လှိုင်သာယာ အလယ်ရွာအနီးက SEN YU အထည်ချုပ်စက်ရုံရှေ့ မှာ လစာထုတ်ဖို့ လာရောက်တဲ့ အလုပ်သမားများစောင့်ဆိုင်းနေရလို့ အခက်အခဲဖြစ်နေတယ်လို့ အလုပ်သမားတွေကပြောပါတယ်။

အလုပ်သမား ၆၀ ကျော်ဟာ အလုပ်မှ နုတ်ထွက်ထားသူတွေဖြစ်ပြီး ၁၀ ရက်နေ့မှာ လုပ်ခပေးချေရမှာဖြစ်ပေမဲ့ ပိတ်ရက်ဖြစ်တာကြောင့် ယနေ့ ၃ နာရီကို ချိန်းဆိုခဲ့တာလို့ သိရပါတယ်။

 

လက်ရှိအချိန်မှာတော့ စက်ရုံဘက်က အကြောင်းပြန်ခြင်းမရှိတာကြောင့် အလုပ်သမား ၆၀ ကျော် စက်ရုံရှေ့မှာ စောင့်ဆိုင်းနေရဆဲဖြစ်တယ်လို့ ဆိုပါတယ်။

 

အဆိုပါစက်ရုံဟာ အလုပ်သမားတွေကို အိုဗာတိုင် အလွန်အကျွံခေါ်ယူတာတွေ ပြုလုပ်ပြီး ငြင်းဆန်ပါက အလုပ်မှထုတ်ပယ်မည်ဟု ခြိမ်းခြောက်ခိုင်းစေတာ လုပ်ငန်းခွင်အတွင်းရိုင်းစိုင်းစွာပြောဆိုခိုင်းစေတာ တွေကြောင့် Myanmar Labour News မှာ ဩဂုတ် ၃၁ ရက်က သတင်းဖော်ပြခြင်းခံရပြီး စက်ရုံမှာ နိုင်ငံတကာအမှတ်တံဆိပ် Sinsay နဲ့ P&VV အမှတ်တံဆိပ်ချုပ်လုပ်တာဖြစ်တယ်လို့ သိရပါတယ်။