“လုံခြုံရေးဝန်ထမ်းတွေကို အိမ်သာထဲထိ ဝင်ပြီး ဓာတ်ပုံ ရိုက်ခိုင်းတာ၊ မနက်အလုပ်ဝင်တာနဲ့ အလုပ်သမား တွေကို တရားခံစစ်သလို စစ်ဆေးတယ်။ EC စာချုပ်ထဲ မပါတဲ့ စည်းကမ်းတွေထုတ်ပြီး အလုပ်သမားတွေ ကို မျိုးစုံဖိနှိပ်နေတာပါ” လို့ ပြောပါတယ်။

စက်ရုံမှာ အလုပ်သမား ၁၀၀၀ ကျော်က Sinsay , VERO MODA တံဆိပ်ကိုချုပ်လုပ်နေပြီး တရုတ် နိုင်ငံသား ပိုင်ဆိုင်တယ်လို့ သိရပါတယ်။ HR မန်နေဂျာ ခန့်အပ်ထားတာမရှိဘဲ GM နဲ့ COC က စက်ရုံ အလုပ်သမားတွေအပေါ် နည်းမျိုးစုံ နဲ့ အနိုင်ကျင့် ဖိနှိပ်အုပ်ချုပ်နေတယ်လို့ အလုပ်သမားက ပြောပါတယ်။ အလုပ်သမားတွေ မလုပ်နိုင်တဲ့ အထည်စံချိန်တွေ တောင်းဆာ၊ စံချိန်ကိုမပေးနိုင်ပါ ကျွမ်းကျင်အဆင့်လျှော့ ချတာ ၊ နောက်နေ့ အလုပ်လာ မဆင်းနဲ့ဆိုပြီး ခြိမ်းခြောက်တာတွေ ပြုလုပ်နေတယ်လို့ သိရပါတယ်။

“အခုက နိုင်ငံရေးအခြေအနေကလဲမကောင်းဘူး ။စက်ရုံက အိုတီ အတင်းအကျပ် ဆင်းခိုင်နေတယ် ။ အိုတီ မဆင်းဘူးဆိုလည်း နောက်လတွေပါ မဆင်းရဘူးလို့ ခြိမ်းခြောက်တယ်။ အိုတီက ည ၇ နာရီထိ ၊ WCC အဖွဲ့ဝင်လည်းလဲ ဘာမှမတက်နိုင်ဘူး။ သူတို့ပြောတာကိုလဲ စက်ရုံဘက်က လက်မခံဘူး။” လို့ ပြောပါတယ်။

လုပ်ငန်းခွင်အတွင်း စက်လိုင်းစူပါနဲ့ လီဒါတွေက ဆဲဆိုခိုင်းစေတာကိုလည်း GM ဆိုသူက သေချာ မဖြေရှင်း ဘဲ မတရား နို့တစ်ပေး ခြိမ်းခြောက်တာတွေ ပြုလုပ်တယ်လို့ Tianjin Fashion Milestone အထည်ချုပ် စက်ရုံ အလုပ်သမားတွေက ပြောကြားထားပါတယ်။