NEWS

SUN APPAREL အထည်ချုပ်စက်ရုံ ဆန္ဒပြ အလုပ်သမားခေါင်းဆောင်အား စစ်ကောင်စီ ဖမ်းဆီး

CoverLogo
1.1K Views

Sun APPAREL Myanmar အထည်ချုပ်စက်ရုံ ဆန္ဒပြ အလုပ်သမား ခေါင်းဆောင် မသီတာဝင်းကို စစ်ကောင်စီတပ်တွေက ဖမ်းဆီးလိုက်တယ်လို့ စစ်ကောင်စီနဲ့ နီးစပ်တဲ့ အရင်းအမြစ်တွေဆီက သိရပါတယ်။ မသီတာဝင်းဟာ တောင်းဆိုချက်တွေ ညှိနှိုင်းဖို့ စီစဉ်ထားတဲ့ ရက်မတိုင်မီ တစ်ရက်အလိုမှာ ဖမ်းဆီးခံခဲ့ရတာဖြစ်ပါတယ်။

ဇွန်လ ၁၄ ရက် ည ၁၁ နာရီလောက်မှာ မသီတာဝင်းကို ဖမ်းဆီးခဲ့တာလို့သိရပြီး စစ်ကြောမေးမြန်းဖို့အတွက် အမှတ် ၁ တပ်မတော်စစ်ဖက်ရေးရာ လုံခြုံရေးအကူ တပ်ဖွဲ့ဆီ ခေါ်သွားလို့လည်း အဲဒီ အရင်းအမြစ် တွေက ပြောပါတယ်။

Sun Apparel Myanmar အထည်ချုပ်စက်ရုံဟာ ရန်ကုန်တိုင်း လှိုင်သာယာမြို့ စက်မှုဇုန် (၅) ၊မလိခလမ်းမှာရှိပြီး ထိုင်းနိုင်ငံသား ပိုင်ဆိုင်တယ်လို့ သိရပါတယ်။

အသက် ၃၄ နှစ်အရွယ် အလုပ်သမားခေါင်းဆောင် မသီတာဝင်းနဲ့ စက်ရုံ အလုပ်သမားတွေက Day ကြေး ရက်မှန်ကြေး ၆ဝဝဝ ကျပ် တိုးပေးဖို့ ၊ သောက်သုံးရေ အဆင်ပြေစေဖို့ကို စက်ရုံက စီစဉ်ပေးဖို့၊ အလုပ်သမား လျှောက်လမ်း အမိုး လုံအောင်ပြုပြင်ပေးဖို့၊ ထမင်းစားဆောင် သီးသန့် ထားပေးဖို့ ၊ ပိတ်ရက်ခ ပြန်ပေးဖို့ ၊ (၁၅)ရက် အတွင်း အလုပ်ပျက်ပါက ကျပ် ၂၀၀၀၀ ပဲ ဖြတ်ဖို့ ဆိုတဲ့ အချက် ၆ ချက်ကို တောင်းဆိုခဲ့တယ်လို့ သိရပါတယ်။

အဲဒီတောင်းဆိုချက်တွေကို မသီတာဝင်းက ခေါင်းဆောင်ပြီး Sun Apparel Myanmar အလုပ်သမား ၄၀၀ တို့က လုပ်ငန်းခွင် ဝင်ရောက်ပြီး ထိုင်လျက် သပိတ်မှောက် တောင်းဆိုခဲ့တာလို့ သိရပါတယ်။

အဲ့လိုတောင်းဆိုတာကို ဇွန် ၃ ရက် ပြုလုပ်ခဲ့တာဖြစ်ပြီး လှိုင်သာယာ (အနောက်ပိုင်း)မြို့နယ် အလုပ်သမားရေးရာ ဆက်ဆံရေ ဦးစီးဌာနမှာ အလုပ်သမားခေါင်းဆောင် မသီတာဝင်းနဲ့ မန်နေဂျာ ဖြစ်သူတို့ ညှိနှိုင်းခဲ့ရာမှာ ပြေလည်မှုမရရှိဘဲ ဒီကနေ့ ဇွန် ၁၅ ရက်မှာ ဆက်လက်ညှိနှိုင်းဖို့ စီစဉ်ခဲ့တယ်လို့လည်း သိရပါတယ်။


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
ဆေးနှင့် ဆက်စပ်ပစ္စည်များ ဈေးနှုန်းမြင့်တက်၊ ပစ္စည်းပြတ်လပ်မှုများရှိနေ
Apr 07, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
စစ်မှုထမ်းရန်မဲပေါက်သူတွေ ထွက်ပြေးတိမ်းရှောင်သွားလို့ ကျေးရွာတွေထံငွေကြေးအဓမ္မကောက်ခံဟုဆို
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024