NEWS

OWIC ကတ် အခက်အခဲများ ဆွေးနွေးအကြံပေးမှုများ ရယူနိုင်

CoverLogo
146 Views
 
ဧပြီ ၆ ၊ ၂၀၂၅
ဂျပန်နိုင်ငံက ကုမ္ပဏီတွေမှာ အလုပ် လုပ်ကိုင်ဖို့ ပြင်ဆင်နေသူတွေနဲ့ လေ့ကျင့်ရေး သင်တန်းသားအဖြစ် သွားရောက်ဖို့ စီစဉ်နေသူတွေအနေနဲ့ OWIC ကတ်ထုတ်ပေးတာ ရပ်နားတာကြောင့် အခက်အခဲတွေ ဖြစ်ပေါ်နေရင် ဆွေးနွေးအကြံပေးတာတွေ ရယူနိုင်တယ်လို့ မြန်မာနိုင်ငံဆိုင်ရာ ဂျပန်သံရုံးက ဧပြီလ ၄ ရက်မှာ ထုတ်ပြန်ပါတယ်။
ဆွေးနွေးအကြံပေးတာတွေကို မြန်မာနိုင်ငံဆိုင်ရာ ဂျပန်သံရုံးက ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA)၊ မြန်မာ-ဂျပန်စင်တာ (MJC)တို့နဲ့ ပူးပေါင်းပြီး လုပ်တောင်တာဖြစ်ပါတယ်။ ဆွေးနွေး အကြံပေး စင်တာကို ဧပြီလ ၇ ရက်မှာ စတင်ဖွင့်လှစ်မှာဖြစ်ပြီး ကာလအကန့်အသတ်နဲ့ ဖွင့်လှစ်မှာဖြစ်တယ်လို့ ထုတ်ပြန် ထား ပါတယ်။
"လမ်းပျောက်နေတာလေ။ဘာဖြစ်ဖြစ်ဒီလိုအဖွဲ့အစည်းေတွကဆွေးနွေးပေးတာ ဆိုတော့ အကျိုးရှိမှာပါ"လို့ ဂျပန်နိုင်ငံဆီ သွားရောက်လုပ်ကိုင်ဖို့ ကြိုးပမ်းနေသူတစ်ဦးက ပြောပါတယ်။
ဆွေးနွေးအကြံပေးရေးစင်တာမှာ အလုပ်သမားစေလွှတ်ရေးအေဂျင်စီ၊ ပညာသင်ကြားရေး၊ စိတ်ပိုင်းဆိုင်ရာ စောင့်ရှောက်ရေး၊ ဥပဒေရေးရာအစရှိတဲ့ ကဏ္ဍတွေအတွက် ကျွမ်းကျင်ပညာရှင်တွေက ဆွေးနွေးတိုင်ပင်ပေးမှာ ဖြစ်ပါတယ်။
"ပထမအကြိမ်ကိုတော့ စင်တာရှိတဲ့ MJCကို အတက်နိုင်ဆုံး ကိုယ်တိုင်လာရောက် ဆွေးနွေး စေလိုပါတယ်။ ကိုယ်တိုင်လာရောက်ဖို့ အခက်အခဲရှိရင် အွန်လိုင်းနဲ့ ဆက်သွယ် ဆွေးနွေးပေးမှာ ဖြစ်ပါတယ်"လို့ ထုတ်ပြန်ချက်မှာ ဖော်ပြထားပါတယ်။
စင်တာဖွင့်လှစ်မည့်ကာလမှာ ၂၀၂၅ ခုနှစ် ဧပြီလ ၇ ရက် (တနင်္လာနေ့) ကနေ ဇွန်လ ၆ ရက် (သောကြာနေ့) အထိဖြစ်ပြီး သင်္ကြန်ကာလ ဧပြီလ ၁၄ ရက် (တနင်္လာနေ့) ကနေ ဧပြီလ ၂၁ ရက် (တနင်္လာနေ့) အထိ ကို ပိတ်ထားမည်ဖြစ်ပါတယ် ။
စင်တာဖွင့်ချိန် နေ့စဉ် မနက် ၉ နာရီကနေ ညနေ ၅ နာရီအထိ ဖြစ်ပြီး ဖော်ပြထားတဲ့ လင့်မှာ https://ee.kobotoolbox.org/vqupCdxP မှာ ကြိုတင်စာရင်းသွင်းနိုင်တယ်လို့လည်း ထုတ်ပြန်ထားပါတယ်။

Related posts

Cover
AAC-ဂေဟာ အပြီးပိတ်သိမ်းပြီး မသန်စွမ်း မြန်မာအလုပ်သမားများအား ချက်ချင်း ပြောင်းရွှေ့ခိုင်း
Apr 22, 2025
Cover
ကျန့်အော်အတု ထုတ်ပေးပြီး မြန်မာအလုပ်သမား ၁၇ ဦး ကို ပွဲစားမှဘတ် ၆သောင်းကျော် လိမ်လည်သွား
Apr 22, 2025
Cover
ပြည်ပထွက်ရန် စာချုပ် ချုပ်ထားပြီးသည့် အသက် ၁၈မှ ၃၅ နှစ် အတွင်း အမျိုးသားများကို ပါ ပြည်ပထွက်ခွင့် မပေးဟုဆို
Apr 22, 2025
Cover
လိုင်စင်ရအေဂျင်စီ အချို့ တရားမဝင် လုပ်သားစေလွှတ်မှုများလာ
Apr 22, 2025
Cover
PJ Workers Must Apply for Departure Permission 5 Days in Advance Starting Today
Apr 20, 2025
Cover
အထောက်အထားမရှိဘဲ အလုပ်လုပ်တဲ့ မြန်မာ ၇ ဦး ဖမ်းဆီးခံရ
Apr 20, 2025
Cover
CI ရုံးတွေ  မကြာခင်ဖွင့်လှစ်တော့မယ်လို့ ထိုင်းအလုပ်သမားဝန်ကြီးဌာန ထုတ်ပြန်
Apr 19, 2025
Cover
အွန်လိုင်းမှ ထိုင်းဘာသာစကားသင်ကြားပေးသော မြန်မာတစ်ဦးကို ထိုင်းရဲဖမ်းဆီး
Apr 19, 2025