စင်ကာပူနိုင်ငံ တွင် အလုပ်လုပ်ကိုင် နေထိုင်နေတဲ့ မြန်မာနိုင်ငံသား တွေ အနေ နဲ့ မလေးရှားနိုင်ငံ ကို စင်ကာပူနိုင်ငံ ရဲ့ နယ်စပ်စစ်ဆေးရေးဂိတ်များမှ တဆင့် ဖြတ်သန်းသွားလာမယ် ဆိုပါက မလေးရှားနိုင်ငံရဲ့ လူဝင်မှုကြီးကြပ်ရေးဌာန အဝင်တံဆိပ်တုံး ရိုက်နှိပ် ပြီး/မပြီး ကို သေချာ စိစစ် ဖို့ စင်ကာပူ နိုင်ငံဆိုင်ရာ မြန်မာသံရုံးက ထုတ်ပြန်ထားပါတယ်။
စင်ကာပူနိုင်ငံ မှာ အလုပ်လုပ်ကိုင်လျက်ရှိတဲ့ မြန်မာနိုင်ငံသား အမျိုးသမီး တစ်ဦးဟာ ဇန်နဝါရီလ (၂၅) ရက် မှာ Woodland Checkpoint အားဖြတ်သန်း၍ မလေးရှားနိုင်ငံ Johor Bahr u သို့ သွားရောက်လည်ပတ်ခဲ့တာ မှာ ဇန်နဝါရီ (၂၆) ရက်တွင် စင်ကာပူနိုင်ငံသို့ ပြန်လည်ဝင်ရောက် ဖို့ မလေးရှားဘ က် Johor Bahru Immigration ဂိတ်အရောက်တွင် ၎င်းရဲ့ နိုင်ငံကူးလက်မှတ်ပေါ် တွင် ဝင်ရောက်ခဲ့စဉ်က မလေးရှားဘက် တံဆိပ်တုံးရိုက်နှိပ် ထားခြင်းမရှိတဲ့ အတွက် မလေးရှားနိုင်ငံ လူဝင်မှုကြီးကြပ်ရေးဌာနတွင် ခေတ္တထိ န်းသိမ်းခံခဲ့ရတယ်လို့ သိရပါတယ်။
အခုလို ဖြစ်ပေါ်တဲ့ အတွက် စင်ကာပူမြို့၊ မြန်မာသံရုံးနဲ့ ကွာလာလမ်ပူမြို့ မြန်မာသံရုံး တို့ပူးပေါင်း ပြီး သက်ဆိုင်ရာ မလေးရှားလူဝင်မှုကြီးကြပ်ရေးဌာနမှ တာဝန်ရှိသူတွေ နဲ့ ညှိနှိုင်းပေးခဲ့ရတယ်လို့ သံရုံးက ထုတ်ပြန်ထားပါတယ်။
ယခု ဖြစ်စဉ် တွင် မြန်မာနိုင်ငံသားအမျိုးသမီးမှာ စင်ကာပူမှတဆင့် တရားဝင်လမ်းကြောင်းမှ သွားရောက်ခဲ့ကြောင်း စစ်ဆေးတွေ့ရှိရပေမယ့် တရုတ်နှစ်သစ်ကူး ရုံးပိတ်ရက်များနဲ့ ကြုံသဖြင့် (၇)ရက်ခန့် ထိန်းသိမ်းခံခဲ့ရကာ လူပြန်လွတ်လာပေမယ့် မလေးရှားရင်းဂစ် (၁၀၀၀)ဒဏ်ကြေးကို ပေးဆောင်ခဲ့ရတဲ့ အပြင် မလေးရှားနိုင်ငံသို့ ဝင်ထွက်ခွင့် (၃)နှစ် ပိတ်ပင်ခြင်းခံခဲ့ရတယ်လို့ ထုတ်ပြန်ချက်မှာဖေါ်ပြထားပါတယ်။
ဒါကြောင့် စင်ကာပူနိုင်ငံ မှာ နေထိုင်နေတဲ့ မြန်မာနိုင်ငံသား တွေ အနေနဲ့ မလေးရှားနိုင်ငံသို့ စင်ကာပူ ရဲ့ နယ်စပ်စစ်ဆေးရေးဂိတ် က တဆင့် ဖြတ်သန်းသွားလာမည်ဆိုပါက မလေးရှားနိုင်ငံ ကို ဆိုက်ရောက်ကြောင်း ပုံစံအား မဖြစ်မနေ ဖြည့်စွက်ပြီး မှတ်တမ်းထားရှိကြရန် နဲ့ မလေးရှားဘက် စစ်ဆေးရေးဂိတ်မှ ထွက်ခွာခြင်းမပြုမီ မိမိတို့ရဲ့ နိုင်ငံကူးလက်မှတ်ပေါ်တွင် မလေးရှားလူဝင်မှုကြီးကြပ်ရေးဌာန အဝင်တံဆိပ်တုံး ရိုက်နှိပ် ပြီး/မပြီး စိစစ်ကြပါရန်၊ တံဆိပ်တုံးရိုက်နှိပ်ပြီးမှသာ မလေးရှားနိုင်ငံ ကို ဝင်ရောက်ကြဖို့ သံရုံးမှ အသိပေးထားပါတယ်။
