ထိုင်းနိုင်ငံ ချွန်ဘူရီခရိုင်၊ လယောင်မြို့တွင် SKY သံရုံး (၂) ဆောက်လုပ်ရေးလုပ်ငန်းခွင်မှာ ကရိန်းမတော်တဆ ပြိုကျမှုကြောင့် မြန်မာရွှေ့ပြောင်း အလုပ်သမား ၆ဦး သေဆုံးခဲ့မှုအတွက် ကျန်ရှိတဲ့ နစ်နာကြေး ဘတ် ၁၁သိန်းစီကို နှစ်ပတ်အတောအတွင်း ပေးမယ်ဟုဆိုကာ နှစ်ဖက်လက်မှတ်ရေးထိုးထားတယ်လို့ သိရပါတယ်။
“ထိုင်းနိုင်ငံလယောင်မြို့ ပုံဒဲင် ရပ်ကွက် SKY သံရုံး ( ၂ ) တွင် (၂၉.၃.၂၀၂၄ ) ရက် ညနေ( ၃:၃၀ ) ခန့်တွင်ကရိန်းပျက်ကျ သဖြင့် အလုပ်သမားတွေရဲ့ တောင်းဆိုမှုကြောင့် ညဘက် ချက်ချင်း ကျွန်တော့်တို့အဖွဲ့ WAG မှ မြန်မာရွေ့ပြောင်းအလုပ်သမား ၆ ဦး ၊ တရုတ် ၁ ဦး စုစုပေါင်း ၇ဦး သေဆုံးသွားသဖြင့် စက်ရုံ မှ ၂၉.၃.၂၀၂၄ ရက် ည ၁၁:၅၅ ခန့်တွင် စက်ရုံမှရွှေ့ပြောင်းမြန်မာအလုပ်သမားတစ်ဦးလျှင် ငွေသားထိုင်းဘတ်ငွေ ၅ သိန်းအား သေဆုံးသွားသော မိသားစုဝင်တွေထန်အားပေးအပ်ခဲ့သည် ၊ ကျန်ရှိသော ၁၁ သိန်းအား၂ပတ်အတောတွင်း တွင်ပေးမည်ဟု နှစ်ဖက်သဘောတူလက်မှတ်ရေးထိုးခဲ့ပါသည်”လို့ WAG ကဆိုထားပါတယ်။
ပြီးခဲ့တဲ့ မတ် ၂၉ ရက်နေ့ ညနေ ၃ နာရီခွဲအချိန်တွင် ထိုင်းနိုင်ငံ ချွန်ဘူရီခရိုင်၊ လယောင်မြို့တွင် SKY သံရုံး (၂) ဆောက်လုပ်ရေးလုပ်ငန်းခွင်တွင် ကရိန်းမတော်တဆ ပြိုကျမှုကြောင့် မြန်မာနိုင်ငံသား အလုပ်သမား ၆ဦးနှင့် တရုတ်နိုင်ငံသား တစ်ဦး စုစုပေါင်း ၇ဦး သေဆုံးခဲ့တာပဲဖြစ်ပါတယ်။ သေဆုံးခဲ့တဲ့အလုပ်သမားတွေဟာ တရား၀င်အလုပ်သမား တွေဖြစ်တယ်လို့လည်း သိရပါတယ်။
အဆိုပါဖြစ်စဉ်နဲ့ပတ်သက်ပြီး စက်ရုံဖက်က အသက်သေဆုံးသွားတဲ့ အလုပ်သမားတွေအတွက် နစ်နာကြေး ပေးရန် လိုက် လျောပေးခြင်း မရှိခဲ့တာကြောင့် အလုပ်သမားများက တောင်းဆို ဆန္ဒပြခဲ့ရာမှ တစ်ဦးကို နစ်နာကြေး ဘတ် ၁၆ သိန်းစီဖြင့် နှစ်ဖက်ပြေလည်မှု ရရှိခဲ့တယ်လို့ သိရပြီး ကျန်ရှိနေတဲ့ ကိုယ်လက်အင်္ဂါဆုံးရှုံးနစ်နာသွားတဲ့ အလုပ်သမား၁၃ ဦးကိုလည်း ပကန်ဆန်ခွင်ရုံးမှ ဆက်လက်စစ်ဆေးပြီး နှစ်ပတ်အတွင်းနစ်နာ ကြေးပေးမှာဖြစ်တယ်လို့ သိရပါတယ်။
အဆိုပါညှိနှိုင်းမှုတွေအတွက်နှစ်ဖက်သဘောတူလက်မှတ်ရေးထိုးမှုကို အဆိုပါအလုပ်သမားတွေ ကိုကူညီဆောင်ရွက်ပေးတဲ့ WAG အဖွဲ့အပါအ၀င် အဖွဲ့အစည်းအားလုံးပါ၀င်လက်မှတ်ရေး ထိုးခဲ့တယ်လို့လည်း သိရပါတယ်။
Photo- WAG
