“ တနင်္ဂနွေနေ့တွေမှာလည်း ဆင်းရတော့ ပိတ်ရက်မရှိ လုပ်ရတာ။ စက်ရုံမန်နေဂျာ၊ အောစူပါတွေက အချိန်ပိုဆင်းဖို့ ဖိအားပေးတယ်၊ ဆင်းနိုင်လား မဆင်းနိုင်ဘူးလား မမေးဘူး၊ ဟိုလူဆင်း၊ ဒီလူဆင်းဆိုပြီး သူတို့ ကိုယ်တိုင်လက်မှတ်ထိုးပြီး ဆင်းခိုင်းတော့တာ” လို့ ပြောပါတယ်။

 

အောလင်း၊ အောနိုက် အချိန်ပိုတွေ အမြဲလိုလို လုပ်ကိုင်ရလို့ အိပ်ရေးမဝတဲ့အတွက် အလုပ်ချိန်

တွေမှာ အိပ်ငိုက်တာ၊ ခေါင်းမူးခေါင်းကိုက် နေမကောင်းဖြစ်တာကြုံတွေရသလို အားအင်မရှိ ခံစားနေရတယ်လို့ အလုပ်သမားတွေက ပြောပါတယ်။

 

“ အချိန်ပို မဆင်းရင် ဖိအားပေး ပြောနေတာ၊ အငြိုးလည်း အထားခံရတယ်။ လုပ်ခ လစာ လျော့ပေးတယ်၊ အထည်ဆုကြေးလျှော့တယ်၊ ကျွမ်းကျင်ကြေးလျှော့တယ်" လို့ ပြောပါတယ်။

 

အထည်စံချိန်ကို အလုပ်သမား ၄၀ ဝန်းကျင်ရှိတဲ့ စက်လိုင်းကို တစ်နာရီ အထည် ၆၀ အထိ စက်ရုံတာဝန်ရှိသူတွေက တောင်းတယ်လို့ အလုပ်သမားတွေက ပြောပါတယ်။

 

“ချုပ်ရတာက ဝယ်လွန်တွေ၊ ဘောင်းဘီတွေ ။ အထည်စံချိန်ကို အောစူပါ၊ စူပါတွေကလည်း အော်ဟစ် တောင်း၊ ဆူပူပြောနဲ့။ “ လို့ အလုပ်သမားတွေက ပြောပါတယ်။

 

နေ့စားအလုပ်သမားတွေကို အစမ်းခန့်ကာလ ပြည့်လည်း အတည်ပြု ခန့်ထားတာမရှိဘဲ အလုပ်မရှိထုတ်၊ အလုပ်ရှိ ပြန်ခန့် ပြုလုပ်တယ်လို့ သိရပါတယ်။

 

“ လုပ်သက် ၃ လပြည့်လည်း လစားမခန့်ပါဘူး။ အလုပ် ထုတ်ချင်တိုင်း ထုတ်လိုက် ၊ ပြီးရင် ပြန်ခေါ်လိုက် လုပ်တာပါ” လို့ အလုပ်သမားတွေက ပြောပါတယ်။

 

ကိုယ်ဝန်ဆောင် အလုပ်သမားတွေကို နားချိန်မပေးဘဲ တခြားအလုပ်သမားတွေနဲ့ တန်းတူ လုပ်ကိုင်ခိုင်းတယ်လို့လည်း အလုပ်သမားတွေက ပြောပါတယ်။

 

"အလုပ်လွှတ်ချိန်ဆို ကိုယ်ဝန်ဆောင်သယ်တွေကို အစော ထွက်ခွင့်မပေးဘူး ။ တခြားအလုပ်သမားတွေနဲ့ အတူ တိုးထွက်ရတာ၊ လုပ်ငန်းခွင်ထဲလည်း ဆေးပေးခန်းမရှိဘူး၊ စက်ရုံ အိမ်သာဆိုတာ ပြည့်နေတာ၊ ရေလောင်းလို့လည်း မရနဲ့၊ ခွင့်တွေဆို ဘာခွင့်မှ မရတာ” လို့ ပြောဆိုထားပါတယ်။

 

အလုပ်သမားတွေအတွက် ဖယ်ရီလုံလောက်မှုမရှိ တွဲခိုစီးရပြီး လုပ်ငန်းခွင် လိုအပ်ချက်တွေကို တင်ပြဖို့ WCC အဖွဲ့လည်း ဖွဲ့မထားဘူးလို့ အလုပ်သမားတွေက ပြောထားပါတယ်။

 

SHAN DONG JlAYl Co.,Ltd စက်ရုံက ရန်ကုန်၊ လှိုင်သာယာမြို့နယ်၊ ရွှေလင်ဗန်းစက်မှုဇုန်၊ မင်းကြီးမဟာမင်းခေါင်လမ်းမှာ စက်ရုံဖွင့်လှစ်ထားပြီး တရုတ်နိုင်ငံသားပိုင် စက်ရုံလို့ သိရပါတယ်။ အလုပ်သမား ၅၀၀ ကျော် လုပ်ကိုင်နေပြိး လက်ရှိ Sinsay,ALCOTT တံဆိပ် အထည်တွေ ချုပ်လုပ် နေတယ်လို့ သိထားပါတယ်။