Myanmar Belle International Co.Ltd ပိုင်အထည်ချုပ် စက်ရုံမှာ လုပ်ခလစာ တိုးမြှင့်ရေး တောင်းဆိုမှု ညှိနှိုင်းအဆင်ပြေပြီး ဦးဆောင် အလုပ်သမားတွေနဲ့ နီးစပ်သူတွေက ပြောပါတယ်။ တောင်းဆိုမှုတွေကို ဇန်နဝါရီလ၊ ၉ ရက်မှာ စတင်ခဲ့တာ ၁၁ ရက် ညနေပိုင်းမှာ ညှိနှိုင်းအဆင်ပြေခဲ့တာလို့ အလုပ်သမားတွေက ပြောပါတယ်။
“ လုပ်ခတိုးမြှင့်ပေးဖို့က အတိုင်းအတာ တခုအထိ အဆင်ပြေပါတယ်။ လက်ရှိအခြေအနေကို အလုပ်သမားတွေ နားလည်လို့ လက်ခံလိုက်တာမျိုးပါ ။ ဒီကုန်ဈေးနှုန်းနဲ့ ကိုက်ညီတယ်လို့တော့ မဟုတ်ဘူး” လို့ အလုပ်သမားအမျိုးသမီး တဦး က ပြောပါတယ်။
တောင်းဆိုမှုကြောင့် ဒေးကြေး ၉,၅၀၀ ကျပ်ကနေ ကျပ် ၁၁၀၀၀ ၊ အချိန်ပိုကြေး ၂၂၀၀ တိုးမြှင့်ရရှိခဲ့ပြီး ရက်မှန်ကြေး ကျပ်လေးသောင်းကို နှစ်ပိုင်းခွဲ ခံစားခွင့်ရခဲ့တာပါ။ အလုပ်သမားတွေ တောင်းဆိုမှု ၁၂ ချက် ထဲက ကျန်တဲ့ အချက်တွေကို အလုပ်သမားဦးစီးဌာနက အရာရှိတွေ လာရောက် ညှိနှိုင်းပေးမယ်ဆိုပြီး ပြောဆိုထားပါတယ်။
နှစ်ဖက် သဘောတူ စာချုပ်မှာတော့ ဥပဒေအရ တစ်နှစ်အတွင်း အလုပ်သမားတောင်းဆိုမှုတွေ မပြုလုပ်ရလို့ ဖော်ပြထားပေမဲ့ ဘာလို အကြောင်းအရကို တောင်းဆိုမှု မပြုလုပ်ရလို့ မပါရှိပါဘူး။
စက်ရုံကတော့ ရန်ကုန်မြို့၊ မြသရဖီလမ်း၊ မြစိမ်းရောင် စက်မှုဇုန်မှာ ဖွင့်လှစ်ထားပြီး တရုတ်နိုင်ငံသားပို င်ဆိုင်တယ်လို သိရပါတယ်။ လက်ရှိ Sinsay တံဆိပ် အထည်တွေကို အလုပ်သမား ၂၀၀ ဝန်းကျင်လုပ်ကိုင်နေပါတယ်။
