NEWS

Mai Yi Bei (Yangon) အထည်ချုပ် အထည်စံချိန် အလွန်အကျွံတောင်းခံ၊ အခကြေးငွေမပေးဘဲ အချိန်ပိုလုပ်ကိုင်ခိုင်း

CoverLogo
177 Views

ရန်ကုန်တိုင်းဒေသကြီး၊ လှိုင်သာယာမြို့နယ်၊ ရွှေလင်ဗန်းစက်မှုဇုန်၊ ပိတောက်လမ်း တွင်ဖွင့်လှစ်ထားသော Mai Yi Bei အထည်ချုပ်စက်ရုံမှာ အထည်စံချိန် အလွန်အကျွံတောင်းခံပြီး မရပါက အချိန်ပိုဆင်းကာချုပ်လုပ်ပေးနေရပြီး အချိန်ပိုကြေးပေးချေခြင်း မရှိလို့ ဖြေရှင်း ပေးစေလိုတယ်လို့ အလုပ်သမားတွေကပြောပါတယ်။ 

တရုတ်နိုင်ငံသားပိုင်စက်ရုံဖြစ်ပြီးအလုပ်သမား(၅၀၀)ကျော်နဲ့ လုပ်ငန်းလုပ်ကိုင်နေကာ Sinsay အမှတ်တံဆိပ် ဝေဖာသားအမျိုးသမီးဝတ်စကပ်များချုပ်လုပ်နေတာလို့ သိရပါတယ်။

"စက်ရုံက တစ်ကတ်ကြေး thicket နဲ့ ချုပ်တာလို့ပြောထားပြီး စတိုလ်တစ်ခုဝင်လာပြီးဆို ဘယ်ပွိုင့်ကအထည်ဈေးဘယ်လောက်လဲဆိုတာ အလုပ်ရှင်ဘက်ကသတ် မှတ်ပေးထားတာ မရှိဘဲ အလုပ်သမား ဘက်က အထည်စံချိန်ဘယ်လောက်ပေးရမလဲဆိုတာပဲ ပြောတာ စက်လိုင်းထဲမှာလည်း တရုတ်နိုင်ငံသူတရုတ်အမျိုးသမီးနဲ့ နည်းပညာဆရာဆိုသူကအုပ်ချုပ်ပြီး တစ်ခြားဌာန တွေကိုစက်ရုံလူယုံ ရှမ်းတရုတ်တစ်ယောက်ဖြစ်သူ အားရှန်ဆိုသောလူကအုပ်ချုပ်ပါတယ် အလုပ်သမား တွေကို ကိုမချုပ်လုပ်နိုင်တဲ့ အထည်စံချိန် တွေ မတရားတောင်းခံ နေတာပါ စက်လိုင်းတစ်လိုင်းက အလုပ်သမား(၅၀) ကို တစ်နာရီကိုလိုင်းပေါက်အထည် (၅၀)တောင်းတာ အလုပ်ရှင်ဘက်က တစ်ဖက်သတ်တောင်းခံတာ အဲ့ဒီ အထည်စံချိန်က အလုပ်သမားတွေ ချုပ်လို့ မရနိုင်သောစံချိန် ပါ အလုပ် ရှင်ဘက်မှတောင်းခံသောစံချိန်မရရင် အလုပ်လွှတ်ချိန်အိမ်မပြန်ရသေးဘဲ အချိန်ပိုအိုတီကိုညနေ၆နာရီ ကနေ ၈နာရီအထိအလကားဆင်းပေးပြီး အထည်စံချိန်ပြည့်အောင်ဖိအားပေးချုပ်ခိုင်းတယ်"လို့ အလုပ်သမားကပြောပါတယ်။

လိုင်းအလိုက် အထည်စံချိန်ကို လအလိုက်သတ်မှတ်ထားပြီး ထိုစံချိန်မပြည့်ပါကလည်း လစာများ ဖြတ်တောက်ခံရတယ်လို့အလုပ်သမားကပြောပါတယ်။

" တခြားဌာနတွေမှာလည်း အထည်ကြေးပေးမယ် ဆိုပြီး ချုပ်ခိုင်းတာရှိတယ် အလုပ်သမားတွေကလည်း မနားဘဲ အချိန်ပြည့်မနားမနေချုပ် လည်းအထည်ကြေးက ၁ သောင်းမပြည့်ဘူး" လို့ အလုပ်သမားကပြောဆိုပါတယ်။ 

လုပ်ငန်းခွင်ထဲမှာ နေ့စားအလုပ် သမား ၅၀ ကျော် ခိုင်းစေနေပြီး အလုပ်တရက်ပျက်ပါက အလုပ်ကထုတ်ပယ်တာတွေပြုလုပ်ပြီး လုပ်သက် ၃ လ ကျော် အလုပ်သမားတွေကို အတည်ပြုခန့်အပ်ခြင်းမရှိဘဲ အလုပ်ထုတ်ခြင်း ပြန်ခန့်ခြင်းများ မကြာခဏပြုလုပ်မှုတွေလုပ်ဆောင်တာကြောင့် နစ်နာမှုတွေ ဖြစ်ပေါ်နေတယ်လို့ ဆိုပါတယ်။

အလုပ်သမားများခံစားခွင့်ရှိသော ရှောင်တခင်ခွင့်၊ ဆေးခွင့်များကို အလုပ်သမားများယူလျှင်လည်း စူပါများကအငြိုးအတေးထားခြင်းကြောင့် အလုပ်သမားများ ကခွင့်မယူရဲခြင်း၊ မတတ်သာလို့ခွင့်ယူလျှင်လည်း ဒေးကြေး(၅၆၀၀)၊ရက်မှန်ကြေး(၂၀၀၀၀)ကျပ်ဖြတ် တောက်ခံရတယ်လို့ အလုပ်သမားကပြောပါတယ်။

 "မကြာသေးခင်ကလည်းစက်ရုံမှာအော်ဒါပါးလို့ဆိုပြီး အလုပ်ကိုတစ်ရက်ဆင်းတစ်ရက်နား လုပ်ခိုင်းတယ် တကယ်အော်ဒါတွေပြန်ရရင်နားထားတဲ့ရက်အတိုင်း အစားထိုးပြန်ဆင်းပေးရမယ်လို့အလုပ် ရှင်ဘက်ကပြောပါတယ် အလုပ်ရှင်ဘက်က အလုပ်သမား တွေနဲ့ ညှိနှိုင်းဆွေးနွေးတာ မရှိဘဲသူ့သဘောနဲ့ သူပြောတဲ့အတိုင်းလုပ် မလုပ်ချင်ရင် အလုပ်ထွက်ဆိုတဲ့ပုံစံမျိုးပြောပါတယ် အလုပ်သမား တွေ သုံးတဲ့ အိမ်သာ တွေလည်း သန့်ရှင်းမှုမရှိ ပါဘူး" လို့ အလုပ်သမားကပြောဆိုပါတယ်။

အလုပ်သမားတွေအနေနဲ့ အလုပ်သမားများခံစားခွင့်ရှိသော ခွင့်များကိုခံစားခွင့်ပေးရန်နှင့် ခွင့်ယူပါကကြီးကြပ်သူများမှအငြိုး အတေးမထားရန်၊ ၃လပြည့်ပြီးသောအလုပ်သမားများကို အတည်ပြုဝန်ထမ်းခန့်အပ်ပေးရန်၊ စံချိန်များတောင်းခံရာတွင် အလုပ်သမားများချုပ်လုပ်နိုင်သော စံချိန်ကိုတောင်းခံရန်၊ အလုပ်သမားများကို အချိန်ပိုအိုတီကြေးပေးရန်နှင့် အချိန်ပိုအိုတီအလကားမဆင်းခိုင်းရန် စတဲ့အချက်တွေကို ဖြေရှင်းပေးစေချင်တယ်လို့ အလုပ်သမားတွေထံကသိရပါတယ်။


Related posts

Cover
စက်ရုံရွှေ့ပြောင်းပါက လိုက်ပါနိုင်ခြင်းမရှိသူတွေကို နစ်နာကြေးပေးဖို့ အလုပ်သမားတွေတောင်းဆို
Mar 02, 2024
Cover
အလုပ်သမားတွေစိတ်ပိုင်းဆိုင်ရာ အကြမ်းဖက် ခိုင်းစေခံနေရ
Feb 29, 2024
Cover
Tianjin Fashion Milestone စက်ရုံ အချိန်ပို မဆင်းပေးသည့် အလုပ်သမားများအား ဖယ်ရီမပေးလို့ လုပ်သား ၃၀၀ ခန့် လမ်းလျှောက်ပြန်ရ
Feb 29, 2024
Cover
နေ့စားအလုပ်သမားတွေကို ဥပဒေမဲ့အလုပ်ထုတ်ပယ်မှု ဖြေရှင်းပေးစေလိုဟုဆို
Feb 28, 2024
Cover
Tianjin Fashion Milestone စက်ရုံ အိမ်သာဝင်သည့် အလုပ်သမားများအား ဓာတ်ပုံရိုက်ခိုင်းပြီး တရားခံသဖွယ် စစ်ဆေးနေ
Feb 28, 2024
Cover
Myanmar I-Tex Garment စက်ရုံ ကြီးကြပ်ရေးမှူးများ ဆဲဆို အထည်စံချိန်တောင်း
Feb 28, 2024
Cover
WELCOMBINE LEATHER MYANMAR Co.,ltd စက်ရုံတွင့် ခွင့်မပေးဘဲ လစာဖြတ်
Feb 28, 2024
Cover
Handa အထည်ချုပ်စက်ရုံကအလုပ်သမားတွေ အလုပ်သမားအခွင့်အရေး ချိုးဖောက်ခံနေရ
Feb 25, 2024