မန္တလေးမြို့ရှိ မန္တလေး တက္ကသိုလ် ငလျင်လှုပ် ကြောင့် မီးလောင်မှု ဖြစ်ပွားနေတယ်လို့ ဒေသခံတွေ ထံ ကသိရပါတယ်။
ယနေ့ မွန်းတည့် ၁၂နာရီ ၅၀မိနစ်ခန့် က စစ်ကိုင်းမြို့ကို ဗဟိုပြုကာ ပြင်းအား ၇ဒသမ ၇ အဆင့်ရှိ ငလျင်ကြီး လှုပ်ခတ်မှုကြောင့် မန္တလေးမြို့အတွင်း အဆောက်အဦး ပြိုကျပျက်စီးတာတွေ ဖြစ်ပေါ်သလို မန္တလေး တက္ကသိုလ် အတွင်း မှာလည်း အဆောက်အဦး အချို့ မီးလောင်မှု ဖြစ်ပေါ်နေတယ်လို့ သိရပါတယ်။
""အထဲ မှာ စာစစ်နေတဲ့ ဆရာ ဆရာမ တွေ ပိတ်မိနေပါတယ် မီးကအတော်များတယ် ""လို့ ဒေသခံတစ်ဦးကပြောပါတယ်။
လက်ရှိမှာ မြို့နယ် မီးသတ်တပ်ဖွဲ့ တွေက မီးငြိမ်းသတ် ရန် လုပ်ဆောင်ပေးနေတယ်လို့ သိရပါတယ်။
မန္တလေး မြို့ အတွင်းမှာလည်း ငလျင်ဒဏ်ကြောင့် ထိခိုက်ပျက်စီးမှု တွေ မီးလောင်မှုတွေ နဲ့ ပိတ်မိနေသူတွေ အတွက် ကယ်ဆယ်ရေး လုပ်ငန်း များ လုပ်ဆောင်ပေးဖို့ အတွက် အကူညီတွေ များစွာလိုအပ်နေတယ်လို့ ဒေသခံတွေက ပြောပါတယ်။
Photo-လူမှုကွန်ယက်
