ထိုင်းနိုင်ငံ၊ ချွန်ဘူရီမြို့ရှိ နွန်းလီစက္ကူစက်ရုံ မှာ အလုပ်သမားခေါ်ယူနေတယ်လို့ အမျိုးသမီးတစ်ဦးက Tiktok ကနေ Live လွှင့်ခဲ့တာကို အလုပ်လုပ် လိုတဲ့ မြန်မာအလုပ်သမား ၆ ဦး ကဆက်သွယ်ခဲ့တာ မှာ ဘတ် ၅သောင်းကျော် လိမ်လည်သွားတယ်လို့ ထိုင်းရောက်မြန်မာအလုပ်သမားအရေးကူညီနေတဲ့ MHAC မဟာမိတ်အဖွဲ့ ထံ က သိရပါတယ်။

 

အလုပ်အကိုင်ရှာဖွေနေတဲ့ မြန်မာအလုပ်သမား ၆ ဦးမှာ Tiktok ကနေ Live လွှင့်တဲ့ အမျိုးသ မီးရဲ့ ပြောဆိုမှုကို ယုံကြည်ပြီး သူမတို့ ပွဲစားအုပ်စုနဲ့ ဆက်သွယ်ကာ စမတ်ကြေး အဖြစ် ဘတ် (၅၂၂၀၀) ပေးအပ်ခဲ့တယ်လို့ အလုပ်သမားတွေထံက သိရပါတယ်။

 

၎င်း စမတ်ကြေးငွေတွေ ကို ရယူသွားပြီးနောက် မှာ ပွဲစား အမျိုးသမီး ၃ ဦးဟာ အလုပ်မသွင်းပေးဘဲ တစ်လကြာအောင် အမျိုးမျိုးလိမ်လည်ပြောဆိုနေတဲ့ အတွက် နစ်နာသူ အလုပ်သမား ၆ဦးက ပေးထားတဲ့ စမတ်ကြေးငွေများကို တောင်းခံရာ ပြန်မပေးသဖြင့်(M.H.A.C)မဟာမိတ်အဖွဲ့ထံ အကူအညီ တောင်းခံလာတယ်လို့ သိရပါတယ်။

 

ယခု ဖြစ်စဉ်နဲ့ ပတ်သက်ပြီး(M.H.A.C)မဟာမိတ်ရုံးအဖွဲ့မှ အချက်အလက်တွေ ကို စီစစ်ပြီးပါက အလုပ်သမား ၆ ဦးထံမှ အလုပ်သွင်းပေးမည်ဟုပြောဆိုကာ ငွေကြေးလိမ်လည်သွားတဲ့ ပွဲစား ၃ ဦး ကို ဥပဒေအရ အရေးယူဆောင်ရွက်နိုင်ရန်အမှုဖွင့်တိုင်ကြားသွားမယ်လို့သိရပါတယ်။