ထိုင်းနိုင်ငံတွင် ခင်ပွန်းဖြစ်သူရဲ့ ပြင်းထန်စွာ ရိုက်နှက်ခံရမှုကြောင့် သေဆုံးခဲ့တဲ့ မထက်ထက်ဇော်ရုပ်အလောင်းကို ထုတ်ယူသဂြိုလ် နိုင်ဖို့ အတွက်မိသားစုဝင်တွေ အနေနဲ့ ထိုင်းနိုင်ငံရှိ မြန်မာသံရုံး ကို လာရောက်အဆက်သွယ်ပြုပေးဖို့ ဇူလိူင် ၃ရက် နေ့ မှာ ထိုင်းနိုင်ငံဆိုင်ရာမြန်မာသံရုံး(ဘန်ကောက်)က အသိပေး ကြေညာလိုက်ပါတယ်။
မထက်ထက်ဇော်ဆိုသူ မှာ ခင်ပွန်းဖြစ်သူ၏ ပြင်းထန်စွာ ရိုက်နှက်ခံရမှုကြောင့် ၂၀၂၄ ခုနှစ်၊ ဧပြီလ ၂ ရက်နေ့ မှာ ဖိစနုလွတ်မြို့ရှိ Buddhachinaraj ဆေးရုံ တွင် တက်ရောက်ကုသမှုခံယူခဲ့ရာမှ ဧပြီလ ၆ ရက်နေ့ မှာ သေဆုံးခဲ့တယ်လို့ သိရပါတယ်။
ထို့နောက် မိသားစုဝင် တွေက အလောင်းလက်ခံရန် မဲဆောက် ဆေးရုံ ကို ပြောင်းရွှေ့ခဲ့ ပြီး နောက်ပိုင်း ရုပ်အလောင်း ကို ယခုအချိန်အထိ လာရောက်ထုတ်ယူနိုင်ခြင်း မရှိတဲ့ အတွက် မြန်မာသံရုံးအနေနဲ့ မိသားစုဆွေမျိုးများထံ ဆက်သွယ်ခြင်း၊ သို့မဟုတ် ဥပဒေအရ ဆက်လက်ဆောင်ရွက်ခြင်း ပြုလုပ်နိုင်ရန် မဲဆောက်ဆေးရုံမှ မြန်မာသံရုံး (ဗန်ကောက်) ကို စာပေးပို့အကြောင်းကြားလာတယ်လို့ သံရုံးရဲ့အသိပေးချက်မှာ ဖေါ်ပြထားပါတယ်။
ဒါ့အပြင် မထက်ထက်ဇော်ရဲ့ သေဆုံးဖြစ်စဉ်ဟာ ၂၀၂၄ခုနှစ် ဇွန်လ ၁၉ရက် က ဒီမိုကရက်တစ် မြန်မာ့အသံ သတင်းနဲ့ ဆက်စပ်မှုရှိနေတဲ့ သဂြိုလ်ရေးကိစ္စများ ဆောင်ရွက်နိုင်ဖို့ မိဘဆွေမျိုးသားချင်းများ အနေဖြင့်လည်းကောင်း၊ မထက်ထက်ဇော်ရဲ့ မိဘဆွေမျိုးသားချင်းများနဲ့ ဆက်သွယ်မှုရှိသူများ အနေ ဖြင့်လည်းကောင်း မြန်မာသံရုံးစာမျက်နှာ Comment box မှတစ်ဆင့် မြန်မာသံရုံး (ဗန်ကောက်) ကို အဆက်အသွယ်ပြုပေး ဖို့ မေတ္တာရပ်ခံထားပါတယ်။
ဒီမိုကရက်တစ် မြန်မာ့အသံ (DVB)သတင်းဌာနရဲ့ သတင်းတင်ပြချက်မှာ စင်္ကာပူနိုင်ငံမှာ နေထိုင် အလုပ်လုပ်ကိုင်နေတဲ့ မထက်ထက်ဇော်မှာ ခင်ပွန်းဖြစ်သူ အဆိုတော် ဝဠာ ရှိရာ ထိုင်း နိုင်ငံ မဲ ဆောက်ကို လာရောက်စဉ် ခင်ပွန်းဖြစ်သူက လက်သီးနဲ့ ထိုးကြိတ်ခဲ့လို့ သေဆုံးခဲ့တယ်လို့ ဖေါ်ပြထားပါတယ်။
