NEWS

U BEAUTY CO,LTD ဆံပင်တု လုပ်ငန်းတွင် အကာအကွယ်မပြည့်စုံဘဲ လုပ်ကိုင်နေရ

CoverLogo
180 Views
 
ရန်ကုန်တိုင်းမြို့၊ လှိုင်သာယာမြို့နယ်၊ စက်မှုဇုန် (၅) ၊ ဧရာလမ်း မှာ ဖွင့်လှစ်ထားတဲ့ U BEAUTY CO,LTD ဆံပင်တုစက်ရုံမှာ လုပ်ငန်းခွင် အကာအကွယ် ပြည့်စုံမှုမရှိဘဲ လုပ်ကိုင်နေရတယ်လို့ အလုပ်သမားတွေက ပြောပါတယ်။ ဒီ အန္တရာယ်ရှိတဲ့ လုပ်ငန်းကို စားဝတ်နေရေးအတွက် လုပ်ကိုင်နေရတာ ဖြစ်တယ်လို့ အလုပ်သမားတွေက ပြောပါတယ်။
 
“လုပ်ငန်းခွင်ထဲမှာ အန္တရာယ် အရမ်းကို များတယ်။ ဆံပင်တွေကို ရေလျှော်ရတဲ့ နေရာမှာဆိုရင် တချို့ ဆံပင်တွေက အက်စစ်နဲ့ ဆေးရတယ်။ အဲလိုဆေးရင် အကယ်ဒမီ ချေးချွတ်ဆေးလိုမျိုး သုံးရတယ်။ လုပ်ငန်းသုံး အကာကွယ်ပစ္စည်းတွေကို သေချာ ပေးမထားပါဘူး။ လက်အိတ်ပေးတယ်၊ နာခေါင်းအုပ်ပေးတယ်၊ ဒါက လည်း ပါးတယ်။ မျက်မှန် မရှိဘူး။ ဆံပင်လျှော်တာနဲ့ အနံတွေ ရူရတယ် ၊ အန်တယ်။ မျက်စိတွေ စပ်တယ်။ လက်တွေဆို အရေခွံတွေ လန်တာတွေ ဖြစ်တယ်။ အရမ်းအန္တရာယ် များတယ်။” လို့ ပြောပါတယ်။
 
U BEAUTY CO,LTD ဆံပင်တု စက်ရုံကို တရုတ်နိုင်ငံသားပိုင်ဆိုင်ပြီး အလုပ်သမား (၃၀) ကျော်နဲ့ လည်ပတ်နေ တယ်လို့ သိရပါတယ်။ စက်ရုံ ဖွင့်လှစ်ထားတာ (၁) နှစ်နီးပါးရှိပြီး လုပ်ငန်းခွင်း သမဂ္ဂနဲ့ WCC ဖွဲ့စည်း ထားတာ မရှိဘူးလို့ အလုပ်သမားတွေက ပြောပါတယ်။
 
အလုပ်သမား (၃၀) ကျော်ထဲမှာ နေစားအလုပ်သမားက များပြီး အဲဒီ နေ့စားအလုပ်သမားတွေ (၂) လ လုပ်ကိုင် ပြီးပါက အမြဲတမ်းဝန်ထမ်းခန့်လိုမှ ခန့်ပြီး အကြောင်းပြချက် မရှိ အလုပ်ထုတ်တာတွေ ပြုလုပ်တယ်လို့ အလုပ်သမားတွေက ပြောပါတယ်။ နေ့စား အလုပ်သမားကို လစာ တစ်သိန်းခွဲသာ ပေးပြီး အမြဲတမ်းဝန်ထမ်း ဖြစ်သူတွေကို လစာ ကျပ်နှစ်သိန်းကနေ နှစ်သိန်းနှစ်သောင်း ပေးတယ်လို့ အလုပ်သမားတွေက ပြောပါတယ်။
 
လစာ စလစ် ထုတ်ပေးတာ မရှိသလို လူမှုဖူလုံရေးကြေး ပေးဆောင်ရတာလည်းမရှိဘူးလို့ အလုပ်သမားတွေက ပြောပါတယ်။ အလုပ်သမားတွေမှာ ခွင့်ရက် ခံစားခွင့် မရသလို့ စက်ရုံပိုင်ရှင် ကိုယ်တိုင် အုပ်ချုပ်လို့ အော်ဟစ် ပြောဆိုတာတွေလည်း ခံရတယ်လို့လည်း အလုပ်သမားတွေက ပြောကြားထားပါတယ်။

Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024
Cover
ဆောင်းဦးရွှေနေစက်ရုံအတွင်း ယောင်ပြ သမဂ္ဂဖွဲ့စည်းဖို့ ကြိုးပမ်းမှုတွေ ရှိနေ
Apr 01, 2024
Cover
ပိတ်ရက်မရဘဲ အချိန်ပိုလုပ်ကိုင်နေရ
Mar 31, 2024