ထိုင်းနိုင်ငံ နကော့ပုထုံမြို့ရှိ (ကြက်သားစက်ရုံ) မှာ အလုပ်လုပ်ရန် အတွက် ပြည်ပအလုပ်ကိုင်အကျိူးဆောင်လိုင်စင်ရ အေဂျင်စီနဲ့ ချိတ်ဆက် ပြီးလာခဲ့တဲ့ MOU အလုပ်သမား ၁၄ ဦးမှာ အလုပ်မရတဲ့ အတွက် ထိုင်းနိုင်ငံ အတွင်း နေထိုင်စားသောက်ရေး ခက်ခဲ မှု တွေနဲ့ ကြုံနေရတယ်လို့ ထိုင်းရောက်မြန်မာအလုပ်သမားအရေး ကူညီပေးနေတဲ့ WAG-အလုပ်သမား မဟာမိတ်အဖွဲ့ထံ မှ သိရပါတယ်။
၎င်း အလုပ်သမား ၁၄ဦးဟာ ထိုင်းနိုင်ငံ၊ နကော့ပုထုံခရိုင်၊ ကန်ချနပူလီမြို့သို့ရောက်ရှိနေသော မြန်မာ MOU အလုပ်သမားမြန်မာနိုင်ငံမှ ပြည့်ဖြိုးဈာန်(ဇံ) အေဂျင်စီဖြင့် ၂ နှစ်စာချုပ်ချုပ်ဆိုပြီး၂၀၂၄ ခုနှစ် နိုဝင်ဘာ ၁ ရက်နေ့မနက်ပိုင်းတွင် မြန်မာနိုင်ငံမှ လေယာဉ်ဖြင့်ထွက်ခွာလာပြီး ထိုင်းနိုင်ငံ၊ ဒွန်းမောင်းလေဆိပ်သို့ရောက်ရှိခဲ့ကြတယ်လို့ သိရပါတယ်။
ညနေ ဘက်မှာ ထိုင်းဖက်မှ အေဂျင်စီပွဲစား (Saw Bright Win)ဆိုသူမှ လာရောက်ခေါ်ဆိုသွားပြီး အလုပ်သမားများကို သွေးစစ်၊ ဝါ့ပါမစ်ကဒ်များ လုပ်ပေးကာ ညတွင်းချင်း ဆာလာပူလီမြို့သို့ခေါ်ဆောင်သွားကာ ဆာလာပူလီမြို့သို့ရောက်ရှိချိန် တွင် စာချုပ်ပါလုပ်ငန်းခွင်သို့ မခေါ်ဆောင်သွားဘဲ ဆာလာပူလီတွင် သာထားခဲ့တယ်လို့ အလုပ်သမားတွေက ဆိုပါတယ်။
မြန်မာအလုပ်သမား၁၄ဦးမှာ အလုပ်မဆင်းရဘဲ ကိုယ့်စားစရိတ်ဖြင့်နေခဲ့ရပြီး အခန်းခများလဲ ကိုယ့်ဘာသာကိုယ်ရှင်းခဲ့ရကာ ပို့ဆောင်ပေးတဲ့ အေဂျင်စီထံအလုပ်တောင်းဆိုရာတွင်လဲ ဖြေရှင်း မပေးဘူးလို့ သိရပါတယ်။
စားဝတ်နေရေး အခက်ခဲကြောင့် အလုပ်သမားတွေ အနေနဲ့ ကန်ချနဘူလီသို့သွားရောက် အလုပ်ရှာခဲ့ပေမယ့်လည်း ကျန်အော့မရှိတဲ့ အတွက် အလုပ်ရှာမရ ဖြစ်ကာ အခက်အခဲများကြုံတွေ့နေရတာကြောင့် WAG-အလုပ်သမားမဟာမိတ်အဖွဲ့ထံ အကူညီတောင်းခံခဲ့တယ်လို့ သိရပါတယ်။
အလုပ်သမားရဲ့ အကူညီတောင်းခံမှု ကို WAG-အလုပ်သမားမဟာမိတ်အဖွဲ့မှ ကူညီဆောင်ရွက်ပေးသွားမယ်လို့ ဆိုပါတယ်။
ထိုင်းနိုင်ငံ အတွင်း လိုင်စင်ရအေဂျင်စီက တစ်ဆင့် MOU နဲ့ လာရောက်တဲ့ မြန်မာအလုပ်သမားတွေ အလုပ်မရဘဲ စားဝတ်နေရေး အခက်ခဲ ကြုံရမှု ဟာ မကြာခဏ ဖြစ်ပေါ်နေပေမယ့် အလုပ်သမားဝန်ကြီးဌာနအပါအဝင် သက်ဆိုင်ရာ အာဏာပိုင်တွေက ထိရောက်စွာဖြေရှင်းဆောင်ရွက် အရေးယူမှု အလွန်နည်းနေတယ်လို့ သိရပါတယ်။
