"Sisters2sisters campaign ရဲ့ အဓိက ရည်ရွယ်ချက်က​တော့ မြန်မာနိုင်ငံမှာရှိတဲ့ လူ့အခွင့်​ရေးချိုး​ဖောက်ခံ​နေရတဲ့  အဖိနှိပ်ခံအမျိုးသမီး​အားလုံး၊ အာဏာရှင်စနစ်ကို ဆန့်ကျင်တဲ့ ​တော်လှန်ညီအမတွေအားလုံးနဲ့သွေးစည်းညီညွတ်စွာရပ်တည်ရေးပဲဖြစ်ပါတယ်"မသွင်ထက်(Sister2Sister-အဖွဲ့ဝင်)

ယခင်ကရောစစ်အာဏာသိမ်းကာလမှာပါအလုပ်သမားအရေး ဖိနှိပ်ခံအမျိုးသမီးအရေးတွေအပါအဝင် ဒီမိုကရေစီတိုက်ပွဲတွေမှာတက်တက်ကြွကြွကူညီလှုပ်ရှားနေတဲ့ Sister2Sister အဖွဲ့ဝင်တဦးဖြစ်တဲ့မသွင်ထက်ကို MyanmarLabourNews ကအဖွဲ့ရဲ့ရပ်တည်ချက်နဲ့လှုပ်ရှားမှု့အခြေအနေတွေကိုဆက်သွယ်မေးမြန်းဖြစ်ခဲ့ပါတယ်။

MLN-Sister2Sister နဲ့အတူဒီလှုပ်ရှားမှု့တွေမှာဘယ်သူတွေပါလဲခင်ဗျ

TH-Sisters2sisters campaign ရဲ့ အဓိက ရည်ရွယ်ချက်က​တော့ မြန်မာနိုင်ငံမှာရှိတဲ့ လူ့အခွင့်​ရေးချိုး​ဖောက်ခံ​နေရတဲ့  အဖိနှိပ်ခံအမျိုးသမီး​အားလုံး၊ အာဏာရှင်စနစ်ကို ဆန့်ကျင်တဲ့ ​တော်လှန်ညီအမ​တွေအားလုံးနဲ့ သွေးစည်းညီညွတ်စွာရပ်တည်​ရေးပဲဖြစ်ပါတယ်။

အမျိုးသမီးလို့​ပြောတဲ့အခါမှာ လိင်စိတ်တိမ်းညွတ်မှု မတူကွဲပြားတဲ့ LGBTQ+ ညီအမ​တွေလည်း တသားတည်းပါဝင်ပါတယ်။

MLN-ခုအပြည်ပြည်ဆိုင်ရာအမျိုးသမီးများနေ့ကနေစလုပ်မယ့် ၁၆ ရက်တာကမ်ပိန်းကရောဘယ်လိုလဲ။

TH- S2S အဖွဲ့က​နေ ပြည်သူ​တွေလည်းအတူပါဝင်နိုင်တဲ့ ၁၆ရက်တာတက်ကြွလှုပ်ရှားမှု ကမ်ပိန်းကို နိုဝင်ဘာလ၂၅ရက်​နေ့က​နေ ဒီဇင်ဘာ ၁၀ ရက်​နေ့အထိ ပြုလုပ်သွားဖို့ရှိပါတယ်။

ဒီကမ်ပိန်းကဆိုရင် JASS အရှေ့တောင်အာရှ အမျိုးသမီး အဖွဲ့ ရဲ့ One Day One Voice လှုပ်ရှားမှု အစိတ်အပိုင်း ဖြစ်ပြီး S2S က တင်ဆက်ဖူးတဲ့ Fight Like A Garment Worker ဆိုတဲ့ ပ​ရောဂျက်ရဲ့ Season II လှုပ်ရှားမှုလည်းဖြစ်ပါတယ်။

၁၆ ရက်တာကမ်ပိန်းအတွက် ODOV ပြည်တွင်း မိတ်ဖက် ဖြစ်တဲ့ သွေးစည်းညီညွတ်သော အလုပ်သမားများအဖွဲ့ ချုပ် -မြန်မာ (STUM) ၊ ပြည်တွင်းပြည်ပ အမျိုးသမီးရပိုင်ခွင့် ဆိုင်ရာ အစုအဖွဲ့များ နှင့်လည်း စုဖွဲ့​ဆောင်ရွက်ထားပါတယ်။

ဒီ ၁၆ ရက်အတွင်းမှာ မြန်မာနိုင်ငံက အထည်ချုပ်စက်ရုံ​တွေမှာရှိတဲ့ အမျိုးသမီး အလုပ်သမ​တွေရင်ဆိုင်​နေရတဲ့ လုပ်ငန်းခွင်တွင်းအခက်ခဲ​တွေ၊ အလုပ်သမားအခွင့်​ရေးချိုး​ဖောက်ခံ​နေရမှု​တွေ၊ အလုပ်သမားထုအ​နေနဲ့ အခက်ခဲကြားက​နေ အာဏာရှင်စနစ်ကို ​​တော်လှန်​နေတဲ့ အ​ကြောင်း​တွေကို အဓိကထား​​ပြောဆိုသွားမှာပါ။

ဒါ့အပြင် ပြည်သူ​တွေအ​နေနဲ့ အထည်ချုပ်အလုပ်သမား​တွေနဲ့အတူ ရပ်တည်​​ကြောင်း ထုတ်​ဖော်​ပြောဆိုနိုင်တဲ့ အစီစဥ်လည်းရှိပါတယ်။ အ​​သေးစိတ်ကို Sisters 2 sisters​ပေ့ချ်မှာ ဝင်​ရောက်ကြည့်ရှုနိုင်ပါတယ်။

MLN-အာဏာမသိမ်းခင်နဲ့အာဏာသိမ်းပြီးအချိန်အမျိုးသမီးအရေးအလုပ်သမားအရေးအခြေအနေကရောဘယ်လိုကွဲပြားနေတယ်လို့မြင်ပါသလဲဗျ။

TH--အာဏာ မသိမ်းမီက​ရော ၊ အာဏာသိမ်းပြီး​နောက်​ရော အလုပ်သမားထုဟာ အလုပ်သမားအခွင့်​ရေး​ချိုး​ဖောက်ခံ​နေတာဖြစ်ပါတယ်။

အာဏာသိမ်းပြီး​နောက်​တော့ စက်ရုံ​တွေ ပိတ်တာနဲ့၊ ဖွင့်တဲ့စက်ရုံ​တွေကလည်း စစ်​ကောင်စီနဲ့​ပေါင်းပြီး အလုပ်သမား​တွေကို ခြိမ်း​ခြောက်တာ​တွေ ရှိလာပါတယ်။

အခုလို အာဏာရှင်စနစ်၊ကို ​တော်လှန်​တဲ့အခါမှာ အလုပ်သမား​ရေးကို ချန်ထားလို့မရ​ပါဘူး။
အလုပ်သမား​ရေးနဲ့ပတ်သက်ပြီး တက်ကြွလှုပ်ရှားမှု​တွေ ပိုကျယ်ပြန့်လာဖို့ လိုပါတယ်။

ကျွန်မတို့ S2S အဖွဲ့အစည်းအ​နေနဲ့ အလုပ်သမား​တွေရဲ့ အသံကို ပြည်သူ​တွေ ကြားနိုင်ဖို့ရည်ရွယ်ပြီး Fight Like A Garment Worker projectကို စတင်ခဲ့တာဖြစ်ပါတယ်။

အဲ့ပ​ရောဂျက်မှာဆိုရင် အထည်ချုပ်အလုပ်သမား​တွေနဲ့ အင်တာဗျူးပြီး သူတို့အ​ကြောင်း​တွေကို ရုပ်ပြဇာတ်လမ်းအဖြစ် ပုံ​ဖော် တင်ဆက်ထားတာဖြစ်ပါတယ်။  

ဒါ့အပြင် Clean Clothes Campaignလို နိုင်ငံတကာ အဖွဲ့အစည်းက​နေလည်း အဂ်လိပ်ဘာသာစကားနဲ့ပြန်လည်​ဝေမျှခဲ့ပါတယ်။

သတင်းအဖြစ်တင်မဟုတ်ဘဲ အနုပညာနဲ့​ပေါင်းစပ်တင်ဆက်တဲ့အခါ ဖတ်ရှု့သူ​တွေများတာ​တွေ့ရပြီး စာဖတ်သူအများပြားက​နေအလုပ်သမား​တွေရဲ့ အခက်ခဲ​တွေကို ပိုစာနာမိ​ကြောင်း၊ အလုပ်သမားအခွင့်​ရေးအတွက် တတ်နိုင်သ​လောက် ပါဝင်ချင်​ကြောင်း မှတ်ချက်ပြု ​ရေးသားထားတာ​တွေ​တွေ့ပါတယ်။

MLN-ဒီကိစ္စတွေမှာ sister2sister အဖွဲ့အနေနဲ့ဘာတွေဆက်လုပ်သွားဖို့ရှိလဲ။

TH-ကျွန်မတို့ယုံကြည်တာက​တော့ အလုပ်သမားထုဟာ သူတို့အခွင့်​ရေးအတွက် သူတို့ကိုယ်တိုင် အသံထွက်တောင်းဆို​နေတာကြာပါပြီ။

သူတို့အသံ​တွေ ပြည်သူ​တွေဆီ ပိုကျယ်ကျယ်ပြန့်ပြန့် ​ရောက်ဖို့အတွက် ကျွန်မတို့ S2S က​နေ အမြဲ အားဖြည့်သွားမှာဖြစ်ပါတယ်။

ခုလိုအချိန်ပေးဖြေကြားပေးတဲ့အတွက်Myanmar Labour News ကကျေးဇူးပါခင်ဗျ။