ဒီကနေ့ ကျရောက်တဲ့တန်ဆောင်မုန်းလပြည့်ညမှာ ပံ့သကူစွန့်တဲ့ ငွေသားကောက်ယူသူများပြားနေပြီး ကားလမ်းမထက်တိုးဝှေ့ကောက်ယူတာတွေလည်းရှိနေပါတယ်။ 

ဒီလိုကားလမ်းမတွေထက်မှာလူစုလူဝေးနဲ့စောင့်ဆိုင်းကောက်ယူတာဟာ ပြီးခဲ့တဲ့နှစ်ကစတင်များပြားလာတာဖြစ်ပါတယ်။ 

ဒီလိုအခြေအနေကြောင့်လည်း အရှိန်နဲ့​မောင်းလာတဲ့ကား​ တိုက်မိတာ ​ကြောင့် လူအချို့ထိခိုက်မှုတွေရှိခဲ့ပါတယ်။ 

"အရှေ့တင်ကလေးလေးလဲကျတာ ကားကအရှိန်မပါလို့တော်သေးတာပေါ့။လူစုလူဝေးနဲ့လိုက်ကြတာ ကြဲသွားတဲ့ပိုက်ဆံကိုလုကြတာက အပျော်ကနေအပျက်ဖြစ်မှာစိုးရတယ်။‌​တွေ့တာကအရွယ်စုံပါပဲ။ယောင်္ကျားလေး၊ မိန်းကလေး၊ လူကြီး၊ ကလေးအစုံပဲ။တစ်ချို့ကျတော့လည်းအပျော်ရှာတာကိုလုပ်နေတာ ကား​တွေ ​တော့ အရှိန်​လျှော့​မောင်း​စေချင်တယ် "လို့ရွှေပြည်သာမြို့နယ်နေပြည်သူတစ်ဦးကပြောပါတယ်။ 

စစ်အာဏာသိမ်းပြီးနောက်မှာပြည်သူတစ်ချို့ဟာစားဝတ်နေရေးအခက်အခဲကြောင့် လူစုလူ​ဝေး နဲ့ မိသားစုလိုက်ပံ့သကူငွေကြေးရှာဖွေတာတွေရှိလာပါတယ်။ 

"မနှစ်ကမှဒီလိုလမ်းမပေါ်တွေမှာပံ့သကူပစ်မယ့်ကား‌​တွေ ကိုလူစုလူဝေးနဲ့ရပ်စောင့်ကြတာတွေ့ရတာ။အဆင်မပြေတဲ့လူတွေလည်းအရမ်း များနေတာ ။ ​ ချစ်ဖို့ကောင်းတဲ့ဓလေ့ကတဖြေးဖြေးအကျည်းတန်လာတယ်တော့ခံစားမိတယ် "လို့ပြည်သူတစ်ဦးကပြောပါတယ်။ 

ဒီလိုလူစုလူ‌​ဝေးနဲ့ပံ့သကူ​ကောက်ယူတာ‌​တွေ ‌​ကြောင့် အသေးစားထိခိုက်မှုတွေရှိတတ်တာ​ကြောင့် သတိထားသွားလာကြဖို့ လူမှုကယ်ဆယ်ရေးအသင်းအချို့ကလည်းထောက်ပြပြော‌ဆိုထားပါတယ်။