ထိုင်းနိုင်ငံ ပတ္တရားမြို့ ရှိ ဆောက်လုပ်ရေး လုပ်ငန်းခွင်မှာ အလုပ်လုပ်နေတဲ့ အထောက်အထားမပြည့်စုံတဲ့ မြန်မာအလုပ်သမား ၁၆ ဦး ကို ဖမ်းဆီးခဲ့တယ်လို့ ထိုင်းသတင်းတွေက ဖေါ်ပြထားပါတယ်။

မတ်လ ၁၁ ရက်က ဟွေယိုင်ခရိုင် ပတ္တရား ရှိ ဆောက်လုပ်ရေး လုပ်ငန်းခွင်တွေ ကို ထိုင်းအာဏာပိုင်တွေက ဝင်ရောက်စစ်ဆေး တာမှာ မြန်မာအလုပ်သမား ၁၆ဦး အပြင် တရုတ် နိုင်ငံသား၉ဦး ကို နေထိုင်အလုပ်လုပ်ခွင့် အထောက်အထားမပြည့်စုံတဲ့ အတွက် ဖမ်းဆီးခဲ့တယ်လို့ဆိုပါတယ်။

ပတ္တရားနယ်မြေ အတွင်း က တရားမဝင် ဟိုတယ် တွေ ၊ ဗီလာငှားရမ်းနေထိုင်တဲ့ တရုတ်ရင်းနှီး မြုပ်နှံ သူတွေ နဲ့ နိုင်ငံခြားလုပ်ငန်းတွေ ကို စောင့်ကြည့် စစ်ဆေးဖို့ ထိုင်းရဲမှုးကြီး

Man Rotthong က အမိန့်ပေးခဲ့ တဲ့ နောက်မှာ ပတ္တရား နယ်မြေရှိ ဆောက်လုပ်ဆဲ အဆောက်အဦး ၂၀ခန့်ကို မတ်လ ၁၁ရက် က ဝင်ရောက်စစ်ဆေးခဲ့တာလို့ သိရပါတယ်။

အခုစစ်ဆေးမှု မှာ တရုတ် နဲ့ မြန်မာအလုပ်သမား ၄၀ခန့် ကို စစ်ဆေးခဲ့တာမှာ အထောက်အထား ခိုင်လုံစွာမပြနိုင်တဲ့ တရုတ်နဲ့ မြန်မာအလုပ်သမား ၂၅ဦး ကို ဖမ်းဆီးခဲ့တာဖြစ်တယ်လို့ သတင်းမှာဖေါ်ပြထားပါတယ်။

ဖမ်းဆီးခံရ တဲ့ မြန်မာအပါအဝင် ပြည်ပရွှေ့ပြောင်း လုပ်သားတွေ ကို ဥပဒေ နဲ့ အညီ အရေးယူဆောင်ရွက်ပြီး နေရပ်ကို ပြန်ပို့ပေးမယ်လို့ သိရပါတယ်။

Ref-Khasod English