NEWS

MOU U-turn အလုပ်သမား တွေကို လစာ၏၂၅ရာခိုင်နှုန်း မြန်မာပြည်ကို တရားဝင် ငွေလွှဲ ပေးပို့ထားသည့် အထောက်အထားပြနိုင်မှသာ စေလွှတ်ရေး လုပ်ငန်းစဉ်ဆောက်ရွက်ပေးမယ်လို့အလုပ်သမားဝန်ကြီးဌာန အကျပ်ကိုင်

CoverLogo
364 Views

ထိုင်းနိုင်ငံ ကို တကျော့ပြန်သွားရောက်အလုပ်လုပ်မယ့် MOU U-turn အလုပ်သမား တွေကို ယခင်အလုပ်လုပ်ခဲ့စဉ်က မြန်မာနိုင်ငံရှိ မိသားစုထံ ကို တရားဝင်ဘဏ်ကနေတစ်ဆင့် လုပ်ခလစာရဲ့ ၂၅ရာခိုင်နှုန်း လွှဲပြောင်းပေးပို့ထားတဲ့ အထောက်အထား ပြနိုင်မှသာ ထပ်မံ သွားရောက် အလုပ်လုပ်နိုင်ဖို့ အတွက် လုပ်ဆောင်ရမယ့် လုပ်ငန်းစဉ်တွေ ကို အလုပ်သမားဝန်ကြီးဌာနက လုပ်ဆောင်ပေးမယ်လို့ သိရပါတယ်။

၎င်းအကြောင်းရာနဲ့ပက်သက်ပြီး ဇူလိုင် ၃၀ရက်နေ့ က အလုပ်သမားဝန်ကြီးဌာနက အလုပ်သမားညွှန်ကြားမှုဦးစီးဌာန က မြန်မာနိုင်ငံပြည်ပအလုပ်အကိုင်ဝန်ဆောင်မှု လုပ်ငန်းရှင်များ အသင်း ကို  စာပို့ညွှန်ကြားထားတယ်လို့ သိရပါတယ်။

"ထိုင်းဘက်ကို MOU နဲ့ အလုပ်သွားလုပ်တဲ့သူတွေ လေးနှစ်ပြည့်လို့ မြန်မာနိုင်ငံဘက်မှာ စာချုပ်ပြန်ချုပ် ပြီး MOU လုပ်ငန်းစဉ် တွေ ပြန်လုပ်ကတဲ့ အလုပ်သမားတွေကို အခု ၈လပိုင်းကစပြီး တော့ လစာရဲ့၂၅ရာခိုင်နှုန်း လွှဲထားတဲ့ စာရွက်အထောက်ထားကို ဌာနကို တင်ပြနိုင်မှ အလုပ်သမားတွေရဲ့ စေလွှတ်ရေး လုပ်ငန်းစဉ်ကို လုပ်ပေးမယ်လို့
ညွှန်ကြားလာတာ အဲ့တော့ အလုပ်သမားတွေ အနေနဲ့ မလွှဲချင်လဲ လွှဲရမယ့် အနေထား ဖြစ်သွားတာပေါ့ ဒါမှ လည်း ထိုင်းဘက်ကို တရားဝင် ပြန်သွားလို့ရမှာဆိုတော့ ဟိုဘက်ရောက်သွားပြီဆိုတော့ လည်း အလုပ်သမားတွေရဲ့ သဘောပေါ့"" လို့ ထိုင်းနိုင်ငံကို လုပ်သားပို့ဆောင်ပေးနေတဲ့အေဂျင်စီ မှ တာဝန်ရှိသူတစ်ဦးကပြောပါတယ်။

ဩဂုတ်လ ၁ ရက်နေ့ကစပြီး  မြဝတီမြို့နှင့်ကော့သောင်းမြို့များရှိ MoU U-turn စခန်းများ မှာ  U-turn လုပ်ငန်း စဉ် နဲ့  မြန်မာအလုပ် သမားများ ထိုင်းနိုင်ငံကို  ပြန်လည်စေလွှတ်ရာမှာ  အခြေခံ လစာ ၃ လစာ (ခန့်မှန်းဘတ် ၂၄၀၀၀) ၏ ၂၅ ရာခိုင်နှုန်း (ဘတ် ၆၀၀၀) ကို မြန်မာနိုင်ငံရှိ မိသားစုဝင်များထံသို့ လည်း ကောင်း၊ မြန်မာနိုင်ငံရှိ အလုပ် သမားများ၏ ဘဏ်စာရင်းသို့လည်းကောင်း တရားဝင် လွှဲပြောင်းပေး ပို့တဲ့  အထောက် အထားပြသနိုင်မှသာ ထိုင်းနိုင်ငံသို့ စေလွှတ်ရေး လုပ်ငန်းစဉ်များကို ဆက်လက်ဆောင်ရွက်ပေးရမှာဖြစ်တယ်လို့ သိရပါတယ်။

ယင်းညွှန်ကြားချက်နဲ့ပက်သက်ပြီး ပြည်ပအလုပ်အကိုင် အကျိုးဆောင် (ထိုင်း) လိုင်စင်ရအေဂျင်စီ များအနေ နဲ့  သိရှိလိုက်နာဆောင်ရွက်နိုင်ရေးကို မြန်မာနိုင်ငံ ပြည်ပအလုပ်အကိုင်ဝန်ဆောင်မှု လုပ်ငန်းရှင်များ အသင်းက ကြီးကြပ်ဆာင်ရွက်သွားဖို့ကို လည်း အလုပ် သမားဝန်ကြီးဌာနက အကြောင်းကြားထားပါတယ်။
  


Related posts

Cover
ဖူးခက် လ၀က အချုပ်ခန်းတွင် မြန်မာအမျိုးသမီးတစ်ဦး ကြိုးဆွဲချသေဆုံး
Aug 22, 2025
Cover
ပြည်ပရောက်မြန်မာနိုင်ငံသားတွေ ကြိုတင်မဲ ပေးလိုပါက ကိုယ်ရေးအချက်အလက် အပြည့်စုံ ဖေါ်ပြပြီး မြန်မာသံရုံး ကိုပေးပို့ တောင်းဆိုနိုင်ဟုဆို
Aug 22, 2025
Cover
ပြည်ပရောက်အလုပ်သမားရဲ့ မိသားစုထံလွှဲပို့ငွေအတွက် အေဂျင်စီတွေကို နေပြည်တော်ခေါ်ယူစိစစ်မည်
Aug 21, 2025
Cover
အထောက်အထားမဲ့ နယ်စပ်ဖြတ်ကျော်လာသည့် မြန်မာနိုင်ငံသား ၅၀ ကျော် အဖမ်းခံရ
Aug 21, 2025
Cover
အလုပ်ပြောင်း၊ သူဌေးပြောင်း မည့် လုပ်သားများ အလုပ်ပြောင်းစာ ဘိုင်ကျန့်အော် ထုတ်စရာမလိုတော့ဟု ထိုင်းအလုပ်သမားဝန်ကြီးဌာနထုတ်ပြန်
Aug 21, 2025
Cover
အထောက်ထားမပြည့်စုံတဲ့ ရွှေ့ပြောင်းလုပ်သားတွေကို ထိုင်းအစိုးရက ဘတ်အသစ်ရိုက်ပေးပြီး အလုပ်လုပ်ခွင့်ပြု
Aug 20, 2025
Cover
ရွှေ့ပြောင်းလုပ်သားတွေ ရွေးကောက်ပွဲမှာမဲပေးနိုင်ဖို့ စစ်ကော်မရှင်ကြိုးပမ်းနေ
Aug 20, 2025
Cover
ငလျင်ကြောင့် အဆောက်ဦးပြိုကျမှုမှ သေဆုံးတဲ့ မြန်မာလုပ်သား ၈ ဦးအတွက် နစ်နာကြေး ဘတ် ၈ သန်းပေး
Aug 20, 2025