ဧရာဝတီတိုင်းဒေသကြီး ဖျာပုံမြို့နယ်မှာ ၁၃ နှစ်အရွယ် ကိုရင်တစ်ပါးညှင်းပန်းနှိပ်စက်ခံရပြီး ပျံလွန်တဲ့အပေါ်ပြည်သူတွေကြားမှာဝေဖန်မှုမြင့်တက်နေပါတယ်။
စက်တင်ဘာလထဲမှာဖျာပုံခရိုင်၊ အမာမြို့နယ်၊ ဒေါ်ညိမ်းကျေးရွာရှိ သရက်တောဘုန်းတော်ကြီးကျောင်းမှာပညာသင်ကြားရေး ကိုရင်ငယ်တစ်ပါးကို ဖုန်းခိုးတယ်ဆိုတဲ့စွပ်စွဲချက်နဲ့ရိုက်နှက်တာကြောင့်ပျံလွန်ခဲ့ပါတယ်။
ဒီလုပ်ရပ်ကိုတော့သရက်တောကျောင်းတိုက်နေမဘသဘုန်းကြီးတစ်ပါးနဲ့အတူလူနှစ်ဦးကလုပ်ဆောင်ခဲ့တာပါ။
လက်ရှိမှာတော့ကျုးလွန်သူတွေကိုစစ်ကောင်စီရဲတပ်သားတွေကလာရောက်ဖမ်းဆီးခေါ်ဆောင်သွားပြီးစစ် စစ်ဆေးနေတယ်လို့ စစ်ကောင်စီသတင်းထုတ်ပြန်ရေးအဖွဲ့ကထုတ်ပြန်ထားပါတယ်။
"သတင်းကိုစမြင်ရတော့လေတော်တော်ကိုထိတ်လန့်မိတယ်။ဘယ်လိုမှမဖြစ်သင့်တဲ့လုပ်ရပ်လို့လည်းမြင်တယ်။လူအချင်းချင်းတောင်လူ့အသက်ဆိုတာဥပဒေမဲ့လုပ်လို့မရဘူးလေ။အခုကျသင်္ကန်းဝတ်ဘုန်းကြီးကပါဒီလိုလုပ်ရပ်ကျူးလွန်တယ်ဆိုတော့ရင်မောတယ်။ဒီလိုသာသနာဘောင်ထဲကဥပဒေမဲ့လုပ်ရပ်တွေဘယ်လောက်တောင်ရှိမလဲတောင်တွေးမိတယ်"လို့ အဆိုပါဖြစ်ရပ်နဲ့ ပတ်သက်ပြီး ပြည်သူတစ်ဦးက ပြောပါတယ်။
လက်ရှိမှာသာသနာဘောင်အတွင်းမှာစာသင်သားတွေ အအများအပြားရှိနေပြီးဒီလိုလုပ်ရပ်ကြောင့် စာသင်တိုက်တွေမှာ ဒါမှမဟုတ် ငွေကြေးမတတ်နိုင်လို့ ဘကဘုန်းတော်ကြီးကျောင်းတွေမှာပညာသင်ကြားနေရသူတွေအတွက်မိဘတွေကစိုးရိမ်သောကများနေရပါတယ်။
"အခုကတရားတော်နဲ့အညီနေထိုင်တာတော်တော်ကိုရှားသွားတယ်။ရန်ကုန် ရွှေပြည်သာဘက်မှာကိုကိုယ်တိုင်ကားမောင်းတဲ့ဘုန်းကြီးတွေ၊ ဆိုင်ကယ်ဘေးတွဲကိုကိုယ်တိုင်မောင်းနေတာတွေပါအများကြီးတွေ့ရတယ်။သာသနာဝင်တွေပါ ပျက်စီးနေပြီ ခံစားရတယ်"လို့ ရွှေပြည်သာမြို့နယ်မှာနေထိုင်သူတစ်ဦးကပြောပါတယ်။
လက်ရှိမှာတော့နှိပ်စက်ခံရပြီး ပျံလွန်ခဲ့ရတဲ့ကိုရင်အတွက်တရားမျှတမှုအမြန်ဆုံးရရှိနိုင်ဖို့ပြည်သူတွေမျှော်လင့်နေကြပါတယ်။
