ဝါးတရာစက်မှုဇုန်မှာ အလုပ် လုပ်ကိုင်နေတဲ့ လုပ်သားတဦးကို စစ်မှုထမ်းအဖြစ် နေထိုင်ရာအဆောင်ကနေ ခေါ်ဆောင်သွားတယ်လို့ နီးစပ်သူတွေက ပြောပါတယ်။ ရွှေပြည်သာမြို့နယ် ၂၆ ရက်ကွက်အတွင်းက ဆောင်မှာ နေထိုင်သူကို ဇွန် ၂၈ ရက် ည ၉ နာရီလောက်မှာ ရာအိမ်မှူး အပါအဝင် လူပုဂ္ဂိုလ် ၈ ဦးလောက်က လာရောက်ခေါ်ဆောင်သွားတာလို့ သိရပါတယ်။
“ခေါ်တာတော့ စစ်မေးဖို့ ရှိတယ်ဆိုပြီး ခေါ်သွားတာ။ နောက်မှ စုဆောင်းရေးဖို့တာလို့ ကြားတယ်၊ သူက စစ်မှုထမ်းဖို့ မဲပေါက်သူလဲ မဟုတ်ဘူး။ ပြဿနာ တခုခု ဖြစ်ခဲ့လို့လည်း မဟုတ်ဘူး။ သက်သက်လာ ခေါ်သွားတာ။ အခုဆို အဲ့ စက်ရုံမှာ စစ်သားစုဆောင်းခံရတာ ၃ ဦး အထိ ရှိပြီ။ .” လို့ လုပ်ဖော်ကိုင်ဖက် အလုပ်သမားတဦးက ပြောပါတယ်။
ရွှေပြည်သာ မြို့နယ်ထဲက စက်မှုဇုန်တွေထဲမှာ အလုပ် ပြန်လာတဲ့ အလုပ်သမားတွေ စစ်သားစုဆောင်း ခံရတာ ခပ်စိပ်စိပ် ကြားနေရတာကြောင့် အိုတီဆင်းဖို့ တော်တော်ကို စဉ်းစားနေရပြီ လို့ အလုပ်သမားတွေက ပြောပါတယ်။
“ပြိးခဲ့တဲ့ လထဲမှာ စစ်သားစုဆောင်းခံရတဲ့ သူဆို၊ အချိန်ပို ည ၉ နာရိအထိ လုပ်ပြီး ပြန်လာတာ။ အဲ့မှာ ပါသွားတယ်.။ ဒါကြောင့်ကို ကြောက်နေကြတာ.” လို့ အလုပ်သမားတဦးက ပြောပါတယ်။
စက်ရုံတချို့က စစ်မှုထမ်းလို့ ရတဲ့ အကျိုးခံစားခွင့်ပေးပေမဲ့ သာမန် လုပ်ခလစာဖြစ်ပြီး အသက်တန်းဖိုးနဲ့ မိသားစုဘတွေက ပိုအရေးကြီးတယ်လို့ အလုပ်သမားအရေးလှုပ်ရှားသူ တဦးက ပြောပါတယ်။
“စစ်သားစုဆောင်းခံရတဲ့ ပဲခူးဒေသခံက လှိုင်မြို့နယ် အုတ်ကျင်း စစ်ကြောရေး တပ်စခန်းမှာ ရောက်နေတယ်လို့ ကြားတယ်။ သူက မိဘကို လုပ်ကြွေးနေတာမို့ မိဘတွေလည်း စိုးရိမ်နေတယ်။ အကျိုးခံစားခွင့် ဆိုတာ အသက်လောက် အရေးမကြီးဘူး။ မိသားစုတွေ စုံစုံညီညီနေချင်ကြမှာ” လို့ ပြောပါတယ်။
ရန်ကုန်မြို့က၊ ရွှေပြည်သာမြို့နယ်ထဲမှာ စက်မှုဇုန် အများအပြားရှိပြီး ထောင်နဲ့ချီတဲ့ ရွှေ့ပြောင်းလုပ်သားတွေ က စက်ရုံတွေမှာ လုပ်ကိုင်နေပါတယ်။ စက်ရုံအများစုက CMP လုပ်ငန်းအမျိုးအစားတွေဖြစ်ပြီး ချုပ်လုပ်ရေး စက်ရုံတွေ အများအပြားပါဝင်ပါတယ်။
NEWS
စက်မှုဇုန်မှ လုပ်သားများအား စစ်သားစုဆောင်းမှု ရှိလာနေ


145 Views
Related posts

Golden Propitious အထည်ချုပ် ပိတ်ရက်အပါအဝင် အချိန်ပို အတင်းအကျပ် ခိုင်းစေ
Jul 15, 2025

ယုံအန်းမြန်မာ ဖက်ရှင်တွင် လုပ်ခ တိုးမြှင့် ရရှိရေး တောင်းဆိုမှု ပြုလုပ်နေ
Jul 14, 2025

Chi Mei အထည်ချုပ်စက်ရုံ အချိန်ပိုကြေးမပေးဘဲ လုပ်ကိုင်ခိုင်း
Jul 14, 2025

YUVA Electronic စက်ရုံ အချိန်ပို နာရီ ၂၀ ကျော်ခိုင်းစေပြီး လုပ်ခ နှစ်ဆမပေး
Jul 14, 2025

Sunlong (Myanmar) Sports စက်ရုံ အချိန်ပို ဆက်လက် ခိုင်းစေနေ
Jul 13, 2025

တနင်္ဂနွေနဲ့ နေ့စဉ် အချိန်ပိုတွေကို လုပ်ခမရဘဲ လုပ်ကိုင်ပေးရ
Jul 13, 2025

New Plus အထည်ချုပ်စက်ရုံအတွင်း ခွဲခြားမှုတွေ
Jul 13, 2025

Dongxin စက်ရုံတွင် သုံးပတ်ကျော်ကြာ အချိန်ပိုများ ဆက်တိုက် ခေါ်ခိုင်းနေ
Jul 12, 2025