NEWS

Kings rich (MYANMAR) Fashion စက်ရုံမှာ ဒေးကြေးတိုးပေးဖို့ စက်ရုံတစ်ရုံလုံးဆန္ဒပြ

CoverLogo
178 Views

ရန်ကုန်တိုင်း၊ ရွှေပြည်သာမြို့၊ ၁၈ ရပ်ကွက်၊ ရေပြာလမ်း ၊အမှတ် -  ရှိ Kings rich (MYANMAR) Fashion Limited မှာ၀င်ရောက်လူပ်ကိုင်နေကြတဲ့  အလုပ်သမားတွေဟာ ဒီကနေ့ဇွန် ၁၀ရက်နံနက်ပိုင်းက  ဒေးကြေးတိုးပေးဖို့စက်ရုံတစ်ရုံလုံးဆန္ဒပြတောင်းဆိုနေကြတယ်လို့ ကနဦးသိရပါတယ်။ 

"ရွှေပြည်သာ စက်မှုဇုန်  Kings rich Myanmar fashion အထည်ချုပ် စက်ရုံ ဆန္ဒပြ၊ Day ကြေး တိုးပေးဖို့ တောင်းဆိုချက် တခုတည်း ကိုဘဲတောင်းတာလို့ ကနဦး သတင်းရရှိထားပါတယ်။စက်ရုံ တရုံလုံး မီးမှောင်ချထားပြီး ဘယ်သူမှအလုပ်မလုပ်ဘဲ တောင်းဆိုမှုကို ဒီနေ့မနက် ၈:၀၀နာရီ အလုပ်စဝင်ချိန်ထဲက ပြုလုပ်တာလို့သိထားတယ်" လို့  STUM ကဆိုထားပါတယ်။ 

အဆိုပါစက်ရုံဟာ HM အမှတ်တံဆိပ် ချုပ်နေတဲ့ အလုပ်သမားထောင်ကျော်ရှိတဲ့ စက်ရုံတစ်ရုံဖြစ်ပြီး အလုပ်သမားများ အလုပ်သမားအခွင့်အရေးချိုးဖောက်ခံရမှုကြောင့်  အငြင်းပွားမှုမကြာခဏဖြစ်ပွားလေ့ရှိတဲ့စက်ရုံလည်းဖြစ်သလို ပြီးခဲ့တဲ့နှစ်က အလုပ်သမားတစ်ဦးကိုယ်ထိလက်ရောက်ကျူးလွန်ခံရမှုကို ဖြေရှင်းပေးခြင်းမရှိတဲ့အပြင် ဥပဒေမဲ့ အလုပ်ကထုတ်ပယ်ခဲ့တဲ့ ဖြစ်စဉ်လည်းရှိခဲ့ပါတယ်။

"အဆက်အသွယ်တော့မရသေးဘူး ခေါင်းဆောင်လည်းမရှိဘူး ဒီအတိုင်းဒေးကြေးတိုးတောင်းတဲ့အချက်နဲ့ပဲဆန္ဒပြတယ်လို့သိရတယ်။ ဒေးကြေးကအရမ်းနည်းလွန်းလို့ ခုလိုတောင်းဆိုတာဖြစ်မယ်။ စက်ရုံမှာ လုံခြုံရေးတွေစောင့်နေကြတယ်ဆိုတော့ ကိုယ်တွေလည်းသွားမဖြစ်ဘူး။  ဘာကြောင့်လဲတောင်းဆိုချက်တွေဘာလဲဆိုတာ မသိရ ဘူး။ ဒီစက်ရုံကခုထိတော့ HM ဘရမ်းချုပ်နေသေးတယ်သိရတယ်။ အလုပ်သမားကထောင်ကျော်တယ်။ စက်ရုံကပြသနာခဏခဖြစ်တဲ့စက်ရုံနာမည်ကြီးပဲ။ အလုပ်သမားတွေဆန္ဒမပြရဘူး မတောင်းဆိုရဘူး။ သမဂ္ဂမဖွဲ့ရဘူး  အမျိုးမျိုးပဲ"လို့ အလုပ်သမားရေးကူညီဆောင်ရွက်သူတစ်ဦးကဆိုပါတယ်။ 

အဆိုပါစက်ရုံကအလုပ်သမားတွေဟာ  ယနေ့နံနက်၈နာရီ စက်ရုံထဲစရောက်ချိန်ကစလို့  ဒေးကြေးအရမ်းနည်းလွန်းတာကြောင့်  ဒေးကြေးတိုးပေးဖို့  စက်ရုံတွင်းမီးများပိတ်ကာ  အလုပ်ရပ်ပြီးအလုပ်သမားများအားလုံးတောင်းဆိုနေကြတာဖြစ်တယ်လို့ သိရပါတယ်။


Related posts

Cover
ဒေးကြေးနဲ့အချိန်ပိုကြေးတွေတိုးပေးဖို့ အလုပ်သမားတွေ ဆန္ဒဖော်ထုတ်
Jul 12, 2024
Cover
Heng Li Garment စက်ရုံအလုပ်သမားတွေ နားရက်မရှိလုပ်ကိုင်နေရပြီး အခွင့်အရေးချိုးဖောက်ခံရမှုများရှိနေ
Jul 11, 2024
Cover
JOC Myanmar Knitwear အထည်ချုပ်စက်ရုံအလုပ်သမားတွေ ဒေးကြေးတိုးပေးဖို့တောင်းဆို၊ အလုပ်သမား ၂ ဦးအလုပ်ထုတ်ခံရ
Jul 11, 2024
Cover
လူမှုဖူလုံရေးအကျုံးဝင်အလုပ်သမားများ မိမိတို့ရဲ့ဖူလုံရေးအထောက်အပံ့ရပိုင်ခွင့်တွေအပေါ် ပိုမိုသိရှိရန်လိုအပ်နေသေး
Jul 11, 2024
Cover
အခြေခံအလုပ်သမားတွေ ဆိုင်ဖျော်လဘက်ရည်တခွက် သောက်နိုင်ဖို့ အလှမ်းဝေးလာ
Jul 10, 2024
Cover
pepsi အချိုရည် ကုမ္ပဏီကိုထပ်တိုးတရားစွဲဆိုမှု ၁၈ ရက်နေ့သို့ပြန်လည်ချိန်းဆို
Jul 10, 2024
Cover
Wonderful Apparel အထည်ချုပ် အလုပ်သမားတွေ အခွင့်အရေးချိုးဖောက်ခံနေရ
Jul 09, 2024
Cover
၃ ရက်အတွင်း ဝမ်းပျက်ဝမ်းလျှောရောဂါ ဖြစ်ပွားသူ (၁၆၀) ကျော်ထိမြင့်တက်လာလို့ စက်ရုံအလုပ်သမားတွေ စိုးရိမ်နေရ
Jul 09, 2024