NEWS

Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို

CoverLogo
262 Views

မင်္ဂလာဒုံမြို့နယ် တိုးချဲ့စက်မှုဇုန် ဇေကမ္ဘာ ၇ လမ်းမှာဖွင့်လှစ်ထားတဲ့ Yichang  Handbag (Myanmar) ကျောပိုးအိတ်ချုပ် စက်ရုံမှာ အချုပ်အလုပ်လုပ်ကိုင်ရတဲ့ အလုပ်သမားတွေအတွက် ခွင့်ခံစားခွင့်မရတာ အချိန်ပို အလွန်အကျွံဆင်းနေရတာ မဆင်းပါက ခွဲခြားဆက်ဆံခံရတာ အထည်စံချိန်တောင်းခံရာမှာ မချုပ်လုပ်နိုင်တဲ့ ပမာဏသတ်မှတ်တောင်းခံပြီး စံချိန်တောင်းခံရာမှာလည်း ကြီးကြပ်သူတွေက ဆဲဆိုအော်ဟစ်ခိုင်းစေနေတာလို့ အလုပ်သမားတွေကပြောပါတယ်။

တရုတ်နိုင်ငံသားပိုင်ဖြစ်တဲ့ အဆိုပါစက်ရုံမှာအလုပ်သမား ၅၀၀ ခန့် လုပ်ကိုင်နေပြီး   Lenovo တံဆိပ်အိတ်တွေချုပ်လုပ်နေရပြီး လုပ်ငန်းခွင်ဆိုင်ရာ အလုပ်သမားရေးရာ အငြင်းပွားမှု ဖြေရှင်းရေး ယန္တရားဖွဲ့စည်းထားတာမရှိဘူးလို့ သိရပါတယ်။

"ချိုးဖောက်မှုတွေကတော့ ဆေးခွင့်တွေ ရှောင်တခင်ခွင့်တွေ မရတာပေါ့ နေထိုင်မကောင်းလို့ လူမှုဖူလုံရေးဆေးခန်းသွားပြလို့ ဆေးခန်းက ဆေးခွင့်ပေးလိုက်လည်း စက်ရုံဘက်က မပေးဘဲ ဒေးကြေး ရက်မှန်ကြေး ဖြတ်ခံရပါတယ်။ အရေးပေါ်ကိစ္စရှိလို့ ရှောင်တခင်ခွင့်ယူရင် မပေးဘဲ ဒေးကြေး ၅၈၀၀ ကျပ် ရက်မှန်ကြေး ၂၀၀၀၀ ကျပ် အဖြတ်ခံရတယ် အလုပ်သမားတွေအတွက် နစ်နာတာပေါ့"လို့ အလုပ်သမားကပြောဆိုပါတယ်။

လုပ်ငန်းခွင်အတွင်း သောက်သုံးရေမသန့်ရှင်းတာ သန့်စင်ခန်းတွေ မသန့်ရှင်းတာနဲ့ ဆေးပေးခန်းမှာ ဆေးဝါးမရှိလို့  လုပ်ငန်းခွင်အတွင်း အသေးစာ ထိခိုက်ဒဏ်ရာရပါက ပလာစတာ ပင် ကပ်ရခြင်းမရှိဘူးလို့ အလုပ်သမားကပြောပါတယ်။

လုပ်ငန်းခွင်ဝင်ချိန်ဟာ နံနက် ၈ နာရီကနေ ၆နာရီ ၃၀ အထိ ဆင်းရပြီး အော်ဒါအရေးကြီးပါက ည ၈ နာရီကနေ ည ၁၂ နာရီမဖြစ်မနေဆင်းပေးနေရတာ အချိန်ပိုဆင်းရန် ငြင်းဆန်ပါက ဆူပူကြိမ်းမောင်းတာတွေရှိပြီး ငြင်းဆန်နိုင်ခြင်းမရှိဘဲ ဆင်းပေးနေရတာလို့ ပြောပါတယ်။

"အချိန်ပိုခေါ်ရင် ကြိုမပြောဘူး အလုပ်ဆင်းခါနီးမှ အချိန်ပိုဆင်းရမယ်ဆိုပြီးပြောတာ မဆင်းမနေရပဲ အထည်စံချိန်ဆိုလဲ ဘယ်လောက်ထိတောင်းလဲဆို စက်လိုင်းတစ်လိုင်းကို လူ ၅၀ ရှိတယ်ဆို တနာရီကို လိုင်းပေါက်အိတ် ၁၃၀ တောင်းတာ"လို့ အလုပ်သမားကပြောပါတယ်။

လုပ်ငန်းခွင်ရှိ စက်လိုင်းတလိုင်းအတွင်း စူပါအပါအဝင် လူ ၅၀ ရှိတဲ့ စက်လိုင်းတစ်လိုင်းကို တနာရီလျင် အိတ် အလုံး ၁၃၀ ချုပ်လုပ်ပေးရန် သတ်မှတ်ထားပြီး အလုပ်ချိန် ၁၀ နာရီ ( အိုတီ ၂ နာရီအပါ) ကို အိတ် အလုံး ၁၃၀၀ ချုပ်လုပ်နေရတာလို့ အလုပ်သမားကရှင်းပြပါတယ်။ရရှိနေတဲ့ အခကြေးငွေနှုန်းထားကတော့ ဒေးကြေး ၄၈၀၀ ကျပ် ထောက်ပံ့ကြေးတထောင်ကျပ် တလလုံးအတွက် ရက်မှန်ကြေး ၂၀၀၀၀ ကျပ်သာဖြစ်တယ်လို့ သိရပါတယ်။

ဆက်လက်ပြီး လုပ်ငန်းခွင်အတွင်း အထည်စံချိန်များတောင်းခံပါက ကြီးကြပ်ရေးလုပ်သားတွေဖြစ်တဲ့ အောစူပါ နှင့် စူပါများက ဆဲဆို ခြင်း ရိုင်းစိုင်းစွာပြောဆိုခိုင်းစေခြင်းများ ပြုလုပ်ကာ စံချိန်တောင်းခံနေတာဖြစ်လို့ အလုပ်သမားတွေအနေနဲ့ ဂုဏ်သိက္ခာမဲ့စွာလုပ်ကိုင်နေရတယ်လို့ ဆိုပါတယ်။


လုပ်ငန်းခွင်အတွင်း နေ့စားအလုပ်သမားခိုင်းစေတာရှိပြီး လုပ်သက် ၃ လပြည့်သည့် နေ့စားအလုပ်သမားတွေကို အတည်ပြုခန့်အပ်ခြင်းမရှိသလို အလုပ်ပါးပါက အလုပ်မှထုတ်ပယ်လေ့ရှိတာကြောင့် လုပ်သက်အရ နစ်နာမှုရှိနေတယ်လို့ အလုပ်သမားတွေကပြောဆိုပါတယ်။

 အလုပ်သမားတောင်းဆိုချက်အနေနဲ့ လုပ်ငန်းခွင်အတွင်း ဥပဒေပါခံစားခွင့်များဖြစ်သည့် ဆေးခွင့် ရှောင်တခင်ခွင့်များ ခွင့်ပြုပေးရန် အထည်စံချိန်တောင်းခံရမှာ ဆဲဆိုခြင်း ရိုင်းစိုင်းစွာ အော်ဟစ်ခိုင်းစေခြင်းများ ရှောင်ကျဉ်ရန် အလုပ်သမားတွေ ချုပ်လုပ်နိုင်တဲ့ အထည်စံချိန်ကိုသာတောင်းခံရန် အချိန်ပိုခေါ်ရာမှာ အလုပ်သမားတွေရဲ့ သဘောဆန္ဒကို မေးမြန်းပြီးမှသာ ခေါ်ရန် စတဲ့အချက်တွေကို ဖြေရှင်းပေးစေလိုတယ်လို့ အလုပ်သမားတွေထံကသိရပါတယ်။


Related posts

Cover
GYSEN Myanmar Apparel အထည်ချုပ် သမဂ္ဂအဖွဲ့ဝင် ၅၀ ကျော်ကို အလုပ်ထုတ်
May 26, 2024
Cover
PEPSI အချိုရည် စက်ရုံ CEOနဲ့HRအပြင် ကုမ္ပဏီကိုပါထပ်တိုးတရားစွဲရန်အမိန့်ချမှု တရားပြိုင်၃ဦးအတွက် ကုမ္ပဏီဘက်ကအမည်စာရင်းတင်သွင်း
May 25, 2024
Cover
Panko Bago Company အထည်ချုပ် အချိန်ပို အလွန်အကျွံခိုင်းနေဟု အလုပ်သမားများ ပြော
May 25, 2024
Cover
လုံခြုံရေးဝန်ထမ်းကို ဥပဒေမဲ့အလုပ်ကထုတ်ပယ်မှု အလုပ်သမားက တိုင်ကြားလို့ ဆွေးနွေးညှိနှိုင်းနေ
May 25, 2024
Cover
Eslite Garment အထည်စံချိန်ချုပ်လုပ်နိုင်တာထက်ပိုရဖို့ ရိုင်းစိုင်းစွာပြောဆိုခိုင်းစေနေ
May 24, 2024
Cover
New Talent Garment  အလုပ်သမားများ ဘွိုင်လာ မီးခိုးနှင့် အနံအသက်များကြား လုပ်ကိုင်နေရ
May 24, 2024
Cover
စက်ရုံအချို့ ဒေးကြေးတိုးမြှင့်ခေါ်ယူလာပေမဲ့ အမှန်တကယ်ရသင်တဲ့နှုန်းထားထက်နည်းပါးနေလို့ စားဝတ်နေရေးဖြေရှင်းဖို့ မဖြစ်နိုင်သေး
May 23, 2024
Cover
Li DA အထည်ချုပ်အလုပ်သမားများ ၆ နာရီ ဆက် နားချိန်မရှိ လုပ်ကိုင်နေရ၊ နေ့စဉ် အချိန်ပို လုပ်ကိုင်ခိုင်းလို့ ကျန်းမာရေး ပြဿနာများ ဖြစ်ပေါ်နေ
May 23, 2024