New Fubon Co.,Ltd ပိုင်အထည်ချုပ်စက်ရုံက အလုပ်ပိတ်ရက် အချိန်ပို မဆင်းလို ဆိုပြီး အလုပ်သမားတွေကို ရရှိထားတဲ့ ဆုကြေး ၁၀ ရက်အတွက် ဖြတ်တောက်ခဲ့တယ်လို မြန်မာနိုင်ငံကုန်ထုတ်နှင့် စက်မှု လက်မှု အလုပ်သမားများ အဖွဲချုပ် (IWFM) ကို အလုပ်သမားတွေက ပြောကြားတယ်လို သိရပါတယ်။
“အဲ့ဒီ စက်ရုံမှာ အချိန်ပိုကို တစ်လလုံး ဆင်းခိုင်းထားတယ်။ အလုပ်သမားတွေ နားရက်မရ နဲ့ ၊ အိုတီချိန်တွေအများကြီး လုပ်နေကြရတယ်၊ ” လို IWFM တာဝန်ရှိသူက ပြောပါတယ်။
စက်ရုံဘက်က လုပ်ကိုင်ခိုင်းတဲ့ အချိန်ပိုတွေက ညနက်နဲ့ ညလုံးပေါက် လုပ်ကိုင်ပေးနေရတာဖြစ်ပြီး မဆင်းပါက လိုင်းခေါင်းဆောင် စူပါတွေက ဖိအားပေးပြောဆိုတယ်လို အလုပ်သမားတွေက ပြောပါတယ်။
“အိုတီတွေက ညလုံးပေါက် ဆင်းပေးနေတာ၊ အချိန်ပိုအိုတီမဆင်းတာနဲ့ စူပါက မဆင်းလို ခေါ် ပြောတယ်။ အချိန်ပို လက်မှတ် တွေလည်း အတင်းအကျပ် ထိုးခိုင်းတာ။ အလုပ်ပိက်ရက် အချိန်ပို မဆင်းတာနဲ့ ရထားပြီးသား ဆုကြေး ၁၀ ရက် အတွက် အဖြတ်ခံရတယ်။” လို ပြောပါတယ်။
စက်ရုံဘက်က အထည်စံချိန် တစ်ဖက်သတ် သတ်မှတ်တောင်းခံတာကြောင့် အထည် စံချိန်မပြည့်ပါက အချိန်ပို တွေကို နားရက်မရှိဆင်းပေးနေရတာလို ပြောပါတယ်။
“ စက်ရုံဘက်က တောင်းတဲ့ စံချိန်မရရင် အချိန်ပိုဆင်းခိုင်းတယ်။ ဒီကြားထဲ အောစူပါ၊စူပါ တွေက ဆဲတယ်၊ အများရှေ့မှာ အော်တယ်။ စံချိန်တွေ မတရားတောင်းလို ထမင်းစားချိန်မှာ ထမင်းမစားရဘဲ ချုပ်နေရတယ်။” လို အလုပ်သမားတဦးက Myanmar Labour News ကို ပြောပါတယ်။
စက်ချုပ်လုပ်သား ၂၀ ဝန်းကျင်ရှိ စက်လိုင်းတစ်လိုင်းကို အထည်စံချိန် တစ်နာရီ အထည် ၂၃၀ အထိ စက်ရုံဘက်ဘက် တောင်းခံတဘ်လို အလုပ်သမားတွေက ပြောပါတယ်။
လုပ်ငန်းခွင်အတွင် ၁၄၊၁၅၊၁၆နှစ်မရွယ် လူငယ်၊လူရွယ် အလုပ်သမားအများအပြားကို လူကြီးအလုပ်သမားတွေနဲ့ တန်းတူ အချိန်ပို ဆင်းခိုင်းတယ်လို အလုပ်သမားတွေက ပြောပါတယ်။
လုပ်ငန်းခွင်မှာ အလုပ်သမားတွေ အသုံးပြုနေတဲ့ အိမ်သာတွေမှာ ပျက်စီးနေသလို တခြားလိုအပ်ချက်တွေ အများအပြားရှိနေတယ်လို အလုပ်သမားတွေက ပြောပါတယ်။
“သောက်ရေသန့် ကို စက်ရုံဘက်က ထားမပေးဘူး။ ရေသန့်စက် ရေ သောက်ရတယ်။ ဆေးလည်း မလုံလောက်ဘူး။ အလုပ် လုပ်ရင်း မူးလဲလို ဆေးခန်းမှာ နားမရဘူး ၊ စက်ချုပ်နေရာမှာပဲ နားရတယ်။ ခွင့်လည်းမရဘူး၊ ဆေးခွင့်လည်းမပေးဘူး။ ပြီးရက်ပျက်ဆိုပြီး ဒေးကြေး၊ ရက်မှန်ကြေး၊ တခြားဟာတွေပါ ဖြတ်ခံရတယ်” လို အလုပ်သမားတွေက ပြောဆိုထားပါတယ်။
New Fubon Co.,Ltd စက်ရုံက တရုတ်နိုင်ငံသားပိုင် စက်ရုံ ဖြစ်ပြီး ရန်ကုန်မြို ၊လှိုင်သာယာမြိုနယ်၊ ရွှေလင်ဗန်း စက်မှုဇုန်၊ ပြင်စည်မင်းသားကြီးလမ်းမှာ ဖွင့်လှစ်ထားပါတယ်။ စက်ရုံမှာ အလုပ်သမား ၃၅၀ ကျော် လုပ်ကိုင်နေပြီး လက်ရှိ Plus တံဆိပ်အထည်တွေ ချုပ်လုပ်နေတယ်လို သိရပါတယ်။
