ရန်ကုန်တိုင်းမြို့ ၊ လှိုင်သာယာမြို့နယ်၊ မြစိမ်းရောင်စက်မှုဇုန်၊ မြသရဖီလမ်းက WELCOMBINE LEATHER MYANMAR Co.,ltd စက်ရုံမှာ စက်ရုံတာဝန်ရှိသူတွေက ခွင့်မပေးဘဲ ရက်ပျက်ဆိုပြီး ဒေးကြေးနဲ့ ရက်မှန်ကြေးတွေ ဖြတ်ထောက်နေတယ်လို့ အလုပ်သမားတွေက ပြောပါတယ်။
အလုပ်သမားတွေရဲ့ ဥပဒေပါ ခွင့်တွေဖြစ်တဲ့ ရှောင်တခင်ခွင့်၊ ဆေးခွင့်တွေကို စက်ရုံ တာဝန်ရှိတွေက မပေးဘဲ ရက်ပျက်သတ်မှတ်ပြီး ဒေးကြေး(၅၈၀၀)ကျပ်၊ ရက်မှန်ကြေး (၁၀၀၀၀) ကျပ် ဖြတ်တောက်ခံနေရတာလို့ သိရပါတယ်။
WELCOMBINE LEATHER MYANMAR Co.,ltd စက်ရုံက ဘင်္ဂလားဒေ့ရှ်နိုင်ငံသားပိုင်စက်ရုံဖြစ်ပြီး အလုပ်သမား (၅၀၀) ဝန်းကျင်နဲ့ PARFOIS တံဆိပ် ကျောပိုးအိတ်တွေ ချုပ်လုပ်နေတယ်လို့ သိရပါတယ်။ စက်ရုံဘက်က အိပ်ချုပ် စက် အမြင့် ချုပ်သူတွေကို တလကျပ် ၅၀၀၀၀ ပိုပေးမယ်ဆိုပြီး အလုပ်ခန့်ခဲ့ပေမဲ့ လစာရှင်းပေးရမှာ တော့ ပြောထားတဲ့ ပမာဏထက် လျှော့ချ ရှင်းပေးတယ်လို့ အလုပ်သမားတွေက ပြောပါတယ်။
“စက်ရုံက အိတ်ချုပ်တာဆိုတော့ စက်မြင့်၊ စက်သေး တွေနဲ့ချုပ်ရတယ်။ စက်မြင့်ချုပ်သူတွေကို အလုပ်ခေါ်တော့ ကျပ် ငါးသောင်း ထည့်ပေးမယ်လို့ အလုပ်ရှင်ကပြောတယ်။ တကယ်လစာထုတ်တော့ စက်မြင့်ချုပ်သမားတွေ ကို ကျပ် တသောင်းခွဲပဲ ထည့် ပေးတယ်။ သုံးသောင်းခွဲကို ခေါင်းပုံဖြတ်ထားတယ်” လို့ အလုပ်သမားတဦးက ပြောပါတယ်။
စံချိန်တွေ မတရားတောင်းခံပြီး စံချိန်မပြည့်ပါကလည်း လိုင်းခေါင်းဆောင်ဆိုသူကတွေက အော်ဟစ်ဆဲဆိုခြင်းတာတွေ နေ့စဥ် ပြုလုပ်နေတယ်လို့ သိရပါတယ်။
WELCOMBINE LEATHER MYANMAR Co.,ltd စက်ရုံမှာ နိုင်ငံခြားသားတွေက တိုက်ရိုက်အုပ်ချုပ်ပြီး နေ့စားအလုပ်သမားတွေမှာလည်း အတည်ပြုဝန်ထမ်းမခန့်ဘဲ အလုပ်ထုတ်ပယ်တာတွေ ပြုလုပ်တယ်လို့ အလုပ်သမားတွေက ပြောပါတယ်။ လုပ်သက်ရင့် အတည်ပြုဝန်ထမ်းတွေကိုလည်း စက်ရုံတာဝန်ရှိသူက ဥပဒေမဲ့ မကြာခဏ အလုပ်ထုတ်တာတွေ ပြုလုပ်တဲ့အပြင် အချိန်ပိုလုပ်ကိုင်ခိုင်းပါက ကြိုတင်ပြောကြားတာ မရှိဘူး လို့ ပြောပါတယ်။ အချိန်ပို မဆင်းပါကလည်း ခွဲခြားဆက်ဆံတာ၊ အငြိုးထား ဆက်ဆံတာတွေ စက်ရုံတာဝန်ရှသူတွေက ပြုလုပ်တယ်လို့လည်း အလုပ်သမားတွေက ပြောပါတယ်။
ရှောင်တစ်ခွင်ခွင့်၊ ဆေးခွင့်တွေပေးဖို့၊ အချိန်ပိုကို အလုပ်သမားတွေဆန္ဒမပါဘဲ ဖိအားပေးဆင်းခိုင်းတာ မလုပ်ဖို့၊ နိုင်ငံခြားသားတွေ တိုက်ရိုက်အုပ်ချုပ်တာနဲ့ စူပါ၊ လီတာတွေ အော်ဟစ်ဆဲဆိုတာတွေ မလုပ်ဖို့ကို WELCOMBINE LEATHER MYANMAR Co.,ltd အလုပ်သမားတွေက တောင်းဆိုထားပါတယ်။
NEWS
WELCOMBINE LEATHER MYANMAR Co.,ltd စက်ရုံတွင့် ခွင့်မပေးဘဲ လစာဖြတ်
![Cover](https://resource.myanmarlabournews.com/images/post/cover-1449..jpg)
![Logo](/logo192.png)
188 Views
Related posts
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2183..png&w=3840&q=75)
လုပ်ငန်းခွင်အတွင်း အလုပ်ရှင်အလိုကျ WCC ဖွဲ့ရန် အလုပ်သမားတွေကို အတင်းအကျပ်လက်မှတ်ထိုးခိုင်း
Jul 26, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2182..jpeg&w=3840&q=75)
အစိုးရဝန်ထမ်းနဲ့ အငြိမ်းစားတွေကို အပိုထောက်ပံ့ကြေးငွေ သုံးသောင်းကျပ် ခံစားခွင့်ပြုမယ်လို စစ်ကောင်စီ ထုတ်ပြန်
Jul 26, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2179..jpg&w=3840&q=75)
တိုင်ဖွန်းမုန်တိုင်းကြောင့် MV FU SHUN အမည်ရှိသင်္ဘော နစ်မြုပ်ခဲ့လို့ ပျောက်ဆုံးနေတဲ့ မြန်မာ သင်္ဘောသား ၉ ဦးအနက် ၄ ဦးပြန်လည်တွေ့ရှိထား
Jul 26, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2177..jpg&w=3840&q=75)
အလုပ်သမားတစ်ယောက်ရဲ့ တစ်နေ့လုပ်ခ တစ်ဒေါ်လာ သာရရှိနေပြီး ပြည်ပ အလုပ်အကိုင်တွေကို ပိုမိုရွေးချယ်လာ
Jul 25, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2173..jpg&w=3840&q=75)
၂၀၂၀ မှာ အခြေခံလုပ်ခ ဒေါ်လာ ၁၆၀ ဝန်းကျင်ရှိပြီး၊ ၂၀၂၄ မှာ အခြေခံလုပ်ခလစာဒေါ်လာ ၄၀ ကျော်သာရရှိနေ
Jul 24, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2169..png&w=3840&q=75)
Feng Teng Garment အချိန်ပိုအလွန်အကျွံခေါ်ခိုင်းစေ၊ စံချိန်အများအပြားတောင်းခံနေဟုဆို
Jul 23, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2158..jpg&w=3840&q=75)
Sheng Mei Garment အများပြည်သူ ပိတ်ရက် နှစ်ရက်အပြင် အောနိုက် လုပ်ကိုင်ခိုင်း လုပ်ခ ဖြတ်မဲ့အစီအစဉ်အား အတင်းအကြပ် လက်မှတ်ထိုးခိုင်း
Jul 21, 2024
![Cover](/_next/image?url=https%3A%2F%2Fresource.myanmarlabournews.com%2Fimages%2Fpost%2Fcover-2138..jpg&w=3840&q=75)
New Plus အထည်ချုပ် နေ့စဉ် ည ၈ နာရီအထိ လုပ်ကိုင်ခိုင်း၊ တနင်္ဂနွေနေ့ပါ အနားမရ၊ ဝန်ထမ်းတချို့ အလုပ်သမားများအား ဆဲဆို
Jul 19, 2024