NEWS

Pepsi အချိုရည် စက်ရုံ CEO နှင့် HR မန်နေဂျာအား အလုပ်သမားကတရားစွဲဆိုထားမှုစတင်ကြားနာ

CoverLogo
417 Views

မှော်ဘီမြို့နယ်ရှိ Pepsiအချိုရည်စက်ရုံတာဝန်ရှိသူတွေကို အလုပ်သမားက တရားစွဲဆိုထားမှုကို နိုဝင်ဘာ၁၄ရက်နေ့မှာ နှစ်ဖက်စစ်ဆေးမေးမြန်းမှုတွေပြုလုပ်ခဲ့တယ်လို့  အဲဒီအလုပ်သမားအရေးကူညီနေတဲ့ သွေးစည်းညီညွတ်သောသမဂ္ဂများအဖွဲ့ချုပ်(STUM)ထံက သိရပါတယ်။
 
"လုပ်ငန်းရှင်နှင့် HR ကို တရားစွဲဆို ထားသောအမှူ ကို  နှစ်ဖက် ကန့်ကွက်လွှာ,အဖြေလွှာ နှင့်အမိန့်များ ချမှတ်တာတွေရှိတယ်။ ဒါကတရားမမှုရဲ့ထုံးစံအရ မေးခွန်းမေးတယ် အဲ့ဒီမေးတဲ့အပေါ်တရားသူကြီး လက်ခံလက်မခံအမိန့်ချတယ်ပေါ့။ အဲ့လိုပဲသူ့ဘက်ကလည်းကန့်ကွက်တယ်ပေါ့ဒါကိုလည်းရှေ့ရုံးချိန်းမှာ တရားသူကြီးကအမိန့်ချဖို့ရှိတယ်"လို့ အလုပ်သမားကိုကူညီဆောင်ရွက်ပေးနေသူကဆိုပါတယ်။ 

နိုဝင်ဘာ ၁၅ရက်နေ့ရုံးချိန်းဟာ ၁၀ ကြိမ်မြောက်ရုံးချိန်းဖြစ်ပြီးလာမဲ့ ၁၁ကြိမ် မြောက် ရုံးချိန်းကိုလည်း ရှေ့လတစ်ရက်နေ့သို့ပြန်လည်ချိန်းဆိုထားကာ အဲ့ဒီနေ့မှာ တရားပြိုင်မှ ကန့်ကွက် လွှာ အတွက်အမိန့် တရပ်ချမှတ် ရန်ဖြစ်တယ်လို့လည်း သိရပါတယ်။

အလုပ်သမားရဲ့တရားစွဲဆိုမှုကိုဇူလိုင်၂၈ရက်က တတိယ မြောက် ရုံးချိန်းအဖြစ် အလုပ်ရှင် အလုပ်သမား ၂ ဘက်ကို ခရိုင်တရားသူကြီးကလက်ခံစစ်မေးခဲ့ရာ လုပ်ငန်းရှင်က CEO နဲ့ HR ကိုယ်စား HR ကို တရားဝင် ကိုယ်စားလှယ် လွှဲအပ်ခဲ့ပြီး တရားမ စေ့စပ်ညှိနှိုင်းရေးလုပ်ထုံးလုပ်နည်းအရ တိုင်းတရားရုံး၌ နှစ်ဘက်ညှိနှိုင်းခဲ့တာပဲဖြစ်ပါတယ်။ 

တရားစွဲဆိုမှူပြုလုပ်ခဲ့တဲ့ နစ်နာသူအလုပ်သမားဦးသောင်းဟန်ဟာ  ၂၀၂၂ခုနှစ် အောက်တိုဘာလ၃၁ရက်က အလုပ်ခန့်ထားမှုဆိုင် ရာ သဘောတူစာချုပ်နှင့်မညီဘဲ အသက်အရွယ်ကြီးရင့်မှုကြောင့်  အလုပ်ထုတ်ခံခဲ့ရတာဖြစ်လို့ မှော်ဘီ ခရိုင် တရားရုံးတွင် တရားမ နစ်နာကြေး ကျပ်သိန်း ၁၀,၀၄၀,၀၀၀ ရလိုမှုနဲ့  တရားစွဲဆိုခဲ့တာဖြစ်ပါတယ်။ 

အလုပ်ထုတ်ခံရသူဦးသောင်းဟန်က  ၂၀၂၂ရက် နို၀င်ဘာလက အလညသို့တိုင်ကြားခဲ့ရာ   မြို့နယ်ညှိနှိုင်းဖြန်ဖြေရေးသို့ လွှဲပြောင်းခဲ့လို့ ညှိဖျန်မှာ၃ကြိမ်ညှိနှိုင်းခဲ့ပြီး ခုံကောင်စီရဲ့ဆုံးဖြတ်ချက်ကိုခံယူခဲ့ပေမဲ့ အလညသို့ပြန်လည်လွှဲပြောင်းခဲ့တာကြောင့်  အလညနှင့်တိုင်းရုံးတို့ ပေါင်းစပ်ညှိနှိုင်းမှု၃ကြိမ်ထပ်မံညှိနှိုင်းဖြေရှင်းခဲ့ရာ  ပြေလည်မှုမရှိခဲ့ဘဲ   ဦးစီးမှုးကနစ်နာသူကတရားစွဲဆိုရန် အမိန့်ညွှန်ကြားချက်ထုတ်ပေးဖို့ နစ်နာသူအလုပ်သမားက အကြိမ်ကြိမ်တောင်းဆိုခဲ့တာကြောင့် ၂၀၂၃ခုနှစ် မတ်လလယ်ရောက်မှသာ အလုပ်သမားကတရားစွဲစေဖို့ ညွှန်ကြားခဲ့တာဖြစ်တယ်လို့ သိရပါတယ်။  

အဆိုပါအလုပ်သမားဟာ  ပက်စီအချိုရည်စက်ရုံမှာ လုပ်သက် အနှစ်၂၀ အထိလုပ်ကိုင်ခဲ့ရာမှ  ၂၀၂၂ခုနှစ် ၁၀ လပိုင်း ၃၁ရက်က အလုပ်ခန့်ထားမှုဆိုင်ရာ သဘောတူစာချုပ်နှင့်မညီဘဲ အလုပ်ထုတ်ခံခဲ့ရတာဖြစ်ပြီး  လုပ်သက်အရ အလုပ်ထုတ်နစ်နာကြေးကျပ်သိန်း၅၀ကျော်ရရှိရမှာဖြစ်တယ်လို့လည်း သိရပါတယ်။

#MyanmarLabourNews


Related posts

Cover
စိုက်ပျိုးရေးလုပ်သားရှားပါးတာကြောင့် ယခင်နှစ်ထက်လုပ်ခသုံးဆခန့်တိုးပေးခေါ်ယူနေရ
Jun 14, 2024
Cover
ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်
Jun 14, 2024
Cover
ကုန်ဈေးနှုန်းမြင့်တက်မှုတွေကြောင့် လုပ်ခလစာတိုးပေးတဲ့ ကုမ္ပဏီလုပ်ငန်းရှင်အချို့ကို စစ်ကောင်စီက ပုဒ်မ ၅၀၅ ဖြင့်ဖမ်းဆီးစစ်ဆေး
Jun 12, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
ILO ညီလာခံတွင် ဆွေးနွေးနေသည့် အမျိူးသမီးခေါင်းဆောင်(၂)ဦးအား ထောက်ခံသည့် ကမ်းပိန်းပြုလုပ်
Jun 12, 2024
Cover
Made စီမံချက်အား MICS အလုပ်သမားအဖွဲ့ချုပ် ပူးပေါင်းဆောင်ရွက်မှုမရှိကြောင်း ထပ်မံထုတ်ပြန်
Jun 12, 2024
Cover
အတင်းအကျပ် အချိန်ပိုခေါ်ယူမှုများ ဖြစ်ပေါ်နေပြီး၊ လုပ်သားတဦး နာရီ ၁၂၀ အထိ အချိန်ပို လုပ်ကိုင်နေရ
Jun 12, 2024
Cover
အထည်စံချိန်ကို ချုပ်လုပ်နိုင်တာထက်ပိုမိုသတ်မှတ်တောင်းခံပြီး မပြည့်ပါက အချိန်ပိုကြေးမပေးဘဲ ခိုင်းစေ
Jun 11, 2024