စင်္ကာပူ နိုင်ငံ အတွက် တရားဝင် မြန်မာလုပ်သား စေလွှတ်ရာတွင် အလုပ်ခေါ်စာ တင်ပြခွင့် ကို လိုင်စင်ရ အေဂျင်စီ တစ်ခု လျှင် တစ်လ ကို လုပ်သား၅ဦး ခွင့်ပြုမယ်လို့ စစ်ကောင်စီရဲ့ အလုပ်သမားဝန်ကြီးဌာနက မတ်လ ၂၅ရက် မှာ ထုတ်ပြန်ကြေညာပါတယ်။
စစ်ကောင်စီရဲ့ အလုပ်သမားဝန်ကြီးဌာနက မြန်မာနိုင်ငံ ကနေ အလုပ်သမားစေလွှတ်နေတဲ့ နိုင်ငံအလိုက် အလုပ်ခေါ်စာ လူဦးရေကန့်သက်ချက်တွေ ကို နေ့စဉ် ထုတ်ပြန်ကြေညာနေတာမှာ ထိုင်းနိုင်ငံအတွက် ၅၀ဦး၊ ဂျပန်နိုင်ငံအတွက် ၁၅နဲ့ ကိုရီးယားနိုင်ငံအတွက် ၁၀ဦး အဖြစ် ကန့်သက် ကြောင်း ကြေညာ ခဲ့ပြီး ယခုမှာ စင်ကာပူ အတွက် လုပ်သား ၅ဦး ခွင့်ပြုတယ်လို့ ထပ်မံ ထုတ်ပြန်တာ ဖြစ်ပါတယ်။
"" ပြည်ပကို လုပ်သား စေလွှတ်တာ အကုန်ပိတ်မယ်ဆိုလည်း ပိတ်ပလိုက် အခုဟာက လုပ်ငန်း တစ်ခု လည်ပတ်လို့ရမယ့် အနေထား မရှိတော့ဘူး တစ်လ လုံး မှ လူဦးရေ ဒီလောက် ဒါတောင် တစ်လ ကို တခါ ပဲ တင်ပြခွင့်ပေးတာမျိုးတွေ ဆိုတော့ လိုင်စင်ရအေဂျင်စီ တွေ လည်း အတော်ခေါင်းကိုက်နေပြီ တချို့ အေဂျင်စီတွေလည်း အခြေနေစောင့် ကြည့်တဲ့သဘောနဲ့ လိုင်စင် တွေ ပြန်မအပ်သေးတာပဲ ရှိတော့တယ် တခြား လုပ်ငန်းတွေကို ပြောင်း လုပ်နေပြီ ""လို့ လိုင်စင်ရအေဂျင်စီ မှတာဝန်ရှိသူတစ်ဦးကပြောပါတယ်။
၂၀၂၅ ခုနှစ် ဇန်နဝါရီ ၃၀ရက် မတိုင်မီ က တင်ပြထားတဲ့ အလုပ်ခေါ်စာ တွေ ကို လည်း ပြန်လည် စိစစ်မှာ ဖြစ်တဲ့အတွက် လုပ်သား ငါးဦးအထက် ပိုနေတဲ့ အလုပ်ခေါ်စာ တွေ ကို ပြန်လည်ပြင်ဆင်ပြီး မတ်လ၂၅ရက်က စကာ ပြင်ဆင်တင်ပြဖို့ အသိပေးထားကာ တစ်လ ကို တစ်ကြိမ်သာ တင်ပြရမယ်လို့ ဆိုပါတယ်။
အလုပ်ခေါ်စာ အသစ်တွေ ကိုတော့ လာမယ့် မေလ ၂ရက် နေ့ မှ စပြီး တင်ပြနိုင်တယ်လို့ သိရပါတယ်။
