မြန်မာနိုင်ငံ ပြည်တွင်း လွတ်မြောက်နယ်မြေက မြန်မာနိုင်ငံအလုပ်သမားတပ်ပေါင်းစု MLA နဲ့ CDM အလုပ်သမား တွေက ဒေါ်ဖြိုးစန္ဒာစိုးနဲ့ ဒေါ်ခိုင်ဇာအောင်တို့ အမျိုးသမီးခေါင်းဆောင်(၂)ဦးကို ထောက်ခံ ရပ်တည်ပြီး အပြည်ပြည်ဆိုင်ရာ အလုပ်သမားအဖွဲ့ ILO က စစ်ကောင်စီပေါ် အရေးယူမှုချက်ချင်းဆောင်ရွက်ဖို့ တောင်းဆိုတဲ့ ဓါတ်ပုံ ကမ်ပိန်း ပြုလုပ်ခဲ့တယ်လို့ သိရပါတယ်။
ဆွစ်ဇလန်နိုင်ငံ၊ ဂျနီဗာမြို့မှာ လက်ရှိ ကျင်းပနေတဲ့ ILO ညီလာခံမှာ အမျိုးသမီး ခေါင်းဆောင်နှစ်ဦးစလုံးက စစ်အာဏာရှင်ကို အရေးယူနိုင်ရေး တင်ပြ ဆွေးနွေးနေတယ်လို့လည်း သိရပါတယ်။
ဒေါ်ဖြိုးစန္ဒာစိုးက ILO အုပ်ချုပ်ရေးအဖွဲ့မှာ အလုပ်သမား ကိုယ်စားလှယ်အဖြစ် အရွေးချယ်ခံထားရပြီး ဒေါ်ခိုင်ဇာအောင်ကတော့ အလုပ်သမားအရေး ကြိုးပမ်းမှုအတွက် Arthur Svensson Prize ဆု ချီးမြှင့် ခံထားရသူ ဖြစ်ပါတယ်။
ILO အုပ်ချုပ်ရေးအဖွဲ့မှာ အလုပ်သမားကိုယ်စားလှယ်အနေနဲ့ ထပ်မံအရွေးခံရတဲ့အပေါ် ဒေါ်ဖြိုးစန္ဒာစိုးကို MLA က ဂုဏ်ပြုကြောင်း ဇွန်လ ၁၁ က ထုတ်ပြန် ထားပါတယ်။
