ထိုင်းနိုင်ငံ နခွန်ရတ်ချာစီးမားပြည်နယ် ပါခ်ချောင်ခရိုင်၊ ချနတ်ခရိုင်ခွဲမှာ ဆောက်လုပ်ဆဲ မြေအောက်ရထားဥမင်လိုဏ်ခေါင်းပြိုကျမှုကြောင့် မြန်မာအလုပ်သမားတစ်ဦးအပါအဝင် သုံးဦး ပိတ်မိနေတယ်လို့ ထိုင်းသတင်းဌာနတွေ မှာဖေါ်ပြထားပါတယ်။
ဩဂုတ်လ ၂၅ရက် မနက် ၁နာရီ ခန့် လောက်မှာ ပြိုကျခဲ့တာ ဖြစ်ပြီး ၎င်း ရထားလမ်းပိုင်းဟာ ထိုင်းနဲ့ တရုတ်နိုင်ငံကို ဆက်သွယ်မယ့် မြန်နှုန်းမြင့်ရထားလမ်း စီမံကိန်းရဲ့ တစ်စိတ်တစ်ပိုင်းဖြစ်တယ်လို့ ဆိုပါတယ်။
မြေပြိုကျတဲ့ အတွက် မြန်မာအလုပ်သမားတစ်ဦးနဲ့တရုတ်နိုင်ငံသားထရပ်ကားမောင်းသူနှစ်ဦး ပိတ်မိနေကာ လက်ရှိအချိန်ထိ ပြန်မတွေ့သေးဘူးလို့ သိရပါတယ်။
လှိုင်ခေါင်း အဝင်ပေါက် ၄ ကီလိုမီတာခန့်အကွာကနေ ပြိုကျခဲ့တာ ဖြစ်ပြီး ကယ်ဆယ်ရေး အဖွဲ့တွေက မြေတူး စက်တွေ နဲ့ အထဲသို့ ဝင်ရောက်ရန် လုပ်ဆောင်နေတယ်လို့ သိရပါတယ်။
မြေပြိုမှုနဲ့ပတ်သက်ပြီး နခွန်ရက်ချာစီးမားပြည်နယ် အကြီးအကဲ Chaiwat Chuenkosum က ကယ်ဆယ်ရေးလုပ်ငန်းတွေ ချက်ချင်းလုပ်ဆောင်ဖို့ အမိန့်ပေးခဲ့သလို ခရိုင်အတွင်းက ပြိုကျမှုနဲ့စပ်လျဥ်းတဲ့နေရာတွေ စစ်ဆေးဖို့ပါ တာဝန်ရှိသူတွေကို ညွှန်ကြားခဲ့တယ်လို့ ထိုင်းသတင်းဌာနတွေမှာဖေါ်ပြထားပါတယ်။
၎င်းရထားလမ်းစီမံကိန်းဟာ အရှည် ၂၅၁ကီလိုမီတာရှိပြီး ဘန်ကောက်မြို့ကနေ နခွန်ရက်ချာစီးမားပြည်နယ်ကို ဆက်သွယ်ဖို့ ရည်မှန်းထားကာ ၂၀၂၈ခုနှစ် တွင်ပြီးစီးရန်ရည်ရွယ်ထားတယ်လို့ သိရပါတယ်။
Photo-Thenationthailand
