NEWS

HOPE ONE အထည်ချုပ်စက်ရုံ အလုပ်သမားအခွင့်အရေးချိုးဖောက်မှုများကျူးလွန်နေဟုဆို

CoverLogo
716 Views

လှိုင်သာယာမြို့နယ် အလယ်ရွာ မီးသတ်ဝိုင်းအနီးရှိ ဂျပန် နိုင်ငံသားပိုင် HOPE ONE စက်ရုံမှာ အလုပ်သမားခံစားခွင့်ဖြစ်တဲ့ဥပ​ဒေပါရှောင်တခင်ခွင့် ခံစားခွင့်မပေးခြင်း၊ ခွင့်တိုင်လျှင်လည်းခွင့်မပေးဘဲ ရက်ပျက်လျှင်ဒေး ကြေး(၅၈၀၀)ကျပ်နဲ့ ရက်မှန်ကြေး(၁၀၀၀၀)ကျပ်၊စုစုပေါင်း(၁၅၈၀၀)ကျပ်ဖြတ်တောက်ခံရခြင်း၊ အလုပ်သမားများမှာ လစဥ်လတိုင်း လူမှုဖူလုံရေးကြေးပိုက်ဆံ တစ်ယောက်ကို(၂၅၀၀)ကျပ်ထည့်ဝင်ရသော် လည်းလူမှုဖူလုံရေးခံစားခွင့်ဖြစ်သော ဆေးခွင့်များခံစားခွင့်မပေးတာတွေကို ချိုးဖောက်နေတာဖြစ်တယ်လို့ သိရပါတယ်။  

အဆိုပါ HOPE ONE CO,LTD စက်ရုံဟာ အလုပ်သမားများ (၁၀၀၀)ကျော်ဖြင့်လုပ်ငန်းလုပ်ကိုင်းပြီး Ladies Fashion တံဆိပ်ချုပ် ဆွဲသားအပါးအင်္ကျီများ ချုပ်လုပ်နေတာဖြစ်ပါတယ်။ 

နေထိုင်းမကောင်းလို့ခွင့်တိုင်လျှင် "အောစူပါ၊စူပါများကခွင့်ရက်နဲ့ပတ်သတ်ရင် ငါတို့ကိုလာမပြောနဲ့အထက်ကလည်း ခွင့်မပေးခိုင်းဘူး၊ ငါတို့လည်းခွင့်မပေးဘူး၊ ခွင့်ပေးလိုက်လျှင်စံချိန်မရတော့ဘူး"လို့ ပြောတယ်လို့ အလုက်သမား ပြောကြားချက်အရသိရပါတယ်။ 

အောစူပါနဲ့စူပါများက အလုပ်သမားများကကျန်းမာ ရေးကိုမကြည့်ဘဲ စံချိန်ရရေးတစ်ခုနှင့် အလုပ်ရှင်မျက်နှာရရေးကိုသာဆောင်ရွက် နေခြင်းဖြစ်ပြီး လုပ်ငန်းခွင်ထဲတွင်စံချိန်တောင်းခံရာတွင်လည်း အလုပ်သမားများမချုပ်လုပ်နိုင်သော အထည်စံချိန်များကို မတရားတောင်းခံနေခြင်း၊ အလုပ်သမားတစ်ဦးကိုစက်နှစ်လုံးချုပ်လုပ်ရခြင်း၊ စက်လိုင်းတစ်လိုင်းကိုလူ (၂၅) ဦးရှိပြီး လိုင်းပေါက်အထည် တစ်နာရီလျှင် (၂၅၀မှ၃၀၀)အထိပေးရခြင်း၊ အလုပ်ရှင်ဘက်ကတစ်ဖက်သတ် သတ်မှတ်ထားသောစံချိန်မရလျှင် ယောက်ကျားလေးအောစူပါ၊စူပါများမှ စက်လိုင်းထဲတွင်အော်ဟစ်ဆဲဆို ခြင်း၊ စောက်နဲ့ခိုင်းနှိုင်းကာပြောဆိုနေခြပြုလုပ်နေခြင်း၊ လုပ်ငန်းခွင်ထဲတွင်စက်လိုင်းထဲတွင် ယောက်ကျား လေးနှင့်မိန်းကလေးများမှာ စက်အတူတူချုပ်နေရခြင်းကြောင့် ယခုလို့နေ့တိုင်းအော်ဟစ်ဆဲဆိုနေခြင်းမှာ အလုပ်သမမိန်းခလေးများဂုဏ်သိက္ခာထိခိုက်နေပြီး ရည်ရွယ်ချက်ရှိရှိဖြင့်အရှက်ရစေရန် လုပ်ဆောင်နေခြင်းဖြစ်တယ်လို့ အလုပ်သမားကပြောပါတယ်။

ဒါ့အပြင်အထည်စံချိန်လည်းမတရားတောင်းခံလို့ အလုပ်သမားများကလည်းစံချိန်ပြည့်မှီရေး အသဲအသန်ချုပ် လုပ်ရတဲ့အခါ အထည်ပဲကျလျှင်လည်း ပိုက်ဆံ(၁၀၀၀)ကျပ်ဖြတ်တောက်ခံရတယ်လို့လည်း သိရပါတယ်။ 

ဒါ့အပြင် အလုပ်သမားများလစာပေးစနစ်မှာ ဒေးကြေးလိုလိုတစ်ကဒ်ကြေးလိုလိုလုပ်ထားပြီး အလုပ်သမားများကို ကျွမ်းကျင်ကြေး A(၅၀၀၀၀)၊ B(၃၀၀၀၀)၊ C(၂၀၀၀၀)၊ D(၁၀၀၀၀)ကိုအဆင့်လိုက်ပေးထားခြင်း၊ အလုပ်သမားများကကျွမ်းကျင်မှုအလိုက် A,B,C,Dအဆင့်များရရှိထားသည့်အတွက် လစာထုတ်ရာတွင်ကျွမ်း ကျင်ကြေးတိုင်တစ်ခုဖြင့်ရမည်ဟုသိရှိထားသော်လည်း အလုပ်ရှင်ဘက်မှကျွမ်းကျင်ကြေးမဟုတ်ပဲ တစ်ကဒ် ကြေးပိုက်ဆံဆိုပြီး လစာထဲထည့်ပေးပြီးအလုပ်သမားများကို နားလှည့်ပါးရိုက်ပုံစံမျိုးပြုလုပ်ထားတာကြောင့်လည်း အခက်တွေ့နေစတယ်လို့ဆိုပါတယ်။

အချိန်ပိုအိုတီများလည်း မဆင်းမနေရဖိအားပေးဆင်းခိုင်းခြင်း၊ အချိန်ပိုအိုတီများ ကြိုပြောထားခြင်းမရှိပဲ အချိန်ပိုအိုတီကိုညလုံးပေါက်ဆင်းခိုင်းခြင်း၊ အချို့အလုပ်သမားများမှာညလုံးပေါက် အချိန်ပိုအိုတီမဆင်းနိုင်ကြောင်း မီတင်လူအများစုရှိတဲ့အချိန်တွင် ပြောရာ အချိန်ပိုအိုတီမဆင်းရင်လည်း နံနက်အလုပ်လာတာနဲ့ငါတောင်းတဲ့ အထည်စံချိန်ကိုမရရ အောင်ပေးရန်တောင်းဆိုမှုပြုလုပ်တယ်လို့ သိရပါတယ်။

အလုပ်သမားများအောနိုက်အောလင်းအထိ အချိန်ပိုအိုတီဆင်းရတဲ့အခါ အလုပ်ရှင်ဘက်မှအလုပ်သမားလာရတဲ့ ခရီးအနီးအဝေးကိုကြည့်၍မုန့်ဖိုးဆိုပြီး (၂၀၀၀)ကျပ်ပေးထားသော် လည်းစူပါများမှသူတို့နဲ့အဆင်ပြေသော အလုပ်သမားကိုပဲပေးထားပြီး၊ စူပါနဲ့အဆင်မပြေသောအလုပ်သမား များကိုမပေးဘဲ ဖြတ်ယူထားတာမျိုးတွေပြုလုပ်လေ့ရှိတယ်လို့ဆိုပါတယ်။

ဒါ့အပြင် စက်လိုင်းထဲ တွင်သန့်ရှင်းရေးဆိုပြီးလိုက်လံစစ်ဆေးရာတွင် သန့်ရှင်းမှုမရှိဘူးဟုပြောကာ ပိုက်ဆံ(၅၀၀)ကျပ်ဖြတ်တောက်ခံရလို့ အလုပ်ပြန်ချိန်တွင်အလုပ်သမားများက မိမိစက်နေရာသန့်ရှင်းရေးများလုပ်ဆောင်ရတဲ့ အပြင်စက်လိုင်းတစ်လိုင်းလုံးကို သန့်ရှင်းရေးလုပ်ဆောင်ရခြင်း၊ အလုပ်သမားများကိုယ်ပိုင်ပစ္စည်းဖြစ်သောဖုန်းကို မိမိနှင့်အတူမထားရပဲ ထမင်းစား ဆောင်တွင်သေတ္တာအသေးလေးထဲဖုန်းကိုထည့်ထားခိုင်းခြင်း၊ ထိုသေတ္တာကလူနဲ့အဝေးကြီးမှာဖြစ်ပြီး အများ သုံးထားသောကြောင့်ခိုင်ခန့်မှုမရှိခြင်းကြောင့် ဖုန်းကိုမိမိအနားယူထားမိရင်လဲ အောစူပါ၊စူပါများပြောဆိုခံရ သည့်အပြင်HRမှဖုန်းကိုအပြီးသိမ်းဆည်းသွားတာအထိခံရခြင်း၊ HRဘက်မှသိမ်းသွားသောဖုန်းကို အလုပ်သမားမှ လုံးဝပြန်မရသော အလုပ်သမားရှိနေသလို အလုပ်သမားမှသွားပြန်မတောင်းရဲသောကြောင့် ဆုံးရှုံးနစ်နာရတာရှိတယ်လို့လည်း သိရပါတယ်။ 

အလုပ်သမားအနေဖြင့် ဖုန်းတစ်လုံးဝယ်နိုင်ရန်မလွယ်ကူသောကြောင့် ဖုန်းကိုအပြီး သိမ်းဆည်းတာမျိုးမ​ပြုလုပ်ခြင်း၊ စက်ရုံထဲတွင်အလုပ်သမားတစ်ထောင်ကျော်ရှိသော်လည်း ကျွမ်းကျင် အဆင့်မရှိသောဆရာများကိုခန့်ထားခြင်း၊ ထားရှိရမည်ဆေးဝါးများအလုံအလောက်မရှိခြင်းစတဲ့ ချိုးဖောက်မှုများစွာကို ချိုးဖောက်နေတာဖြစ်တယ်လို့ သိရပါတယ်။ 

ဒါကြောင့်အလုပ်သမားတွေက တောင်းဆိုချက်များဖြစ်တဲ့ တောင်းဆိုချက် ၇ ချက်ကိုလည်းတောင်းဆိုထားတယ်လို့ သိရပါတယ်။ တောင်းဆိုချက်တွေကတော့ 

၁။ အလုပ်သမားများကိုလူမှုဖူလုံရေးခံစားခွင့်ပေးရန်နှင့် ရှောင်တခင်ခွင့်ခံစားခွင့်ပေးရန်။

၂။ အလုပ်သမားများကိုယ်ပိုင်ဖုန်းကိုအပြီးသိမ်းဆည်းမှု မပြုလုပ်ရန်။

၃။ အလုပ်ရှင်နှင့်အလုပ်သမားနှစ်ဦးသဘောတူစာချုပ်ချုပ်ဆိုရန်နှင့် လုပ်ငန်းခွင်ထဲတွင်မလိုလားအပ်သော စည်းကမ်းချက်များမချမှတ်ရန်။

၄။ စက်ချုပ်အလုပ်သမားများသည် သန့်ရှင်းရေးဝန်ထမ်းများမဟုတ်သည့်အတွက် သန့်ရှင်းရေးမပြောင်လို့ဆို ပြီးပိုက်ဆံ(၅၀၀)ကျပ်မဖြတ်တောက်ရန်၊

၅။ ယောက်ကျားလေးအောစူပါ၊ စူပါများမှ မိန်ကလေးများကို ဆဲဆိုခြင်း၊ အော်ဟစ်ခြင်း၊ စောက်ဖြင့်ခိုင်းနှိုင်း ခြင်းမပြုလုပ်ရန်။

၆။ အလုပ်သမားများကိုပဲကျလျှင်ပိုက်ဆံ (၁၀၀၀)ဖြတ်တောက်ခြင်း မပြုလုပ်ရန်။

၇။ အလုပ်သမားများကိုလစာပေးလျှင် ရှင်းရှင်းလင်းလင်းလုပ်ဆောင်ပေးရန်တို့ဖြစ်တယ်လို့ သိရပါတယ်။


Related posts

Cover
လုပ်ငန်းခွင်အတွင်း ဆဲဆိုခိုင်းစေပြီး အလုပ်သမားအခွင့်အရေးချိုးဖောက်
Apr 12, 2024
Cover
သင်္ကြန်ပိတ်ရက်အစားထိုးမဆင်းသူတွေကို လစာဖြတ်တောက်ခြင်းမပြုရန် အလုပ်သမားတွေလိုလားနေ
Apr 07, 2024
Cover
လုပ်သားရှားပါးမှု စတင်ကြုံတွေ့နေရ
Apr 07, 2024
Cover
KSENG (Myanmar) သင်္ကြန်ရက်စား လုပ်ကိုင်ခိုင်း၊ လာရောက်စစ်ဆေးပေမဲ့ စက်ရုံဘက်က အပြောင်းအလဲ မလုပ်
Apr 07, 2024
Cover
PEPSI အချိုရည် စက်ရုံCEOနဲ့HR ကို အလုပ်သမားကတရားစွဲဆိုထားမှု ကုမ္ပဏီအမည်ကိုပါထပ်တိုးတရားစွဲရန်အမိန့်ချ
Apr 04, 2024
Cover
Yichang  Handbag (Myanmar)  အိတ်ချုပ်စက်ရုံ လုပ်သားအခွင့်အရေးချိုးဖောက်မှုရှိနေဟုဆို
Apr 03, 2024
Cover
ဆောင်းဦးရွှေနေစက်ရုံအတွင်း ယောင်ပြ သမဂ္ဂဖွဲ့စည်းဖို့ ကြိုးပမ်းမှုတွေ ရှိနေ
Apr 01, 2024
Cover
ပိတ်ရက်မရဘဲ အချိန်ပိုလုပ်ကိုင်နေရ
Mar 31, 2024