အလုပ်သမားအခွင့်အရေးချိုးဖောက်ခံရမှုများကြောင့် လုပ်ငန်းလုပ်ဆောင်နေတဲ့ Brand တွေကနေအလုပ်သမားတွေအပေါ် တာဝန်ယူမှု တာဝန်ခံမှုအပြည့်ရှိလာစေရန် Pay your Worker ကမ်ပိန်းကို အရှေ့တောင်အာရှနိုင်ငံများနှင့် ပူးပေါင်းဆောင်ရွက်ရန် စတင်စီစဥ်နေပြီလို့ အဆိုပါကမ်ပိန်းဆောင်ရွက်နေတဲ့ STUM တာဝန်ရှိသူ ကပြောပါတယ်။
''ပြည်တွင်းထဲမှာတော့လုပ်လို့ရချင်မှရမယ် ကမ်ပိန်းအတွက်ဓာတ်ပုံရိုက်တဲ့နေရာ ကိုတောင်မှ ရဲကလာတားထားတာရှိတယ်ဆိုတော့ international ပေါ့နော် နိုင်ငံတကာက ကျွန်မတို့ချိတ်ဆက်ထားတဲ့ CCC ရဲ့page တို့ သက်ဆိုင်ရာ နိုင်ငံတကာအဖွဲ့အစည်းတွေရဲ့ Page တို့ကနေလုပ်မယ်။ CCC နဲ့တိုင်ပင်ပြီးတဲ့နောက်မှာ သူတို့ရဲ့ Brand ရှေ့မှာ ကမ်ပိန်းလုပ်ဖို့တို့ သူတို့နိုင်ငံမှာ ကမ်ပိန်းလုပ်ဖို့တို့ပါ အဓိကက CCC ကနေဦးဆောင်ပီးလုပ်ဖို့ online ကနေ သွားမှာပါ။ Public ကမ်ပိန်းလုပ်ဖို့ကို ခုဆွေးနွေးနေပါတယ်''လို့ ဆိုပါတယ်။
အဆိုပါကမ်ပိန်းကို နိုင်ငံတကာက သက်ဆိုင်ရာအဖွဲ့အစည်းတွေနဲ့ချိတ်ဆက်ပီးသွားမှာဖြစ်ပြီး Public ကမ်ပိန်းအဖြစ် ၎င်းတို့ကဦးဆောင်ပီးလုပ်မှာမဟုတ်ဘူးလို့လည်း သိရပါတယ်။
ဒီအတွက် ကမ်ပိန်းကိုဦးဆောင်ရွက်မဲ့ သက်ဆိုင်ရာနိုင်ငံကအဖွဲ့အစည်းတွေ ဖြစ်တဲ့ CCC Clean Clothes Campaign နဲ့လည်း စတင်ဆွေးနွေးနေပြီဖြစ်တယ်လို့သိရပါတယ်။
အဆိုပါကမ်ပိန်းလှုပ်ရှားမှုကြောင့် Brand ကနေအလုပ်သမားတွေအပေါ် တာဝန်ယူမှု တာဝန်ခံမှုအပြည့်ရှိလာစေရန်နဲ့Brand ရဲ့ တာဝန်ယူရမည့်အပိုင်းကို ပေါ်လွင်လာစေရန် ဆောင်ရွက်တယ်လို့လည်းဆိုပါတယ်။
