင်ငံရင်းနှီးမြုပ်နှံမှုကော်မတီကနေ ဒီကနေ့သြဂုတ်လ၂၆ရက်မှာ ခွင့်ပြုပေးပြီး အဲ့ဒီ့ကနေ ဒေသခံလုပ်သား၂၃၀၀ကျော်အတွက်အလုပ်အကိုင်အခွင့်လမ်းများရ ရှိမယ်လို့ သိရပါတယ်။
အဆိုပါရင်းနှီးမြုပ်နှံဖို့ခွင့်ပြုခဲ့တဲ့လုပ်ငန်း၄မျိုးမှာ HDPE,PP Woven and Non-Woven Bags နဲ့ Sacks ဆန် packingအိတ်ပုံစံများထုတ်လုပ်တဲ့လုပ်ငန်းနဲ့CMP စနစ်နဲ့အဝတ်အထည်အမျိုးမျိုးချုပ်လုပ်တဲ့လုပ်ငန်းအစရှိတဲ့ ချုပ်လုပ်တဲ့ လုပ်ငန်းများကိုရင်းနှီးမြုပ်နှံခွင့်ပေးခဲ့ခြင်းဖြစ်ကာ လုပ်ငန်း၄မျိုးမှ ရင်းနှီးမြုပ်နှံမှုပမာဏ အမေရီကန်ဒေါ်လာ၅ဒသမ ၁၄၃သန်းရှိတယ်လို့ဆိုပါတယ်။
ယနေ့ခွင့်ပြုပေးခဲ့တဲ့အထည်ချုပ်နဲ့ပတ်သက်တဲ့ရင်းနှီးမြုပ်နှံမှုလုပ်ငန်း၄ခုကနေ အလုပ်အကိုင်အခွင့်အလမ်းပေါင်း ၂၃၆၉ယောက်စာအတွက်ကို ဖန်တီးပေးသွားနိုင်မှာ ဖြစ်တယ်လို့ ရန်ကုန်တိုင်းဒေသကြီးရင်းနှီးမြုပ်နှံမှုကော်မတီ ရဲ့တာဝန်ရှိသူတွေကထုတ်ပြန်ပြောကြားထားပါတယ်။
အထည်ချုပ်လုပ်ငန်းများနဲ့ပတ်သက်ပြီး အများဆုံး လုပ်ကိုင်နေတဲ့ ရန်ကုန်မြို့က လှိုင်သာယာစက်မှုဇုန်ရှိ အထည်ချုပ်လုပ်ငန်းတွေဟာလည်း လက်ရှိမှာ ၉၀ရာခိုင်နှုန်းအထိ လုပ်ငန်းပြန်လည် လည်ပတ်နေပြီးပြည်ပကနေ အော်ဒါမှာယူမှုတွေစက်တင်ဘာလကုန်အထိရှိနေတယ်လို့ဆိုပါတယ်။
အထည်ချုပ် လုပ်ငန်းတွေအတွက်အော်ဒါမှာယူမှုတွေကို ဥရောပနိုင်ငံတွေကနေအမှာအများဆုံးဖြစ်ပြီးလက်ရှိမှာ အော်ဒါနဲ့ကုန်ကြမ်းတွေပြန်လည်ရရှိကာ လည်ပတ်လုပ်ကိုင်နေတယ်လို့ အထည်ချုပ်အဖွဲ့ကတာဝန်ရှိသူကပြောကြားပါတယ်။
လှိုင်သာယာစက်မှုဇုန်အတွင်းမှာ လုပ်သားဦးရေ ၅၀၀ကနေ၁၀၀၀ကျော်အထိရှိတဲ့အထည်ချုပ်စက်ရုံပေါင်း၁၀၀ကျော်ရှိရာ လုပ်ငန်းအများစုမှာ လက်ခစားစနစ်နဲ့လုပ်ကိုင်နေကြတာဖြစ်တယ်လို့သိရပါတယ်။
ရန်ကုန်တိုင်းအတွင်း လှိုင်သာယာစက်မှုဇုန်အပါအဝင်စက်မှုဇုန်ပေါင်း၂၉ခုရှိပြီးအထည်ချုပ်လုပ်ငန်းပေါင်း ရာချီရှိနေတယ်လို့သိရပါတယ်။
MyanmarLabourNews
