ထိုင်းနိုင်ငံ၊ ကန်ချနဘူရီမြို့နယ် သလော်ကမ်းခြေ တွင် အလည်အပတ် လာတဲ့ မြန်မာလုပ်သား လူငယ်တစ်ဦး ရေနစ်သေဆုံးမှု ဖြစ်ပေါ် ခဲ့တယ်လို့ ထိုင်းဒေသတွင်း သတင်းတွေ အရ သိရပါတယ်။
ဖြစ်စဉ်မှာ ဒီဇင်ဘာ ၂၈ရက်က သေဆုံးသူ မြန်မာအလုပ်သမား နဲ့ အတူ လုပ်ဖော်ကိုင်ဖက် မြန်မာလုပ်သား ၄၄ဦး ဟာ နှစ်ကူး အလုပ်ပိတ်ရက် အဖြစ် ကမ်းခြေ ကို သွားရောက် လည်ပတ် ကျရင်း လှေစီးကျရာ မှ ၎င်းမြန်မာလုပ်သားဟာ လှေပေါ်မှ ပြုတ်ကျရာ ရေမကူးတတ်တာကြောင့် ရေနစ်သေဆုံးခဲ့တယ် လို့ သိရပါတယ်။
သေဆုံးသူမှာ အသက် ၂၁နှစ်အရွယ် ရှိပြီး ၎င်းရဲ့ ရုပ်အလောင်း ကို ခွန်ရတနဝုဏ်ဖောင်ဒေးရှင်းရေအောက်ကယ်ဆယ်ရေးအဖွဲ့ ကဒီဇင်ဘာ၂၈ရက်မှာ စတင် ရှာဖွေ ပေးခဲ့ရာ ဒီဇင်ဘာ ၂၉ ရက် ညနေ ၄နာရီခန့်မှာ တော့ ရုပ်အလောင်းကို တွေ့ရှိ ပြီး ဆယ်ယူနိုင်ခဲ့တယ်လို့ သိရပါတယ်။
ရုပ်အလောင်းကို ဆေးရုံသို့ပို့ဆောင်ထားကာ ယခု ဖြစ်စဉ်နဲ့ပက်သက်ပြီး တာဝန်ရှိသူတွေက ဆက်လက် စုံစမ်းစစ်ဆေးလျက်ရှိကြောင်း၊မြစ်ချောင်း၊ကမ်းခြေ များမှာ ရေကူး အပန်းဖြေ တဲ့အခါ များမှာလည်း လုံခြုံရေး အတွက် သတိပြုဖို့ ကိုလည်း အာဏာပိုင်တွေကသတိပေးထားပါတယ်။
