ထိုင်းနိုင်ငံကို MOU စနစ်နဲ့ လုပ်ကိုင်ဖို့ လာရောက်တဲ့ မြန်မာအလုပ်သမားတွေ ဒွန်မောင်းလေဆိပ်ကို ရောက်ရှိတဲ့အကြောင်း မှတ်တမ်း ဓါတ်ပုံကို ဗန်ကောက်မြို့က မြန်မာသံရုံးကို ပေးပိုဖို့ အကြောင်း ကြားထားတယ်လို့ မြန်မာနိုင်ငံ ပြည်ပအလုပ်အကိုင်ဝန်ဆောင်မှုလုပ်ငန်းရှင်များအသင်း(MOEAA)ဆီက သိရပါတယ်။
အဲဒီ မှတ်တမ်းဓါတ်ပုံကို ဗန်ကောက်မြို၊ အလုပ်သမား သံအရာရှိရုံးဆီ gmail နဲ့ ပေးပို တင်ပြရမှာဖြစ်ပြီး ဒီ အစီအစဉ်ကို ဆောင်ရွက််ဖို့ MOEAA အသင်းဆီ မေလ ၉ ရက်က အကြောင်းကြားထားတယ်လို့ သိရပါတယ်။
ဒွန်မောင်းလေဆိပ်ကို MOU အလုပ်သမားတွေရောက်ရှိတဲ့ အခြေအနေတွေကို အလုပ်သမားသံအရာရှိရုံး က နေပြည်တော်က အလုပ်သမား ညွှန်ကြားမှုဦးစီးဌာနဆီ နေ့စဉ်တင်ပြရတဲ့အတွက် မြန်မာအေဂျင်စီ တွေကို အခုလို လုပ်ဆောင်ဖို အကြောင်းကြားစာ ပေးပိုခဲ့တာလို သိရပါတယ်။
ဒါ့အပြင် အလုပ်သမားတွေရဲ့ရောက်ရှိတဲ့ အခြေအနေကို တင်ပြရာမှာ အလုပ်သမား သံအရာရှိ ရဲ့ ထိုင်းဖုန်းနံပါတ် Viber ဒါမှမဟုတ် Line App ကနေ ကနဦး တင်ပြရမယ်လိုလည်း ညွှန်ကြား ထားပါ တယ်။
"အခုက OWIC ကဒ် ရိုက်ခွင့် ချပေးတာ ကြန့်ကြာနေတော့ စေလွှတ်တွေလည်း မရှိပါဘူး။ ပို့စရာ မှ မရှိတာ။ ဘယ်လို အကြောင်းကြားမလဲ ။ အေဂျင်စီတွေ တင်ပြထားတဲ့ ကိစ္စတွေဆို အခုအထိ အကြောင်းမပြန်ဘူး။ စာချုပ်ချုပ်ပြီးတဲ့ အသက်၁၈-၃၅နှစ် အမျိုးသာတွေ စေလွှတ်ခွင့် ပေး၊ မပေးဆိုတာတော့ ဆို အခုအထိ မသိရဘူး။ ဌာနဘက်က တင်းကြပ်တဲ့ စာတွေ တစ်ခုပြီး တစ်ခု ထုတ်ပြန်နေတာ၊ တကယ် လိုအပ်တာကြ မလုပ်ဘူး။ မလိုအပ်တာတော့ ဦးစားပေး လုပ်နေတယ်""လို့ ထိုင်းနိုင်ငံကို လုပ်သားစေလွှတ်နေတဲ့ လိုင်စင်ရ အေဂျင်စီ တာဝန်ရှိသူတစ်ဦးက ပြောပါတယ်။
လက်ရှိ ပြည်ပကို လုပ်သားစေလွှတ်ရေး လုပ်ငန်းစဉ် မူဝါဒအပြောင်းအလဲ၊ ပြည်ပကို သွားရောက် အလုပ်လုပ်မယ့် အမျိုးသားလုပ်သားတွေရဲ့ အသက်ကန့်သက်ချက် တိုးမြှင့်တာ နဲ့ ပြည်ပအလုပ်အကိုင် အလုပ်သမား သက်သေခံလက်မှတ် OWIC ကဒ် ရိုက်ခွင့် ကြန့်ကြာနေတာတွေကြောင့် လိုင်စင်ရ အေဂျင်စီတွေ ပြည်ပလုပ်သားစေလွှတ် မရှိသလောက် နည်းပါးနေပါတယ်။
ဒါ့အပြင် အလုပ်ခေါ်စာ အသစ် တင်ပြမှုမှာလည်း လုပ်သားဦးရေ ကန့်သက်ထားတဲ့ အတွက် ပြည်ပအလုပ်အကိုင်အကျိုးဆောင်လိုင်စင်ရအေဂျင်စီတွေမှာ အလုပ်ခေါ်စာ အသစ် လက်ခံ ဖို ခက်ခဲ နေတယ်လို့ သိရပါတယ်။
Photo - ဗန်ကောက်သံရုံး
