NEWS

SHI AN (MYANMAR) စက်ရုံအလုပ်သမားတွေ ခွင့်ခံစားခွင့်မရ ဘဲလုပ်ကိုင်နေရ

CoverLogo
449 Views

လှိုင်သာယာမြို့နယ်၊ စက်မှုဇုန်(၂) ကနောင်မင်းသားကြီးလမ်းမှာ အလုပ်သမား ၈၀၀ ကျော်နဲ့ လုပ်ငန်းလည်ပတ်နေတဲ့ SHI AN (MYANMAR) အထည်​ချုပ် စက်ရုံမှာ ခွင့်ခံစားခွင့်မရဘဲ လုပ်ကိုင်နေရတယ်လို့ အလုပ်သမားတွေထံကသိရပါတယ်။ 

တရုတ်နိုင်ငံသားပိုင်ဖြစ်တဲ့ အဆိုပါ စက်ရုံမှာ JACK&JONES တံဆိပ်ချုပ်လုပ်နေပြီး လုပ်ငန်းခွင်မှာ သမဂ္ဂဖွဲ့စည်းထားတာမရှိဘူးလို့ သိရပါတယ်။ 

အလုပ်သမားများ ခံစားခွင့် ဖြစ်သောရှောင်တခင်ခွင့်၊ ဆေးခွင့်များမပေးခြင်း၊ အလုပ်သမားများနေထိုင်မကောင်းသည်ဖြစ်စေ၊ အရေးပေါ်ကိစ္စရှိသည်ဖြစ်စေ ခွင့်တိုင်ကြားသော်လည်းအလုပ်ရှင်ဘက်မှ ခွင့်မပေးဘဲ လစာထုတ်လျှင် ဖြတ်တောက်ထားခြင်း၊ ခွင့်တိုင်ပြီးခွင့်မရသည့်အတွက် ဒေးကြေး(၅၈၀၀)ကျပ်၊ ရက်မှန်ကြေး (၂၀၀၀၀)ကျပ် စုစုပေါင်း(၂၅၈၀၀) ကျပ်ဖြတ်တောက်ခံရတယ်လို့ အလုပ်သမားကပြောပါတယ်။

လူမှုဖူလုံရေးကြေးထည့်ဝင်ထားသော်လည်း ဆေးခွင့် ခံစားခွင့်မရှိသည့်အတွက် အလုပ်သမားများမှာနစ်နာမှုရှိနေတယ်လို့ဆိုပါတယ်။

"လုပ်ငန်းခွင်ထဲတွင်အလုပ်သမားများကို အထည်စံချိန်မတရားတောင်းခံနေခြင်း၊ စက်လိုင်းတစ်လိုင်းတွင် အလုပ်သမားလူဦးရေ (၅၀)သာရှိပြီး အလုပ်သမားတစ်ဦးကိုပွိုင့်နှစ်ပွိုင့်ချုပ်ရခြင်း၊ ချုပ်ရသောအထည်များ မှာဝယ်လွန်သားများဖြစ်ပြီး တစ်နာရီလျှင်အလုပ်သမားတစ်ဦးကို အထည်စံချိန်(၄၅)ပေးရခြင်း၊ ချုပ်ရသည့် အထည်များမှာလက်ဝင်ခြင်း၊ ရေမသောက်၊ အိမ်သာမသွားဘဲချုပ်လုပ်နေရပြီး အလုပ်ရှင်ဘက်မှ တောင်းခံသောစံချိန်ကပြည့်မီရန်ခက်ခဲခြင်း၊ အလုပ်ရှင်ဘက်ကတစ်ဖက်သတ် တောင်းခံသောအထည်စံချိန် မပြည့်လျှင်အောစူပါ၊ စူပါများက စက်လိုင်းထိပ်ကနေ အလုပ်သမားများကိုနာမည်တပ်ပြီး အော်ဟစ်ဆဲဆို နေခြင်းများကိုနေ့စဥ် နားမခံနိုင်အောင်ပြုမှုဆက်ဆံနေတာကြောင့်" အခက်ကြုံနေရတယ်လို့ အလုပ်သမားကပြောဆိုပါတယ်။

အောစူပါ၊စူပါများဖိအားပေးမှုကြောင့် ထမင်းစားနားချိန်တွင်ထမင်းမစားရဘဲ အလုပ်ရှင်ဘက်မှ တောင်းခံသောအထည်စံချိန်ပြည့်မီအောင် နားချိန်မရှိချုပ်လုပ်နေရတယ်လို့ ပြောပါတယ်။

ထမင်းမစား မနားရဘဲချုပ်လုပ် နေသည့်အတွက်တစ်နေ့တာစံချိန်ပြည့်မီသွားလျှင် နောက်နေ့တွင်အထည်စံချိန်ကိုထပ်မံတိုးတောင်းတာကြောင့် ယခုလိုလုပ်ဆောင်နေခြင်းမှာ အလုပ်ရှင်မှ အလုပ်သမားများလုပ်အားကိုညှစ်ထုတ်ယူနေခြင်းဖြစ်တယ်လို့ အလုပ်သမားကပြောဆိုပါတယ်။

အလုပ်သမားများတောင်းဆိုချက် အနေနဲ့အလုပ်သမားများခံစားခွင့်ရှိသော ခွင်ရက်နှင့်ဆေးခွင့်များ ခံစားခွင့်ပေးရန်၊ အလုပ်သမားများချုပ်လုပ်နိုင်သော စံချိန်များကိုသာအလုပ်ရှင်ဘက်ကတောင်းခံရန်၊ အောစူပါ၊စူပါများမှစံချိန်တောင်းခံရာတွင် အလုပ်သမားများကိုအော်ဟစ်ဆဲဆိုခြင်း မပြုလုပ်ရန် တောင်းဆိုလိုတယ်လို့ အလုပ်သမားတွေကတောင်းဆိုထားပါတယ်။ 

 


Related posts

Cover
တရားမ၀င် မိန်းမတောင်းသည့် တရုတ်နိုင်ငံသားနှင့်စကားပြန်တို့ကို လူကုန်ကူးမှုဖြင့်အရေးယူထားဟုဆို
Feb 08, 2025
Cover
အလုပ်သမားများအခွင့်အရေးများချိုးဖောက်ခံနေရပြီး နားရက်မရှိ အချ်ိန်ပိုဆင်းပေးနေရ
Feb 08, 2025
Cover
Opal 1 စက်ရုံလုပ်သားများအား  ပြည်ပဝန်ထမ်းက ကြမ်းတမ်းစွာဆက်ဆံ ခိုင်းစေ
Feb 08, 2025
Cover
YUHUA အထည်ချုပ်စက်ရုံ အပြောင်းအလဲမရှိဘဲ အချိန်ပိုခေါ်ခိုင်းလို့ တလ နှစ်ရက်သာ အနားရ
Feb 07, 2025
Cover
Myanmar QI Yuan Garment အချိန်ပို အတင်းအကျပ် ခိုင်းစေနေ
Feb 07, 2025
Cover
မူဆယ်မှာ အထည်ချုပ်လုပ်ငန်းလုပ်ရန်သွားရောက်တဲ့ လူထောင်နဲ့ချီပိတ်မိနေ
Feb 06, 2025
Cover
စက်ရုံအလုပ်သမားများ ဆဲဆိုကြိမ်းမောင်းခံရမှုနဲ့ အတူလုပ်အားခခေါင်းပုံဖြတ်ခံနေရ
Feb 05, 2025
Cover
ဥပဒေမဲ့အလုပ်ထုတ်ခံရလို့ Ooredoo Myanmar ကိုတရားစွဲဆိုထားတဲ့အမှု ဖေဖော်ဝါရီ ၂၅ ရက်သို့ ပြန်လည်ချိန်းဆို
Feb 05, 2025