ကျနော်ကတော့ J Donuts မှဝန်ထမ်းတစ်ဦးဖြစ်ပါတယ်။ ကျနော်တို့ဝန်ထမ်းတွေခုဆို လစာတွေခေါင်းပုံဖြတ်ခံနေရပါတယ်၊ အလုပ်ချိန်ဆိုရင်လဲမနက် ၈ နာရီမှ ညနေ ၆ နာရီထိဆင်းရပါတယ်။တစ်ခါတလေအလုပ်မ ပြီးတဲ့နေ့များဆို ၇ နာရီထိုးတဲ့ထိနေရပါတယ်။ ခုလိုအခက်ခဲကာလမှာဆိုင်ဝန်ထမ်းတွေနဲ့ စက်ရုံဝန်ထမ်းတွေပေါ်မှာလစာတွေမတရားဖြတ်ခံနေရပါတယ်။
အရင်ကဆိုကျနော်တို့တွေ ရနေကျ OT တွေအစိုးရရုံးပိတ်ရက်တွေ ဆင်းရင် ရတဲ့ကြေးတွေ ရော အခြားခံစားခွင့်တွေရော ခုဆိုဘာတစ်ခုမှမပေးတော့ပါဘူး အဆိုးဆုံးကတော့ မကျေနပ်လို့အလုပ်ထွက်မယ်ဆိုရင်တောင်ပေးမပြန်ပါဘူး ။
ကျနော်တို့ကာကွယ်ဆေးထိုးတဲ့လက်မှတ်တွေ ရော မှတ်ပုံတင်တွေရောအကုန်သိမ်းထားပါတယ်။ အရင်ကိုဗစ်ကာလကဆို 25% လစာထဲကဖြတ်ပါတယ်။ အဲ့ထက်ဆိုးတာကတော့ခုဆိုဆိုင်တွေမှာ လာစားတဲ့သူတွေဆီကနေအခွန် 5% အတင်းတောင်းခိုင်းတဲ့ကိစ္စပါပဲ၊ခုလဲအလုပ်သမားအခွင့်ရေးဖြစ်တဲ့ လုပ်သက်ခွင့်နဲ့ရှောင်တခွင် ခွင့်ကို လုံးဝမပေးတာပါပဲ။ကျနော်တို့ခုဆို တစ်နှစ်ပြည့်လို့ နယ်ပြန်မယ်ဆိုရင်တောင် လစာမဲ့ခွင့်တွေနဲ့ပြန်နေရပါတယ်။
ဝန်ထမ်းတွေပေါ်မှာလဲ နည်းနည်းမှ မကြည့်ပါဘူး။ အခုကျနော်တို့ခံစားနေရတာတွေကို ဘယ်မှာမှတိုင်လို့မရလို့ခုလိုရင်ဖွင့်ရတာပါ။ ပိုင်ရှင် နဲ့ မန်နေဂျာတွေဆိုလည်း အရမ်းမောက်မာပါတယ်၊ ကျနော်တို့ခုလိုခံစားနေရတာတွေကိုသိစေအောင်တင်ပြပေးတာပါခင်ဗျာ၊
ကျနော်တို့တွေ အစိုးရထုတ်ပြန်ထားတဲ့အလုပ်သမားခွင့်ရေးတွေလိုချင်တယ်။ ကျနော်တို့ရနေကျ ot တွေလိုချင်တယ် အစိုးရရုံးပိတ်ရက်တွေဆို အလုပ်ဆင်းရရင် ပိုက်ဆံတွေပြန်လိုချင်တယ်။နောက်ပီးသူတို့တွေအခွန်တွေ စားသုံးသူဆီကနေတောင်းခိုင်းတာတွေကို စားသုံးသူတွေသိစေချင်တယ်။
အရင်က လစာကို ၂ သိန်း ကျော်ရပေမယ့် အခုတစ်လ ၁ သိန်း ၅ သောင်းလောက်ပဲရတော့တယ်၊ အလုပ်ချိန်ကတော့ အတူတူပါပဲ။
အရင်က ကျွန်တော်တို့ ဝန်ထမ်းတွေကို မနက်စာ မုန့်တစ်ခု ကော်ဖီတခွက်ရပါတယ်။ နောက်တော့ မနက်စာ ကို ၅၀၀ ကျပ်အဖြစ် လကုန်ရင် ၁၅၀၀၀ ပေါင်းပေးပါတယ်။မုန့်သယ်ဝန်ထမ်းတွေ အလုပ်ထွက်တော့ ဆိုင်ဝန်ထမ်းတွေ မုန့်သယ်ရမယ်ဆိုပြီး တစ်လကို ၂၀၀၀၀ ကျပ်ပေါင်းပေးပါတယ်။တစ်နေ့အလုပ်ချိန် ၈ နာရီ ထမင်းစားချိန်နဲ့ ဆို ၈ နာရီခွဲပါ။ခုက အချိန်တွေ ပိုများနေပါတယ်၊ အိုတီ၊ မနက်စာနဲ့ မုန့်သယ်ခတွေလဲ မပေးတော့ပါဘူး။
ခုဆိုရင် လစာက အရမ်းနည်းပါတယ်, လုပ်သက် နှစ် ၂၀ နီးပါး ဝန်ထမ်းရဲ့ လစာက ၂ သိန်းမပြည့်ပါဘူး။ ကုန် ဈေးနှုန်းတွေက တက်တော့ လစာနဲ့ မလောက်ပါဘူး။ ဝန်ထမ်းတွေအနေနဲ့ ကြိုးစား အလုပ်လုပ်ရင် အာအကျိုးကျေးဇူးတွေ ရှိမလဲ သိချင်ပါတယ်။
ကျနော်တို့စက်ရုံက မဂ်လာဒုံ ဇေကမ္ဘာ ၃ လမ်းမှာပါ ကျနော် တို့စက်ရုံရော ဆိုင်တွေရော အောက်ခြေဝန်ထမ်းတွေအကုန်ဖြစ်နေတာပါခင်ဗျာ။
