အရှေ့ဒဂုံစက်မှုဇုန်က NKM အထည်ချုပ်စက်ရုံမန်နေဂျာ အမျိုးသမီးဟာ အလုပ်သမားအမျိုးသမီးတွေ အပေါ် ရိုင်းဆိုင်းပြောဆိုတဲ့အပြင် ဆဲဆိုတာတွေပါ ပြုလုပ်လို့ အရှက်ရနေရတယ် အမျိုးသမီးအလုပ်သမားတွေက ပြောပါတယ်။ NKM အထည်ချုပ်စက်ရုံဟာ ဖွင့်လှစ်တာ လပိုင်းပဲ ရှိသေးပြီး စက်ရုံကိုတော့ တရုတ််နိုင်ငံသားတဦး ပိုင်ဆိုင်တယ်လို့ အလုပ်သမားတွေက ပြောပါတယ်။
“စက်ရုံကို တရုတ်အမျိုးသမီးတဦး ပိုင်တယ်။ ရိုင်းရိုင်းဆိုင်းဆိုင်း ပြောတယ်၊ ဆဲတယ် ဆိုတဲ့ အမျိုးသမီးက စက်ရုံ မန်နေဂျာ မြန်မာအမျိုးသမီးပါ ။” လို့ အလုပ်သမားတွေက ပြောပါတယ်။
ဒီအထည်ချုပ်စက်ရုံက ဖွင့်လှစ်ထားတာမကြာသေးဘဲ လုပ်သားအင်အား ၂၀၀ ဝန်းကျင် နဲ့ လုပ်ကိုင်နေတယ်လို့ ဆက်ပြောပါတယ်။ စက်ရုံသမဂ္ဂ ဖွဲ့စည်းထားတာမရှိသလို လုပ်ငန်းခွင်ညှိနှိုင်းဖြေရှင်းရေး WCC ကိုလည်း ဖွဲ့စည်း ထားတာ မရှိဘူးလို့ အလုပ်သမားတွေက ပြောပါတယ်။ စက်ရုံမှာ ကိုယ်ပိုင် အမှတ်တံဆိပ်ချုပ် လုပ်တာမရှိဘဲ တခြားစက်ရုံတွေကနေ အထည်ယူ ချုပ်နေတယ်လို့ သိရပါတယ်။
“ အလုပ်သမားတွေ ရေသောက်တာတို၊ အပေါ့အပါးသွားတာတို့ဆို့ရင် နင်တို့ ယားတားယားတားနဲ့ ဘာလို့ သွားနေတာလဲ ဆိုပြီး ရိုင်းရိုင်းဆိုင်းဆိုင်းတွေပြောတယ်။ နင်က ဘာေ-ာက်ဆင့်ရှိလို့လဲဆိုပြီးလဲ ဆဲတယ်။ တကယ်ဆို သူလည်း ဝန်ထမ်းပဲ။ အလုပ်သမားတွေအပေါ် သေချာကို ဖိနှိပ် နှိမ်ချတာပါ ။ “ လို့ အလုပ်သမားတွေက ပြောပါတယ်။
အဲဒီ အမျိုးသမီးက အသက် ၄၀ ကျော်အရွယ်ဖြစ်ပြီး စက်ရုံတခုလုံး ချုပ်ကိုင်ထားတာကြောင့် ဆဲဆို ရိုင်းဆိုင်း ပြောဆိုမှုတွေကို အလုပ်သမားတွေက တိုင်ကြားခွင့် မရဘူးလို့လည်း ပြောပါတယ်။ အဲလို ဆက်ဆံခံရတာ တွေကြောင့် စိတ်ပိုင်း ရုပ်ပိုင်း ထိခိုက်ခံစားရတယ်လို့လည်း အလုပ်သမားတွေက ပြောပါတယ်။
“ ရိုင်းရိုင်းဆိုင်းဆိုင်းဆဲတာကလည်း စက်ရုံအလုပ်သမားတွေရှေ့မှာပဲ ပြောခံရတာ။ အဲလို နေ့ဆို ထမင်းစားချင် စိတ်တောင် မရှိတော့ဘူး။ အလုပ်လည်း မလုပ်ချင်တော့ဘူး အဲလိုကို ခံစားရတယ်” လို့ အလုပ်သမားတွေက ပြောပါတယ်။
အလုပ်ထွက်ပါက ပိတ်ရက်အတွက် လုပ်ခလစာတွေကို ဖြတ်တောက်မယ်လို့ အဲဒီ မန်နေဂျာအမျိုးသမီးက ခြိမ်းခြောက်ထားတာကြောင့် အလုပ်သမားတွေမှာ နစ်နာမှုတွေ ဖြစ်ပေါ်နေတာလို့ ပြောပါတယ်။ ဒါ့အပြင် အလုပ်ဝင်ချိန် ၇ နာရီခွဲဖြစ်ပေမဲ့ ၅ မိနစ်အလိုမှာ လုပ်ငန်းခွင် ဝင်ခိုင်းတဲ့ အပြင် နေ့လည်စာ စားဖို့ နာရီဝတ် ခွင့်ပြုထားတာကိုလည်း ၅ မိနစ်အလိုမှာ လုပ်ငန်းခွင် ဝင်ခိုင်းတယ်လို့ အလုပ်သမားတွေက ပြောပါတယ်။
“အသည်းအသန် ထမင်းစားရတာပါ၊ လည်ချောင်းထဲမှာ တခါတလေ တစ်နေလို့ ရေတောင် မနည်းမြိုချရပါတယ်” လို့ အလုပ်သမားတဦးက ပြောပြပါတယ်။
စက်ရုံဘက်က ခွင့်မပေးဘဲ ရက်ပျက်ပါက ရက်မှန်ကြေး၊ ဒေးကြေး ၊ ကျွမ်းကျင်ကြေးတွေပါ ဖြတ်တောက် ခံရတဲ့ အပြင် ဂိတ်ပတ်စ်ယူပါကလည်း တရက်လုံး အတွက် လုပ်ခနဲ့ ရပိုင်ခွင့်တွေ အားလုံးဖြတ်တောက်ခံရတယ်လို့ ပြောပါတယ်။
“ရက်ပျက်ရင် အကုန်ဖြတ်တာ။ တရက်အတွက်ဆို ၅၀၀၀၀ ကနေ ၆၀၀၀၀ လောက်အထိ အဖြတ်ခံရတယ်။ အရေးကြီးလို့ ဂိတ်ပတ်စ်ကို နေ့တဝတ်ယူရင် တရက်စာဖြတ်တယ်။ နောက် ရက်မှန်ကြေး၊ ကျွမ်းကျင်ကြေးတွေပါ ဖြတ်တော့ ကျွမ်းကျင်အဆင့်ရထားတဲ့သူဆို ပိုနစ်နာတယ် ” လို့ ပြောပါတယ်။
Myanmar Labour News က ရရှိထားတဲ့ NKM Apparel Manufacturing Co.,Ltd အထည်ချုပ် စက်ရုံရဲ့ အချက်အလက်တွေထဲမှာ အလုပ်သမားတွေကို ဒေးကြေး ၆၈၀၀ အမြင့်ဆုံးပေးထားပြီး အနိမ့်ဆုံး ၆၀၀၀ ကျပ် လို့ စက်ရုံဘက်က သတ်မှတ်ထားပါတယ်။ ဒါ့အပြင်ကျွမ်းကျင်ကြေး အနေနဲ့ A+ ကို ကျပ် ၆၀၀၀၀ ကနေ C အဆင့် ကျပ် ၂၀၀၀၀ ဆိုပြီး သတ်မှတ်ထားတာကို တွေ့ရပါတယ်။
NKM Apparel Manufacturing Co.,Ltd အထည်ချုပ် စက်ရုံကတော့ အမှတ် ၁၄၉/A ၊ ကနောင်မင်းကြီးလမ်း၊ အရှေ့ဒဂုံမြို့နယ် ဦးထွန်းမြတ်မှတ်တိုင် အနီးမှာ ရှိတယ်လို့ Myanmar Labour News က သိထားပါတယ်။
NEWS
NKM စက်ရုံမန်နေဂျာ အမျိုးသမီး ရိုင်းဆိုင်း ဆဲဆို ခိုင်းစေလို့ အလုပ်သမားများ အရှက်ရ
135 Views
Related posts
PEPSI ကုမ္ပဏီကို ထပ်တိုးတရားစွဲရန်အမိန့်ချမှု ၉ရက်နေ့ပြန်လည်ချိန်းဆိုထား
May 08, 2024
လူငယ်တွေရဲ့အနာဂတ်ကို ရိုက်ချိုးလိုက်တဲ့ စစ်ကောင်စီရဲ့ ပြည်ပအလုပ်လုပ်ခွင့် အသက်ကန့်သတ်ပိတ်ပင်မှု
May 07, 2024
"ရုန်(လ်)သာအထည်ချုပ်စက်ရုံက အလုပ်သမားများကိုအချိန်ပို အတင်းအကျပ်ခေါ်ယူစေခိုင်း
May 07, 2024
မေဒေးအလွန်မှာ စက်ရုံအချို့ လုပ်အားခတိုးမြှင့်ပြီးလုပ်သားခေါ်ယူတာတွေရှိလာ
May 07, 2024
Myanmar Yong Jia Garment Color Correction(ကာလာကွဲဆေးခြယ်) လုပ်ငန်းက လုပ်ခလစာနဲ့နစ်နာကြေးပြန်လည်ပေးချေ
May 06, 2024
အထည်စံချိန်အလွန်အကျွံတောင်းခံချုပ်လုပ်ခိုင်း၊ အထည်စံချိန်မပြည့်ပါက ရေသောက်ခွင့်မပေး
May 06, 2024
အလုပ်လျှောက်ပါက ငွေကြေးတောင်းခံ၊ လုပ်ငန်းခွင်အတွင်းကိုယ်ထိလက်ရောက်ကျူးလွန်နေ
May 06, 2024
အမျိုးသားတွေပြည်ပကိုအလုပ်ထွက်လုပ်ခွင့်ပိတ်ပင်တာက တရားမဝင်ရွှေ့ပြောင်းသွားလာမှုတွေပိုမိုဖြစ်လာနိုင်တယ်လို့ဆို
May 03, 2024