နိုင်ငံတကာ ကုန်အမှတ်တံဆိပ်( Brand)တွေ့ရဲ့ အလုပ်သမားအခွင့်အရေးချိုးဖောက်မှုတွေအပေါ် တာ၀န်ယူမှုတာ၀န်ခံမှုအပြည့်ရှိလာစေရန် အတွက် Pay your Worker ကမ်ပိန်းကို ယနေ့အောက်တိုဘာ ၂၅ရက်နေ့က ဒုတိယနေ့ဆက်လက်ပြုလုပ်ခဲ့ပြီး အဆိုပါလှုပ်ရှားမှုကို ၆ရက်ဆက်တိုက်ဆောင်ရွက်သွားမှာဖြစ်တယ်လို့ သိရပါတယ်။
"ကျွန်တော်တို့ဒါနဲ့ပတ်သက်ပြီးတော့ adidas ချုပ်တဲ့ ဘရန်းချုပ်တဲ့စက်ရုံတွေမှာ အခွင့်အရေးချိူးဖောက်တာတွေရှိနေတဲ့အတွက် ကမ်ပိန်းလုပ်တာပါ။ ရုံးကနေကမ်ပိန်းလုပ်တယ် ဒီမနက် စက်ရုံတွေသွားပြီး စက်ရုံမှာလည်းကမ်ပိန်းလုပ်ခဲ့တယ်။ အလုပ်သမားတွေအားလုံးအများကြီးပါ၀င်တဲ့ကမ်ပိန်းမျိုးတော့မလုပ်သေးဘူး။ ခုလောလောဆယ် ဒီ၆ရက်မှာ ဒီပိုစတာလေးတွေကမ်းမယ် ဓတ်ပုံရိုက်မယ်။ ဒါနဲ့ပတ်သက်ပြီး အခြားအဖွဲ့အစည်းတွေနဲ့လည်းချိတ်ဆက်ဆောင်ရွက်ပြီး ဆွေးနွေးနေတာတွေလည်းရှိပါတယ်"လို့ အဆိုပါကမ်ပိန်းလှုပ်ရှားသူတစ်ဦးက ဆိုပါတယ်။
အဆိုပါကမ်ပိန်းကို အရှေ့တောင်အာရှနိုင်ငံများနှင့် ပူးပေါင်းဆောင်ရွက်သွားမှာဖြစ်ပြီး လက်ရှိမှာတော့ စက်မှုဇုန်တွေ မြေပြင်တွေမှာ လူအများကြီးနဲ့လုပ်ရမှာဖြစ်ပေမဲ့လည်း လက်ရှိအခြေအနေတွေအရ အွန်လိုင်းကနေအဓိကထားလုပ်ဆောင်ရတာဖြစ်ပြီး အချို့သောနေရာတွေမှာလည်း မြေပြင်မှာလည်းချပြလုပ်ဆောင်နေပြီလို့လည်းသိရပါတယ်။
အဆိုပါ Pay your Worker ကမ်ပန်းကို ပြုလုပ်ရခြင်းမှာလည်း Brand တွေရဲ့ လုပ်သမားအခွင့်အရေးချိုးဖောက်ခံရတွေအပေါ် တာဝန်ယူမှု တာဝန်ခံမှုအပြည့်ရှိလာစေရန်၊ Brand ရဲ့ တာဝန်ယူရမည့်အပိုင်းကို ပေါ်လွင်လာစေရန်နဲ့ အလုပ်သမားတွေအနေနဲ့လည်း မိမိတို့အခွင့်အရေးအပေါ် သိရှိလာစေရန်အတွက် ဆောင်ရွက်ခြင်းဖြစ်ပြီး စက်ရုံများနဲ့ အချို့သောနေရာတွေမှာ ကမ်ပိန်းစတေကာဖြန့်ခြင်း၊ ပုံရိုက်ခြင်းဖြင့်သာလုပ်ဆောင်နေရကာ ပြည်ပအဖွဲ့အစည်းများက ဦးဆောင်ပြီး ဆောင်ရွက်မှာဖြစ်ပြီး မြန်မာနိိုင်ငံရဲ့ ပူးပေါင်းပါဝင်မှုကဘယ်လောက်အထိ ဘယ်အတိုင်းတာထိ ပါဝင်နိုင်မလဲဆိုတာပါချိန်ဆပီး လုပ်နေရခြင်းဖြစ်တယ်လို့လည်း သိရပါတယ်။
အဆိုပါကမ်ပိန်းကို online သီးသန့်တစ်ခုသာမကဘဲ မြေပြင်အနေအထားဖြင့်ပါ ဆောင်ရွက်သွားရန်အတွက် နိုင်ငံတကာက သက်ဆိုင်ရာနိုင်ငံကအဖွဲ့အစည်းတွေ ဖြစ်တဲ့ Clean Clothes Campaign(CCC)နဲ့ ပြီးခဲ့တဲ့ဇူလိုင်လကစပြီး ဆွေးနွေးမှုတွေပြုလုပ်ခဲ့တာဖြစ်ပြီး အဆိုပါလှုပ်ရှားမှုကို CCC ရဲ့ လူမှု့ကွန်ယက် စာမျက်နှာနဲ့ သက်ဆိုင်ရာ နိုင်ငံတကာအဖွဲ့အစည်းတွေရဲ့ စာမျက်နှာတွေ ကနေလုပ်မဲ့အပြင် နိုင်ငံတကာတွေက Brand တွေရဲ့ရှေ့မှာ ကမ်ပိန်းလုပ်ဖို့တွေအပြင် public မှာ ချပြဆောင်ရွက်သည်အထိ ဆောင်ရွက်မယ်လို့ သိရပါတယ်။
MyanmarLabourNews
PayyourWorker
