NEWS

PJနှင့် ထွက်ခွာမဲ့ အလုပ်သမားများ ၅ ရက် ကြိုတင်လျှောက်ထားရမည့် အစီအစဉ် ဒီကနေ့ စတင်

CoverLogo
380 Views
 
ဒီကနေ့ မတ် ၁၇ ရက်ကစပြီး PJ အမျိုးအစား အလုပ်အကိုင် နိုင်ငံကူးလက်မှတ် ကိုင်ဆောင်ထားတဲ့ အလုပ်သမားတွေအနေနဲ့ စစ်ကောင်စီရဲ့ အလုပ်သမားဝန်ကြီးဌာနဆီ ၅ ရက် ကြိုတင် ခွင့်ပြုချက် လျှောက်ထား ပြီးမှ ပြည်ပ ထွက်ခွာခွင့်ရမယ်လို ပြည်ပအလုပ်အကိုင်အေဂျင်စီများထံမှ သိရပါတယ်။
“ပြီးခဲ့တဲ့ ရက်ပိုင်းက အသိပေးထားတာ ထင်တယ်။ OWIC သက်တမ်းကျန်ရှိနေတဲ့ အလုပ်သမားတွေရော ခွင့်ပြန် အလုပ်သမားတွေရောကို မတ် ၁၅ရက် ၊ ၁၆ရက်နေ့ ည၁၂နာရီအထိ ပြန်ထွက်ခွင့်ပေးပြီး ဒီ၁၇ရက်နေ့ကစပြီး မပေးတော့ဘူး။ သူတိုဆီမှာ ၅ရက် ကြိုတင် ခွင့်ပြုချက်တောင်းခံရမယ်။ သူတိုခွင့်ပြုမှ ထွက်ရမယ်။ ကိုယ့် အစီအစဉ်နဲ့ ဖြစ်ဖြစ်၊ အေဂျင်စီနဲ့ဖြစ်ဖြစ် အားလုံးအတူတူပဲ”လို ပြည်ပ အလုပ်အကိုင်အေဂျင်စီ လုပ်ငန်းရှင် တစ်ဦးက ပြောပါတယ်။
ကြိုတင်ခွင့်ပြုချက်ရယူဖိုကို ပြီးခဲ့တဲ့ မတ်လ ၁၀ ရက်ကတည်း ထုတ်ပြန်ခဲ့တာဖြစ်ပြီး အစီအစဉ်ကို ဒီကနေ့ မတ်လ ၁၇ ရက်မှာ စတင်နေ့မှာ စတင်တာ ဖြစ်ပါတယ်။
ခွင့်ပြုချက်လျှောက်ထားတဲ့ အလုပ်သမားတွေဟာ ခွင့်ပြန်လာပြီး ခွင့်ရက်ပြည့်လို လုပ်ငန်းခွင်ပြန်ဝင်ဖို ၊ OWIC သက်တမ်း ကျန်ရှိတာနဲ့ တခြား အထောက်အထားတွေ ပြည်စုံပေမဲ့ အလုပ်သမားဝန်ကြီးဌာနရဲ့ ခွင့်ပြုချက်ရမှ ရန်ကုန်လေဆိပ်ကနေ ထွက်ခွာခွင့် ရရှိမှာဖြစ်ပါတယ်။
ပြည်ပ ထွက်ခွာခွင့်ပြုသည့် အလုပ်သမားများစာရင်းကို ရန်ကုန်နှင့် မန္တလေး အပြည်ပြည်ဆိုင်ရာ လေဆိပ်ဆီ အလုပ်သမားဝန်ကြီးဌာနက ပေးပိုမှာ ဖြစ်ပြီး ပေးပိုထားတဲ့ ခွင့်ပြုချက်စာရင်းမှာ မပါဝင်သူတွေကတော့ ထွက်ခွာခွင့် ရရှိမှာ မဟုတ်ဘူးလို သိရပါတယ်။
ပြီးခဲ့တဲ့ ဇန်နဝါရီ ၃၁ ရက်မှာ စစ်ကောင်စီရဲ့ အလုပ်သမားဝန်ကြီးဌာန၊ ဝန်ကြီးအဖြစ် ထိုင်းနိုင်ငံဆိုင်ရာ မြန်မာသံအမတ်ကြီး ဦးချစ်ဆွေကို ပြောင်းလဲခန့်အပ်ပြီးနောက် OWIC ကဒ်ပြုလုပ်ခွင့် ပိတ်ပင်တာ၊ ဗီဇာ စည်းမျဉ်းစည်းကမ်းတွေ တင်းကျပ်တာ၊ ထိုင်းနိုင်ငံက ရွှေ့ပြောင်းလုပ်သမားများအပေါ် မူဝါတွေအပြောင်းလဲ ဖြစ်လားပြီး မြန်မာအလုပ်သမားအများအပြား ဖမ်းဆီးခံရတာ အပါအဝင် စာချုပ်သက်တမ်းပြည့်ပါက စစ်မှုထမ်းဖို စာချုပ် ချုပ်ဆိုတာတွေပါ ဆက်တိုက်ပြုလုပ်လာတာ ဖြစ်ပါတယ်။
Photo- YIA

Related posts

Cover
ပြည်ပရောက်အလုပ်သမားရဲ့ မိသားစုထံလွှဲပို့ငွေအတွက် အေဂျင်စီတွေကို နေပြည်တော်ခေါ်ယူစိစစ်မည်
Aug 21, 2025
Cover
အထောက်အထားမဲ့ နယ်စပ်ဖြတ်ကျော်လာသည့် မြန်မာနိုင်ငံသား ၅၀ ကျော် အဖမ်းခံရ
Aug 21, 2025
Cover
အလုပ်ပြောင်း၊ သူဌေးပြောင်း မည့် လုပ်သားများ အလုပ်ပြောင်းစာ ဘိုင်ကျန့်အော် ထုတ်စရာမလိုတော့ဟု ထိုင်းအလုပ်သမားဝန်ကြီးဌာနထုတ်ပြန်
Aug 21, 2025
Cover
အထောက်ထားမပြည့်စုံတဲ့ ရွှေ့ပြောင်းလုပ်သားတွေကို ထိုင်းအစိုးရက ဘတ်အသစ်ရိုက်ပေးပြီး အလုပ်လုပ်ခွင့်ပြု
Aug 20, 2025
Cover
ရွှေ့ပြောင်းလုပ်သားတွေ ရွေးကောက်ပွဲမှာမဲပေးနိုင်ဖို့ စစ်ကော်မရှင်ကြိုးပမ်းနေ
Aug 20, 2025
Cover
ငလျင်ကြောင့် အဆောက်ဦးပြိုကျမှုမှ သေဆုံးတဲ့ မြန်မာလုပ်သား ၈ ဦးအတွက် နစ်နာကြေး ဘတ် ၈ သန်းပေး
Aug 20, 2025
Cover
မြန်မာ လုပ်သား ၄၀၀ ကျော် ကို သူဌေးက လစာမပေးလို့ စားဝတ်နေရေး အခက်ခဲဖြစ်နေ
Aug 19, 2025
Cover
EPS လုပ်သားများ ခွင့်ဖြင့် ပြန်လာပါက POEA ရုံးကို လူကိုယ်တိုင် သတင်းပို့ရမည်ဟုဆို
Aug 19, 2025