ရန်ကုန်တိုင်း ရွှေပြည်သာ စက်မှုဇုန် ၁ မှာရှိတဲ့ Myanmar Postarion အထည်ချုပ်လုပ်သားတွေ လုပ်လတိုးမြှင့်ရေးတောင်းဆိုမှုတွေပြုလုပ်နေပါတယ်။
လုပ်ငန်းခွင်မှာ အလုပ်သမား ၁၀၀၀ ၀န်းကျင်ရှိပေမယ့် ၅၀၀ ကျော်ကသာတောင်းဆိုမှုပြုလုပ်ရာမှာ ပါ၀င်တယ်လို့ သိရပါတယ်။
"အလုပ်ရှင် ငြိုညင်မှာ စူပါတွေညိုညင်မှာစိုးရိမ်ပြီး တောင်းဆိုမှုမှာ ကျန်နေ ဘေးထွက်နေတဲ့သူတွေရှိတယ်။ အလုပ်သမားတွေ စည်းစည်းလုံးလုံးနဲ့ပါ၀င်မှ အောင်မြင်မှာမို့ ပါ၀င်စေချင်တယ်" လို့ တောင်းဆိုမှုပြုလုပ်ရာမှာ ပါ၀င်သူတဦးကပြောပါတယ်။
တောင်းဆိုချက်မှာ ဒေးကြေး ၁၃၀၀၀၊ ရက်မှန်ကြေး ၆၀၀၀၀ ကျပ်၊ OT တနာရီ ၂၅၀၀ ပေးဖို့ တွေပါ၀င်ပါတယ်။
လက်ရှိမှာတော့ ဒေးကြေးတိုးပေးဖို့ အလုပ်သမား ၅၀၀ ကျော်က အလုပ်ရပ် တောင်းဆိုနေပြီး ညှိနှိုင်းတာမျိုးမရှိသေးဘူးလို့ သိရပါတယ်။
ကုန်စျေးနှုန်းနဲ့လူနေမှုစရိတ်မြင့်မားလာတာကြောင့်လက်ရှိ သတ်မှတ်ထားတဲ့ အနည်းဆုံးလုပ်ခလစာက စက်ရုံလုပ်သားတွေရဲ့ စားဝတ်နေရေး ဖူလုံမှုမရှိတော့လို့ အခြေခံလုပ်ခလစာ တိုးမြှင့်ရေးအတွက် တောင်းဆိုမှုတွေများလာပါတယ်။
