ဂျပန်နိုင်ငံရှိ စက်ရုံ အလုပ်ရုံတွေ မှာ အလုပ်လုပ်ကိုင်ဖို့ မြန်မာအလုပ်သမား ၁၃၀၀ ကျော် ကို ထပ်မံခေါ်ယူတယ်လို့ မြန်မာသံရုံး တိုကျိုမြို့ ၏အလုပ်ကမ်းလှမ်းစာ စာရင်းထုတ်ပြန်ချက်အရ သိရပါတယ်။
ဂျပန်နိုင်ငံရှိ ကုမ္ပဏီနဲ့ စက်ရုံအလုပ်ရုံတွေက အလုပ်ကမ်းလှမ်းစာ ၃၇၆ ခု ရဲ့ စိစစ်ပြီးစာရင်းတွေကို ဂျ ပန်နိုင်ငံ၊ တိုကျိုရှိ မြန်မာသံရုံးက ထုတ်ပြန်ခဲ့တာဖြစ်ပါတယ်။
မြန်မာသံရုံး၊ တိုကျိုမြို့အနေနဲ့ Demand Letter များကို ဂျပန်ကုမ္ပဏီများထံမှ ပြန်ကြားစာ လက်ခံရရှိတဲ့ ရက်စွဲအလိုက် အစဉ်အတိုင်း စိစစ်ပေးလျက်ရှိရာ ၂၀၂၄ခုနှစ်၊ ဇူလိုင်လ(၁) ရက်နေ့အထိ လက်ခံရရှိ စိစစ်ပြီးစီးကြောင်း နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ (၃၇၆)ခုနဲ့ ပတ်သက်တဲ့ အချက်အလက်တွေ ကို အသိပေးထုတ်ပြန်ထားပါတယ်။
"ဂျပန်ကို သွားဖို့ demand ကျတာ စောင့်နေတဲ့သူ တွေ များ တယ် အခု သံရုံးရဲ့ စိစစ်ပြီး demand တွေ ထုတ်ပြန်တဲ့အထဲ ပါတဲ့သူတွေ ရှိသလို အချို့ တွေလည်း မပါသေးတာတွေရှိတယ် "လို့ ဂျပန်ကိုအလုပ်သွားရောက်လုပ်ကိုင်ရန်ဆောင်ရွက်နေသူတစ်ဦးကပြောပါတယ်။
ကိုဗစ်ကာလ နောက်ပိုင်းကစပြီး ဂျပန်နိုင်ငံ မှ အလုပ်ခေါ်ယူမှုဟာ ယခင်ထက်ငါးဆကျော်များလာသလို
သွားရောက် အလုပ်လုပ်ကိုင် လိုသူကလည်း ပိုမိုများပြားလာတဲ့ အတွက် ဂျပန်စကားသင်တန်း တွေ ဖွင့်လှစ် သင်ကြားတာတွေလည်း ပိုမိုများပြားလာပါတယ်။
အခုလိုလုပ်သားခေါ်ယူတာများလာတဲ့ အတွက် မြန်မာသံရုံး အနေနဲ့ အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတစ်ဆင့် ပေးပို့လာတဲ့ အလုပ်ကမ်းလှမ်းစာ ( Demand Letter ) တွေ ကို စိစစ်ဆောင်ရွက်ပေးလျက်ရှိပြီး ထိုသို့ စိစစ်ဆောင်ရွက်ရာမှာ ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူတဲ့ စက်ရုံ/ ကုမ္ပဏီများဟာ ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများစိစစ်ပြီး စိစစ်တွေ့ရှိချက်များ၊ သဘောထားမှတ်ချက်တွေကို နိုင်ငံခြားရေးဝန်ကြီး ဌာန မှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကာ မှန်ကန်တဲ့အလုပ်ခေါ်စာတွေကိုသာ လုပ်သားစေလွှတ်နိုင်ရန် ခွင့်ပြုပေးတယ်လို့သိရပါတယ်။
