Hosheng Myanmar Garment Co.Ltd အထည်ချုပ်စက်ရုံက ကိုယ်ဝန်ဆောင် အလုပ်သမားတွေပါ မချန် ည ၉ နာရီအထိ အချိန်ပို ဆင်းခိုင်းနေတယ်လို့ သွေးစည်းညီညွတ်သော သမဂ္ဂများအဖွဲ့ချုပ် (STUM) ကို အလုပ်သမားတွေက ပြောပါတယ်။
“စက်ရုံက ၁၇ရက်က စပြီး ည ကိုးနာရီအထိ ဆင်းခိုင်းတယ်။ အလုပ်သမားတွေ အားလုံးဆိုတော့ ကိုယ်ဝန်ဆောင်တွေပါ အချိန်ပိုဆင်းရတယ်။ ” လို့ အလုပ်သမားတွေနဲ့ နီးစပ်သူကပြောပါတယ်။
စက်ရုံက ညနက် ၉ နာရီအထိ အချိန်ပိုတွေ အတင်းအကျပ် လုပ်ကိုင်ခိုင်းနေတာက ဇွန် ၁၇ ကတည်းဖြစ်ပြီး ဇွန်၂၀ မှာလည်း လုပ်ကိုင်ရမယ်ဆိုပြီး ပြောဆိုထားတယ်လို့ STUM အဖွဲ့က လူမှုကွန်ရက်မှာ ရေးထားပါတယ်။
“အချိန်ပို ကို ည ၉ နာရီအထိ အတင်းအကျပ်ဆင်းခိုင်းနေတာ။ STUM ကိုလည်း တိုင်ကြားထား ပါတယ်”လို့ အလုပ်သမားတွေက ပြောပါတယ်။
စက်ရုံမှာ အလုပ်သမား ၁၀၀၀ ကျော် က Flil Brand အမှတ်တံဆိပ်တွေ ချုပ်လုပ်နေပြီး ရန်ကုန်မြို့၊ သာဓုကန်စက်မှုဇုန်၊ မြလမ်းမှာ ဖွင့်လှစ်လုပ်ကိုင်နေနပါတယ်။
(Note - Hosheng Myanmar Garment က ၂၀၂၃ ခုနှစ် ဇွန်လမှာ လုပ်ခလစာတိုးမြှင့်ပေးဖို့ တောင်းဆိုတဲ့ အလုပ်သမား ၇ ဦးကို အလုပ်က ထုတ်ပယ်ခဲ့ပါတယ်။ အလုပ်ထုတ်မှုကြောင့် အလုပ်သမား ၆၀၀ ကျော်က ကန့်ကွက်ဆန္ဒပြခဲ့လို့ ညှိနှိုင်းမှု နှစ်ဖက်လုပ်ဆောင်ခဲ့ပါတယ်။ ဒီညှိနှိုင်းမှု အပြီး အလုပ်သမားခေါင်းဆောင်တွေ အိမ်အပြန်မှာ င်းဆိုမှုကို ဦးဆောင်ခဲ့တဲ့ အလုပ်သမား တချို့ကို စစ်ကောင်စီက လအတန်ကြာ ဖမ်းဆီးထိန်းသိမ်းခံခဲ့ရပါတယ်။ ဒီနောက် တရားစွဲခဲ့ပြီးနောက် အလုပ်သမားတွေ ပြန်လည်လွတ်မြောက်လာပေမဲ့ လုပ်ငန်းခွင် ပြန်လည်ဝင်ရောက် နိုင်တာ မရှိတော့ ပါဘူး။)
