နိုင်ငံကူးလက်မှတ် စာအုပ် ထုတ်ပေးတဲ့ စက် ချို့ယွင်းမှု ဖြစ်တာကြောင့် ဂျပန် ရောက် မြန်မာနိုင်ငံသားတွေ ရဲ့ နိုင်ငံကူးလက်မှတ် သက်တမ်းတိုး လျှောက်ထားမှု ကို ဆောင်ရွက် ပေးနိုင်ခြင်း မရှိသေးဘူးလို့ ဂျပန်နိုင်ငံတိုကျိုမြို့ရှိ မြန်မာသံရုံးက ဇန်နဝါရီ ၂၉ရက် မှာထုတ်ပြန်ကြေညာပါတယ်။

 

၂၀၂၆ခုနှစ် ဇန်နဝါရီ ၂၇ ရက် က စတင် ၍ လူကိုယ်တိုင်သော်လည်းကောင်း၊ စာတိုက်မှ တစ်ဆင့်သော်လည်းကောင်း၊ သက်တမ်းတိုးလျှောက်ထားတဲ့ မြန်မာနိုင်ငံကူးလက်မှတ်တွေကို လတ်တလောကာလမှာ ထုတ်ပေးနိုင်ခြင်းမရှိသေး ဘဲ ခေတ္တစောင့်ဆိုင်းဖို့ မြန်မာသံရုံးက ကြေညာထားပါတယ်။

 

လက်ရှိမှာ နိုင်ငံကူးလက်မှတ် စာအုပ် ထုတ်ပေးတဲ့ စက်ကို အမြန်ဆုံးပြန်လည်ပြင်ဆင်နေကြောင်း အသိပေးထားပေမယ့် မည်သည့် ရက်မှာ နိုင်ငံလက်မှတ် စာအုပ် ပြန်ထုတ်ပေး မှာကိုတော့ထည့်သွင်း ကြေညာထားတာ မတွေ့ရဘဲ ပြန်လည်ထုတ်ပေးနိုင်မယ့် အခြေအနေကို ထပ်မံ အသိပေးသွားမယ်လို့ သာ ကြေညာထားပါတယ်။

 

ဒါကြောင့် အရေးကြီးကိစ္စရှိသဖြင့် မြန်မာနိုင်ငံကူးလက်မှတ် ပြန်လည်ရယူလိုသူတွေအနေနဲ့ မြန်မာသံရုံး၊ တိုကျိုမြို့၊ ကောင်စစ်ဌာနရဲ့ အီးမေးလ်ဖြစ်တဲ့ tokyomyanmar959@ gmail.com သို့ ဆက်သွယ် အကြောင်းကြားဖို့ အသိပေးထားပါတယ်။

 

ဂျပန်နိုင်ငံ တွင် ရောက်ရှိနေတဲ့ မြန်မာနိုင်ငံသား တစ်သိန်းကျော်ရှိပြီး မြန်မာနိုင်ငံမှ ဂျပန် သို့ အလုပ်သွားရောက် လုပ်ကိုင်သူ တစ်နှစ်လျှင် ၂သောင်းကျော် ရှိကြောင်း သိရပါတယ်။