Myanmar Handsome အထည်ချုပ်စက်ရုံက EC စာချုပ် ချုပ်ဆိုပြီး စာချုပ်တစ်စုံ ပေးမထားလို့ အခွင့်အရေးတွေ နစ်နာနေရတယ်လို့ အလုပ်သမားတွေက ပြောပါတယ်။ စက်ရုံမှာ အလုပ်သမား ၂၀၀၀ ကျော်လုပ်ကိုင်နေပြီး EC စာချုပ်မှာပါဝင်တဲ့ အချက်အတွေကို မသိရဘူးလို့လည်း သိရပါတယ်။
“EC စာချုပ်သိမ်းထားတော့ မဖတ်ရတော့ဘူး၊ စာချုပ်စည်းကမ်းတွေနဲ့ ရပိုင့်ခွင့်တွေလည်း မသိရဘူး၊ အခွင့်ရေးတွေလည်း ဆုံးရှုံးရတယ်။ တစ်ချို့သော အလုပ်သမားတွေဆို EC စာချုပ်တောင်မရှိဘူး။ အလုပ်ထုပ်တော့ ဘာမှာအကာကွယ်မှ မသိရဘူး။” လို့ ပြောပါတယ်။
အလုပ်ရှင် ၊ အလုပ်သမား သဘောတူညီချက်EC စာချုပ်ကို Myanmar Handsome ရဲ့ မန်နေဂျာအပါအဝင် အလုပ်သမားအားလုံးကို ပေးဖတ်တာ မရှိဘူးလို့လည်း ပြောပါတယ်။ ဥပဒေအရ EC စာချုပ်က သက်ဆိုင်သူတွေအတွက် ၃ စုံထားရှိရမှာ ဖြစ်တယ်လို့ အလုပ်သမားဆောင်ရွက်သူတွေက ပြောပါတယ်။
“အလုပ်ရှင် ၊ အလုပ်သမား သဘောတူညီချက်စာချုပ်က ၁ အုပ်က အလုပ်သမားညွှန့်ကြားရေးမှုး ဦးစီးဌာန ( အ . လ . ည ) ကို ပေးရမယ်၊ အလုပ်ရှင်က ၁ အုပ် ၊ အလုပ်သမားက ၁ အုပ်၊ အဲလို့ ပေးထားရမယ်၊ ဥပဒေမှာ ရေးထားပါတယ်။” လို့ ပြောပါတယ်။
ဒါ့ပေမဲ Myanmar Handsome အထည်ချုပ်စက်ရုံကတော့ အလုပ်သမားကို EC ပေးမထားဘဲ စက်ရုံက သိမ်းဆည်းတဲ့ အပြင် စာချုပ်မှာ အလုပ်သမားတွေရဲ့ လက်မှတ်အတုထိုးထားတဲ့ စာချုပ်တွေလည်း ရှိတယ်လို့ အလုပ်သမားတွေက ပြောထားပါတယ်။
Myanmar Handsome အထည်ချုပ်က ရန်ကုန်မြို့၊ တောင်ဒဂုံမြို့နယ်၊ ရွာသာကြီးစက်မှုဇုန်၊ ဆရာစံလမ်းမှာ ရှိပြီး တရုတ်နိုင်ငံသားပိုင်စက်ရုံ ဖြစ်ပါတယ် ။ စက်ရုံမှာ လက်ရှိ LCW ၊ P@VV ၊ I@VV ၊ UNIFORM စတဲ့ တံဆိပ်အထည်တွေ ချုပ်လုပ်နေတယ်လို့ သိထားပါတယ်။
